Kattnakken er ikkje som andre klesmerke. Me er ein fargerik vestlandssuksess – bygd på regntøy som verkeleg held mål, og ein filosofi om at me skal ut, uansett vêr. Me lagar vasstett kvalitetsregntøy for born og vaksne, som tåler brutalt vêr, fordi me drøymer om at fleire skal bli glade i regnet.

Frå små butikkhyller på Stord har me vokse til ein sterk nettbutikk og over 150 forhandlarar over heile landet. No riggar me oss for vidare vekst – og søker ein innkjøpar som vil ta ansvar for god vareflyt, høg kvalitet og berekraft i verdikjeda vår.

Stillinga som innkjøpar er ny hos oss, og du vil få ein nøkkelrolle i å sikra at rett produkt kjem på rett plass til rett tid – tilpassa årstid, vêr og etterspurnad. Regntøy har lang produksjonstid, og salet svingar med vêret. Når me samstundes er i sterk vekst, treng me deg som trivst med planlegging, analysar og tett samarbeid med design, marknad og leiing.

Du vert ein sentral del av teamet som gjer det mogleg for born (og vaksne) å hoppa i sølepyttar.

Me har òg spelt inn ein podkast med dagleg leiar! Høyr han her:

DINE OPPGÅVER OG ANSVARSOMRÅDE:

Planleggje, forhandle, legge og følgje opp innkjøpsordrar
Sikre god vareflyt og kontroll på lagerbehaldning, marginar, fristar og leverandørstatus
Analysere sal, trendar og kapitalbinding for betre planlegging
Følgje opp leverandørar og dokumentasjon knytt til kvalitet og berekraft (COC, RISE)
Bidra til struktur, system og utvikling av innkjøpsprosessar

ER DU DEN VI SER ETTER?
Du er strukturert, sjølvgåande og likar å ha oversikt. Du trivst med å dykka ned i data – om det så er vêrstatistikk, fødselstal eller salsmønster – og du likar å omsetje innsikt til gode beslutningar. Du forstår korleis innkjøp og vareflyt påverkar heile verdikjeda, og samarbeider godt med både designarar, produsentar og marknadsførarar.

DU HAR GJERNE:

Høgare utdanning innan økonomi, logistikk eller liknande (relevant erfaring kan kompensere for formell utdanning)
Erfaring med innkjøp, logistikk eller leverandøroppfølging, helst internasjonalt
Kjennskap til vareflyt, lagerstyring og marginoptimalisering
Interesse for system og dataanalyse – og gjerne erfaring med Excel, Shopify, Airtable eller Power BI
Gode språkferdigheiter på norsk og engelsk, både munnleg og skriftleg
Erfaring frå tekstil eller netthandel? Det er eit pluss – men ikkje eit krav

KVIFOR JOBBE I KATTNAKKEN?

Du får ei sentral rolle i eit selskap i vekst
Du får høve til å påverke og utvikle måten me driftar på
Du blir del av eit dynamisk, kreativt og handlekraftig miljø
Du får delta i eit ekte vestlandsk engasjement for kvalitet og sølepyttar
Konkurransedyktige vilkår

Har du spørsmål eller ønsker du ein fortruleg samtale om stillinga?
Våre rådgjevarar i Human, Edvard Thormodsæter (958 82 299) eller Stein Magnus Olafsrud (924 52 003), tek gjerne ein uforpliktande og konfidensiell samtale med deg. Spørsmål kan også rettast til dagleg leiar, Nicholas Hoddevik (915 21 555).

Alle handvendingar handsamast fortruleg, og i møte med oppdragsgjevar i ein tidleg fase dersom dette er ønskeleg.

Informasjonskapsler på arbeidsplassen.no

Rapporter annonse