Vi lyser ut ein stilling som PhD-stipendiat i Restart-prosjektet: Reetablering av normalt samspel mellom tarm og hjerne ved anorexia nervosa med normal tarmflora

Prosjektet er ein randomisert studie som skal inkludere 36 pasientar over 18 år som startar poliklinisk psykoterapi for anorexia nervosa. Vi vil undersøke om psykoterapi kombinert med tilførsel av normal tarmflora frå frisk givar (fekal mikrobiota transplantasjon, FMT) gir betre forløp enn psykoterapi utan FMT. Prosjektet blir gjennomført i eit samarbeid med Universitetet i København og distriktspsykiatriske sentre i Helse Vest og Helse Møre og Romsdal.

Stillinga er treårig og inneber i tillegg til forsking og forskingsopplæring samarbeid med forskarar ved Universitetet i København, og med einingane som rekrutterer pasientar til studien.

PhD-opplæringa vil gå føre seg i samarbeid med Medisinske fakultet ved Universitetet i Bergen.

Arbeidsoppgåver

Gjennomføre obligatoriske aktivitetar i forskingsutdanninga
Praktisk samhandling med dei einingane som rekrutterer pasientane til studien og med forskingsmiljøet ved Universitetet i København
Datainnsamling inkludert innsamling og lagring av prøvar, databearbeiding og analyse
Artikkelskriving og publisering
Samanskriving av doktorgradsavhandling
Deltaking i møte med prosjektgruppen, rekrutterande einingar, psykoterapirettleiarar, laboratorium og brukarorganisasjonane

Kvalifikasjonar

Fullført mastergrad i sjukepleie eller tilsvarande
God skriftleg og munnleg framstillingsevne på norsk og engelsk
Erfaring med kvantitativ forskingsmetode er ein fordel
Erfaring med pasientar med psykiske plagar er ein fordel

Personlege eigenskapar

Kunne arbeide sjølvstendig og på ein strukturert måte
Analytisk
God gjennomføringsevne
Gode samarbeidsevner
Gode kommunikasjonsevner både munnleg og skriftleg
Kan ta ansvar
Vere løysingsorientert

Vi tilbyr

Lønn i samsvar med gjeldande overeinskomst
Deltaking i eit internasjonalt samarbeid
Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Stein Frostad, Prosjektleiar, 95003257, stein.frostad@helse-bergen.no
Trude Merete Ramberg, Seksjonsleiar, 55958449, trude.merete.ramberg@helse-bergen.no

Arbeidsstad

Haukelandsbakken 15
5021 Bergen

Nøkkelinformasjon:

Arbeidsgivar: Helse Bergen

Referansenr.: 4904054259
Stillingsprosent: 100%
Engasjement
Startdato: 01.06.2025
Sluttdato: 31.05.2028
Søknadsfrist: 16.02.2025

Informasjonskapsler på arbeidsplassen.no

Rapporter annonse