Har du lyst på ein meiningsfull sommarjobb? Sjå her!

Stad kommune søkjer etter fleire ferievikarar i helse og omsorg i perioden juni – august 2026.

Kanskje du har erfaring frå arbeid innan helse, er under helse- og sosialfagleg utdanning, eller lurer på om dette yrket er noko for deg? Då vil vi gjerne høyre frå deg.

Som tilsett hjå oss vil du få ein meiningsfull og kjekk sommarjobb i eit godt arbeidsmiljø med engasjerte og kvalifiserte kollegaer. Du vil få god opplæring og høve til å tileigne deg kunnskap og erfaring om helse- og omsorgsfaget.

Hos oss kan du få moglegheit til å arbeide langvakter i ein turnus som kan gi større fleksibilitet i kvardagen. For mange betyr dette færre oppmøtedagar, meir samla fritid og betre høve til å få balanse mellom arbeid og privatliv. Langvakter kan også bidra til meir kontinuitet for brukarane og meir samanheng i arbeidsdagen for deg som tilsett.

Vi ber deg spesifisere i søknaden når i perioden du kan arbeide, og om du har særskilt ønskje om arbeidsstad.

Viss du er under relevant utdanning er det fint at du spesifiserer kva fagretning du studerer, og kor langt du er kome. Du er også velkomen til å søkje om du studerer andre fag.

Under finn du ei oversikt over einingane som tilbyr sommarjobb, og kvar i kommunen dei er plasserte.

Du finn også meir utfyllande informasjon i vårt tenestemagasin.

Oversikt over einingane som tilbyr sommarjobb

Institusjonane og institusjonskjøken
Seljetunet, Selje
Hogatunet, Nordfjordeid
Heimetenesta

Selje/Stadlandet:
Ambulerande heimeteneste og Fredly/Flatebø bufelleskap

Nordfjordeid:
Ambulerande heimeteneste og Fossevegen bufelleskap
Bu- og miljøtenesta

Avdeling ytre
Bu- og miljøtenesta ytre, tenesta for funksjonshemma (tre bufellesskap)

Avdeling indre
Myroldhaug/Gjerdane, psykisk helse og rus
Myroldhaug, teneste for funksjonshemma
Elvebøen, teneste for funksjonshemma
Barneavlastning
Psykisk helseteam og uteteam

Arbeidsoppgåver

Ferievikarane skal utføre oppgåver innan pleie og omsorg utifrå opplæring og kompetanse
Du inngår i turnus og arbeider saman med fast tilsette

Kvalifikasjoner

Du bør helst vere fylt 18 år
For arbeid i heimetenesta må du som hovudregel ha sertifikat og kunne disponere bil
Du må levere politiattest før start i stillinga

Personlege eigenskaper

Vi søkjer ferievikarar som er nøyaktige, motiverte og som viser respekt
Du er interessert i andre menneske og i tenesteområdet
Du tek rettleiing og er flink til å følgje prosedyrar på arbeidsplassen
Du er sjølvstendig, har gode samarbeidsevner og tek initiativ
Du forstår betydninga av teieplikt om helseopplysningar og anna sensitiv informasjon

Vi tilbyr løn etter tariff og lokale avtaler.
Dersom du er under høgare utdanning innan relevant fagområde får du høgare løn. Du må dokumentere utdanning og kor langt du er kome i utdanninga.

Viss du har spørsmål kan du kontakte leiarar i dei ulike einingane.

Kontaktinformasjon

Ann Charlotte Jansson, Assisterande einingsleiar Bu- og miljøtenesta, 97723146
Annette Hovden, Einingsleiar Heimetenesta, 45 47 84 72
Heidi Munch Starheim, einingsleiar Hogatunet bu- og behandlingssenter, 48045210

Arbeidsstad

6770 Nordfjordeid

Nøkkelinformasjon:

Arbeidsgivar: Stad kommune

Referansenr.: 5100107349
Stillingsprosent: 100%
Sommarjobb, Vikar
Søknadsfrist: 19.04.2026

Rapporter annonse