Vi søkjer etter ein motivert og engasjert medarbeidar til fast stilling som HR-rådgjevar i stab for HR og HMS.

Stab for HR og HMS består av tre seksjonar som skal legge til rette for ei heilskapleg og profesjonell varetaking av arbeidsgjevarrolla i Møre og Romsdal politidistrikt.

Denne stillinga er plassert i seksjon for HR og HMS. Hovudoppgåvene dine vil vere å rådgje og støtte leiarane i politidistriktet innan rekrutteringsprosessar, i tillegg delta i relevante prosjekt og utviklingsarbeid.

Seksjonen består av åtte rådgjevarar og fagspesialistar og har ansvar på overordna og strategisk nivå innanfor personalpolitikk, HR-rådgjeving, HMS, rekruttering, og organisasjons- og leiarutvikling. Kulturbygging gjennom medarbeiderplattform, medarbeidarsamtalar og medarbeiderundersøkingar er element som også inngår i seksjon sine ansvarsområde. Vi har også overordna ansvar for HMS, verneteneste, kollegastøtteordning og kontakt med bedriftshelsetenesta.

Arbeidsoppgåver

Leiarstøtte og rådgjeving
Bistå leiarar i rekrutteringsprosessar, under dette administrering av prosessane og rettleiing
Personalforvaltning og saksbehandling innan heile HR-porteføljen
Delta i relevante prosjekt og arbeid med utvikling innan HR-prosessar
Andre oppgåver som ligg til seksjonen sine ansvarsområde

Kvalifikasjonar

Nødvendige

Relevant utdanning på bachelornivå, innan HR og personalleiing, arbeids- og organisasjonspsykologi eller arbeidsrett. Anna særleg relevant arbeidserfaring kan kompensere for krav til utdanning
Relevant arbeidserfaring, fortrinnsvis innan HR og/eller rekruttering
Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.

Ønskeleg

Relevant høgare utdanning, sertifisering og/eller kurs
Erfaring frå rekruttering i offentleg verksemd
Kompetanse innan implementering og endringsprosessar

Personlege eigenskapar

For å trivast og lykkast i stillinga, ser vi for oss at du:

Har evne til å skape resultat gjennom sjølvstendig arbeid og i team
Har gode kommunikasjons- og samarbeidsevner
Har evne til å arbeide strukturert, nøyaktig og effektivt

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/

Vi tilbyr

Ein utfordrande og spennande arbeidsplass for deg som vil vere med og forme politiet for framtida
Stillinga blir lønna som rådgjevar, stillingskode 1434, kr. 575 000 til kr. 685 000 brutto per år
For særskilt kvalifiserte kan høgare lønnsplassering bli vurdert
Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på spk.no/medlemskap-i-spk. Det blir trekt to prosent frå løna til innskot i Statens pensjonskass
Fleksibel arbeidstid og mogelegheit for trening i arbeidstida
Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Kontaktinformasjon

Marianne Nordås Frøland, Leiar Stab for HR og HMS, 92896475

Arbeidsstad

Nedre Strandgate 50
6005 ÅLESUND

Nøkkelinformasjon:

Arbeidsgivar: Møre og Romsdal politidistrikt

Referansenr.: 4970113907
Stillingsprosent: 100%
Fast stilling
Søknadsfrist: 04.06.2025

Informasjonskapsler på arbeidsplassen.no

Rapporter annonse