Vil du jobbe i ei teneste som gir deg varierte oppgåver innan kommunehelsetenesta og legevaktmedisin, i eit fagmiljø med høg kompetanse og stort engasjement?

Då kan du vere den me ser etter!

Me er eit spennande medisinsk knutepunkt, samlokalisert med sjukeheimen, heimetenesta, Hallingdal sjukestugu, ambulansetenesta, og base for Norsk luftambulanse. Den lange avstanden til sjukehus gjer at me handterer alt frå infeksjonar til alvorlege akutte situasjonar.

Ål kommune søkjer no etter fleire engasjerte og dyktige sjukepleiarar. Det er ledig:

200 % fast stilling som sjukepleiar / paramedisinar p r dags dato ved legetenesta. Stillingane kan ved endring i behov bli tillagt andre oppgåver og eventuelt få endra arbeidstad til andre avdelingar.
100 % vikariat som sjukepleiar / paramedisinar i inntil 1 år pr dags dato ved legetenesta. Stillinga kan ved endring i behov bli tillagt andre oppgåver og eventuelt få endra arbeidstad til andre avdelingar.

Stillingane er pr dags dato fordelt mellom Ål Legekontor og Hallingdal Legevaktsentral og inngår 3- delt turnus. Vi utformar arbeidsplanar etter prinsippet om forhandling blant tilsette. Dette gir moglegheit for individuell tilpassing og komprimerte arbeidsperiodar.

Arbeidsoppgåver:

svare på førespurnader og vurdere hastegrad frå innbyggjarar og gjester i Ål kommune og i Hallingdal
samhandle med lege for å sikre trygge pasientforløp
arbeid på laboratorie og skadestue
gje relevant råd og rettleiing til pasientar
hjelpe legane med oppfylging av pasientar med kroniske lidingar
medikamenthandtering
bidra til å gjere relevante driftoppgåver ved legetenesta
vaktsentral: Koordinering av nødnett med telefonteneste; råd, rettleiing og triagering til innringjarar med akutt sjukdom og skadetilstander.
tverrfaglig akuttmedisinsk samhandling i og mellom kommunehelsetenesta og spesialisthelsetenesta.

Kvalifikasjonar

bachelor i sjukepleie eller paramedisinar med norsk autorisasjon
gjerne vidareutdanning eller interesse innan relevante fagområde som akuttmedisin, avansert klinisk allmennsjukepleie (AKS), sårbehandling m.v.
2 års relevant arbeidserfaring
god norsk munnleg og skriftleg framstillingsevne, minimum C1 nivå
erfaring frå arbeid ved legekontor og/eller legevakt blir tillagt vekt
beherske digitale arbeidsverktøy
sertifikat kl B

Personlege eigenskapar

du må kunne jobbe sjølvstendig, vere løysningsorientert, samt evne å ta raske avgjersler
du bør takle eit høgt arbeidstempo og periodevis eit høgt stressnivå
du må vere samarbeidsvillig, fleksibel og takle omstilling

Me tilbyr

kalenderplan og forhandlingsturnus, der det kan bli lagt til rette for langvakter
fagleg spennande, utfordrande og varierte arbeidsoppgåver, der få dagar er like
høgt fagleg nivå og god fagdekking
internundervisning og fagleg påfyll
arbeidsmiljø prega av humør og arbeidsglede
meiningsfullt arbeid med engasjerte kollegaer og godt arbeidsmiljø

Lønsvilkår

Lønn etter gjeldande tariffavtale og gode pensjonsordningar. Arbeidsforholdet er regulert av Hovudtariffavtala. Gunstige lokale tillegg for kompetanse og ansiennitet.

Utdanning, opplæring og kurs

Ål kommune legg til rette for relevant vidareutdanning og vidareutdanning for personleg vekst med gode stødnadsordningar: Det er godt organisert internopplæring og kurs. Gjennom Halllinghelse blir det lagt til rette for mellom anna mobil ferdigheitstrening og regionale fagkurs.

Bu og jobbe i Ål

Ål er ein spennande møteplass mellom aust og vest, med eit rikt mangfald av arbeidsplassar og fritidstilbod. Dette er draumeplassen for deg som likar friluftsliv, kultur og eit kortreist og køfritt kvardagsliv. Her gjev naturopplevingar sommar og vinter, kulturopplevingar og eit stort tal arrangement grunnlaget for det gode liv!

Her er bu- og levekostnadene rimelegare enn i dei store byane, noko som gjer at du kan bruke pengane på å realisere draumane dine; anten det er å vere meir ute, reise eller skape noko sjølv. I Ål ynskjer vi å legge til rette for at nytilflytta kjenner seg sett, møtt og inkludert. Flytt til Ål! .

Send søknad og politiattest

vitnemål og attestar legg du inn saman med søknaden
den som vert tilsett må legge fram politiattest ikkje eldre enn tre månader
intervju og tilsetting kan skje fortløpande i søknadsperioden
kommunen følgjer offentleglova § 25 ved eventuell offentleggjering av søkjarlista

Du er velkomen til å ta kontakt med oss om du har spørsmål knytta til stillinga.

Velkomen som søkjar.

Link til søknadsskjema: Søk her

Rapporter annonse