Vi ser etter ein engasjert pedagogisk leiar i 100 % fast stilling til barnehagen vår med oppstart **1.juni 2026,**men vi er fleksible med tanke på seinare oppstart for rett kanidat. Her får du bruke fagkunnskapen din kvar dag, saman med kollegaer som brenn for leik, relasjonar og barn sin nysgjerrigheit.

Hos oss får du vere både fagperson, leiar, medforskar -- og av og til utkledd som superhelt på temadagar. Om oss

Vi er ein privat barnehageaktør innan tidleg barndomsutdanning og omsorg, med høg fagleg standard og varme i veggane. Vi ligger eit steinkast unna Sørstrand, og nyttar oss av nærområdet fleire dager i veka. Vi setter barns leik høgt, og prioriterer leiken i kvardagen. Leiken, saman med vårt maritime fokus, gjer barnehagen vår unik, og det er vi stolt av!

Vi jobbar systematisk med pedagogisk utvikling og refleksjon i kvardagen
Vi har eit inkluderande, leikbasert og naturorientert læringsmiljø
Vi samarbeider på tvers av fagområde og deltek i nasjonale og internasjonale nettverk
Vi verdset humor, openheit, respekt og psykologisk tryggleik -- for både små og store

Dine arbeidsoppgåver

Som pedagogisk leiar har du hovudansvar for det pedagogiske arbeidet på avdelinga, i tett samarbeid med det andre personalet.

Lede og utvikle det pedagogiske arbeidet i tråd med rammeplan og barnehagen sine mål
Skape trygge, varme og inkluderande relasjonar til barn og føresette
Planleggje, gjennomføre og evaluere leik, prosjekt og aktivitetar -- gjerne ute i naturen
Rettleiing og oppfølging av medarbeidarar på avdelinga
Bidra aktivt i faglege møteplassar, nettverk og utviklingsarbeid
Sikre godt samarbeid med føresette og andre samarbeidspartnarar

Kvalifikasjonar

Vi er oppekne av både formell kompetanse og personleg engasjement.

Godkjend barnehagelærarutdanning / førskulelærar (eller tilsvarande godkjend utdanning)
Gjerne minst 1--2 års erfaring frå barnehage, men nyutdanna er òg velkomne
Fagleg trygg, oppdatert på rammeplan og glad i å bruke teori i praksis
God skriftleg og munnleg framstillingsevne på norsk
Evne til å leie, inspirere og skape gode team rundt barna

Kvifor jobbe hos oss?

Her får du meir enn berre ein jobb -- du får ein kvardag full av meistring, læring og latter.

Ordna arbeidsforhold med konkurransedyktig lønn og gode pensjonsordningar
Systematisk rettleiing, særleg for nyutdanna, og interne kurs og faglege nettverk
Tilgang til eit stort nasjonalt fagmiljø og breitt samarbeid på tvers av barnehagar
Gode moglegheiter for fagleg og personleg utvikling og vidare karriere
Inkluderande, støttande og raust arbeidsmiljø med rom for både profesjonalitet og autentisitet
Eigne arbeidsklede -- så du slepp å ofre dine beste tskjorter til finger-måling og sølekaker

Slik går du vidare

Høyrest dette ut som ein stad der du kunne trivst, utvikla deg og betydd noko for barn sin kvardag? Søknad vert sendt via vårt elektroniske søknadssystem. Vi vurderer søknader fortløpande.

Vi oppmodar alle kvalifiserte kandidatar til å søkje, uavhengig av bakgrunn.

Rapporter annonse