Vil du skape aktivitet og flyt i luftsport på Voss?

Me søker ein engasjert og allsidig person til ei sesongstilling gjennom sommaren. Du vil jobbe tett med dagleg leiar og vere ein viktig støttespelar for å sikre at klubben driv trygg og smidig aktivitet i ein travel sesong.

Om stillinga

Dette er ei variert og praktisk rolle der du får bidra både administrativt og operativt. Du må trivast med å ha mange ballar i lufta, vere løysingsorientert og stille med godt humør -- sjølv når det går unna. Arbeidstida vil vere fleksibel og ukurant. Det er ofte på ettermiddagar og helger når det er flyforhold. Stillinga varer fram til slutten av august.

Arbeidsoppgåver

Tandemkoordinering: booking, betaling, dialog med pilotar og passasjerar samt organisering av transport til start
Klubbil: dagleg tilsyn, enkelt vedlikehald og reinhald
Aktivitetsstøtte: bidra som startmarshall og organisere køyring på flybare dagar
Støtte under Ekstremsportveko: praktisk assistanse til dagleg leiar
Anlegg: vedlikehald av start- og landingsområde, samt oppdatering og oppslag av instruksar
Anna førefallande arbeid

Kven er du?

Vi ser etter deg som:

Er ein positiv lagspelar som bidreg til eit trygt og aktivt klubbmiljø
Har hovud for organisering -- er strukturert, fleksibel og har god gjennomføringsevne.
Tek ansvar og arbeider sjølvstendig
Har erfaring med, eller stor interesse for paragliding og/eller friluftsliv
Har førarkort klasse B

Vi tilbyr

Ein sosial og meiningsfull sommarjobb i eit engasjert team
Ein variert og aktiv arbeidskvardag tett på luftsportsmiljøet på Voss
Moglegheit til å lære om, og ansvar for delar av klubbarbeid, drift og tandemorganisering
Nokre arbeidsoppgåver kan tilpassast kompetanse og ferdigheiter
Ukurante arbeidstider med stor variasjon i arbeidsdagane
Løn og oppstart etter avtale

Varigheit: Snarast og ut august 2025
Arbeidsstad: Voss
Søknadsfrist: 10. juni 2025
Kontaktperson: Dagleg leiar Malene Hetle Hole -- 📞 +47 905 08 620
Send søknad til: ✉️ stillingar@vosshpk.no

Informasjonskapsler på arbeidsplassen.no

Rapporter annonse