Vil du bidra i politiet sitt viktige arbeid på forvaltningsområdet? Vi har no ledig ei spennande stilling som rådgjevar/førstekonsulent i Møre og Romsdal politidistrikt.

I denne stillinga er hovedoppgåvene innanfor pass og ID-kort, samt saksbehandling av søknadar om køyresetlar, men også andre arbeidsoppgåver innan forvaltningsområde må påreknas. Gjennom forvaltningssporet vil du bidra inn i politiet sitt viktige arbeid med å førebyggje kriminalitet.

Seksjon for forvaltning har ansvaret for forvaltningsområda til politiet, mellom anna innan våpen, førarkort, køyresetlar, vedtakslinje pass/id-kort, vaktverksemd, brukthandel og hundesaker.

Seksjonen har ansatte med variert bakgrunn, utdanning, erfaring og alder. Vi held til både på Kristiansund politistasjon og Hustadvika politistasjon. Oppmøtestad for denne stillinga er i Kristiansund.

Vi ser frem til å høyre fra deg!

Arbeidsoppgåver

Saksbehandle pass- og ID-kortsaker i vedtakslinja – andrelinje for saksbehandlinga
Vere rådgjevar for saksbehandlarar i kontrollinja – førstelinje i saksbehandlinga
Saksbehandle tilskrivingssaker
Førehandsvarsle ved mogeleg passnekting og tilbakekall
Saksbehandle søknader om køyresetlar
Rettleie publikum
Ha fokus på førebygging gjennom forvalting
Halde seg oppdatert på gjeldande lover, forskrifter og rundskriv innan eige fagområde
Legga til rette for kunnskapsbasert erfaringslæring og bidra til kompetansedeling innan forvaltningsområdet
Eksterne foredrag og/eller rettleiing av samarbeidspartnarar
Saksbehandling innan andre forvaltningsgjeremål må påreknast

Kvalifikasjonar

Nødvendig:

Relevant høgare utdanning, minimum bachelorgrad. Særleg relevant praksis og realkompetanse kan erstatta kravet om utdanning.
Erfaring frå offentleg forvaltning og saksbehandling, eventuelt tilsvarande god kunnskap om norsk offentleg forvaltning og saksbehandling
God munnleg og skriftleg formidlingsevne på norsk og engelsk
God digital kompetanse

Særskilt krav til kvalifikasjon for tilsetjing som rådgjevar i tillegg til ovannemnde:

Minimum 3 års relevant erfaring frå offentleg forvaltning og saksbehandling, fortrinnsvis erfaring frå forvaltningsoppgåvene til politiet

Ønskeleg:

Erfaring frå arbeid i vedtakslinje og / eller kontrollinje for pass og ID-kort
Erfaring frå arbeid med forvaltningsoppgåvene til politiet
Relevant arbeidserfaring frå norsk offentleg forvaltning og saksbehandling
Utdanning / kurs innanfor forvaltning/juridiske fag
God kjennskap til saksbehandlingssystema i politiet og til politiets registera

Andre krav for begge stillingskodar:

Ein må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
Utdanning frå utlandet må vere godkjent av Nasjonalt organ for kvalitet i utdanning (NOKUT) eller Direktoratet for høyere utdanning og kompetanse. Søknader som ikkje har vedlagt slik godkjenning vil ikkje bli behandla.

Personlege eigenskapar

For å trivast og lykkast i stillinga, ser vi for oss at du

Kan ta sjølvstendige vurderingar, vise initiativ og ta ansvar
Er engasjert og fagleg nysgjerrig
Har evne til å kommunisere klart og tydeleg, og tilpasse deg ulike målgrupper
Har stor arbeidskapasitet og er god på å handtere stress, med evne til å jobbe effektivt og strukturert
Du er motivert og positiv, med evne til å bidra til eit godt fag- og arbeidsmiljø

Personlege eigenskapar og motivasjon for stillinga vil bli tillagt stor vekt.

Som medarbeidar i politiet har du høgt etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjer våre og medarbeidarplattform her: https://www.politiet.no/om-politiet/jobb-i-politiet/medarbeiderplattform/

Vi tilbyr

Ein utfordrande og spennande arbeidsplass for deg som vil vere med og forme politiet for framtida
Stillinga blir lønt som høvesvis rådgjevar (stillingskode 1434), frå kr. 575 000,- til 685 000,- brutto per år, eller førstekonsulent (stillingskode 1408) frå kr. 509 300,- til kr. 585 000,-
Endeleg plassering i stillingskode og lønn er avhengig av kompetanse og kvalifikasjonar.
Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på www.spk.no
Det blir trekt to prosent frå løna til innskot i Statens pensjonskasse.
Fleksibel arbeidstid
Moglegheit for trening i arbeidstida
Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Kontaktinformasjon

Sissel Straume Brevik, Seksjonsleiar, 97140982

Arbeidsstad

Storgata 43
6508 Kristiansund

Nøkkelinformasjon:

Arbeidsgivar: Møre og Romsdal politidistrikt

Referansenr.: 4961048189
Stillingsprosent: 100%
Fast stilling
Søknadsfrist: 26.05.2025

Informasjonskapsler på arbeidsplassen.no

Rapporter annonse