Har du lyst til å jobbe i eit spennande og engasjert fagmiljø i Mottaksklinikken ? Vi har ledig fast 80% fast stilling på natt for tida i team akuttposten.

Utgreiingsmottak 1 har 23 senger og er delt i to team: Team UMO 1 med 17 senger og Team Akuttposten med 6 senger. Dei tilsette er knytta til eit av dei to teama, men vi samarbeider og jobbar på tvers ved behov.

Team Akuttposten tar imot pasientar som treng medisinsk overvaking og behandling etter inntak av rusmiddel, eller ved behandlingskrevande abstinens. Team UMO 1 greier ut pasientar med uklare og samansette sjukdomsbilete tilhøyrande alle kliniske avdelingar. Pasientane blir triagert i Akuttmottak og deretter overført til Utgreiingsmottak for journalopptak. Vi har ein individtilpassa tilnærming, og er opptatt av å ikkje oversjå somatiske årsaker til pasientens tilstand. Gjennomsnittleg opphaldstid er ca. 24 timer (maks. 48 timer).

Arbeidsoppgåvene i Team Akuttposten er både mottak av pasientar, overvaking, behandling, samt kartlegging av pasientens forhold. Vi har stort fokus på sikkerheit for både pasientar og tilsette.

I Akuttposten kan vi tilby eit godt tverrfagleg arbeidsmiljø og ein spennande arbeidskvardag. Her utviklar du kompetanse innan både somatikk, psykiatri og rusproblematikk. Du blir god til å sjå heile mennesket, vere fleksibel, og følge pasientens tilstand og utvikling.

Arbeidsoppgåver

Ordinære sjukepleiaroppgåver med tett oppfølging av den enkelte pasient
Mottak av pasientar
Tett observasjon og oppfølging av pasienten sin tilstand
Inngå i eit tverrfagleg samarbeid for å gje pasientar best mogleg opphald på avdelinga
Gje god omsorg for pasient og pårørande
Ta del i den til ein kvar tid oppgåver som ligg til avdelinga

Kvalifikasjonar

Norsk autorisasjon som sjukepleiar
Det er ønskeleg at du har 2 års erfaring som sjukepleiar innanfor eit eller fleire av desse områda: akuttmedisin, rus/psykiatri
Det er og relevant med vidareutdanning innan dei same områda
Du må ha kunnskap innan relevant medisinsk-teknisk utstyr og IKT-system
Du må meistre norsk skriftleg og munnleg svært godt, tilsvarande Bergenstesten, og du har god munnleg engelsk kompetanse

Personlege eigenskapar

Vi vil gjerne ha fleire kollegaer med godt humør og pågangsmot, men først og fremst må du ha gode kommunikative evner
Du har eit godt lag med folk og får fram det beste i dei
Du bidrar positivt til eit fagleg og kollegialt godt miljø
Du må vere lærevillig og audmjuk i møte med pasientar og pårørande i store, personlege kriser
Du beheld roen og evnar å prioritere i stressande situasjonar
Du har god fagleg vurderingsevne, arbeider målretta og strukturert
Du trivast med å arbeide i eit tverrfagleg miljø og meistrar høgt tempo
Du er god til å sjå kva som må gjerast, og tilbyr og mottar gjerne hjelp

Vi tilbyr

God opplæring og oppfølging
Eit engasjert og godt arbeidsmiljø med kompetente og stolte medarbeidarar
Internundervisning
Ein spennande og utfordrande jobb
Lønn i samsvar med gjeldande overeinskomst
Gode pensjons- og forsikringsordningar
Eit aktivt og triveleg arbeidsmiljø

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Ine Skåtøy , seksjonsleiar, 55971802
Signe Elisabeth Tynæs, Ass. Seksjonsleiar, 55971854

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen

Referansenr.: 4904647396
Stillingsprosent: 80%
Fast
Startdato: 01.04.2025
Søknadsfrist: 26.01.2025

Informasjonskapsler på arbeidsplassen.no

Rapporter annonse