Ledige fagarbeidarstillingar på Rimbareid barne- og ungdomsabeidar 35% til 40% og 89% til 100%

Rimbareid barne- og ungdomsskule er ein 1.--10. skule med om lag 360 elevar. Skulen ligg flott til på Rimbareid i Fitjar kommune med utsikt over store delar av bygda, og står fram som attraktiv med nytt tilbygg, rehabilitert bygningsmasse og oppgradert uteområde.

Rimbareid skule skal vere ein inkluderande skule, der alle kjenner at dei høyrer til. Me strekk oss etter å stimulere elevane si nysgjerrigheit, lærelyst og meistringsglede gjennom tilrettelagt, utforskande og praktisk undervisning.

Frå 01.08.2025 er det ledige fagarbeidarstillingar ved Rimbareid barne- og ungdomsskule, både faste stillingar og årsvikariat. Me har behov for både heile stillingar og deltidsstillingar.

Nokre av stillingane er 89% -100%, med arbeidsforhold både i skulen og i SFO.

Nokre av stillingane er på om lag 35%- 40% med arbeidsforhold knytt til SFO etter skuletid (mellom kl. 13--16).

Me søkjer etter medarbeidarar som har:

• Fagbrev som barne- og ungdomsarbeidar -- eventuelt anna relevant utdanning og erfaring.
• Godt humør og gode kommunikasjons- og samarbeidsevner.
• Evne til å ta initiativ og arbeide målretta og sjølvstendig.

I tillegg til formell utdanning og praksis vert det lagt vekt på personlege eigenskapar.

Løns- og arbeidsvilkår vert i samsvar med gjeldande lover, reglement og tariffavtalar.

Me tilbyr:

Løns- og arbeidsvilkår i samsvar med gjeldande lover, reglement og tariffavtalar.
Interessante og utviklande arbeidsoppgåver i eit støttande, triveleg og profesjonelt arbeidsmiljø. Me har fokus på å vidareutvikla ein inkluderande skule.

Me ber om at du skriv i søknaden kva stillingsstorleik du ønskjer

Send inn oppdatert CVog referansar når du søkjer. Godkjente kopiar av vitnemål og attestar vert etterspurt i samband med innkalling til intervju.

Søkjarar må leggja fram politiattest før dei tek til i stillinga, jf. Opplæringslova §17-11

Har du spørsmål eller treng du fleire opplysningar, ta kontakt med:

Trude Mathiesen, rektor ved Rimbareid barne- og ungdomsskule -- tlf. 470 18 230

Informasjonskapsler på arbeidsplassen.no

Rapporter annonse