Hjartepost og MIO har ledig to 100 % faste stillingar som sjukepleiar i 3-delt turnus.

Har du interesse for hjartepasientar, avansert overvaking og akuttmedisin? Ønskjer du å vidareutvikle din kliniske kompetanse i eit fagleg sterkt og samarbeidande miljø? Då kan dette vere stillinga for deg!

Hjarteposten og MIO er ein del av Hjarte- og lungeseksjonen og består av ein kardiologisk sengepost og ei medisinsk intermediær overvaking (MIO). Per i dag er det 9 senger på Hjarteposten og 6 senger på MIO.

Hos oss møter du eit spennande pasientgrunnlag med behov for både basal og avansert behandling.

Ved Hjarteposten behandlar vi pasientar med hjartesjukdommar som akutt/trugande hjarteinfarkt, arytmiproblematikk, behov for pacemaker, hjartesvikt og andre hjartelidingar. MIO tek seg av pasientar som treng overvaking, inkludert pasientar med sepsis, ketoacidose, forgifting, hjerneinfarkt, arytmi, elektrolyttforstyrringar og respirasjonsproblem som krev nin-invasiv respirasjonsstøtte. MIO bemannar også sjukehuset sin scop-/telemetrisentral, og scopvakta er ein del av hjartestans-teamet.

Vi arbeider i team, der ulike yrkesgrupper samarbeider tett for å gi best mogleg kvalitet i pasientbehandlinga. Kvalitet og læring står sentralt. I avdelinga har vi eigne fasilitatorar som sikrar årlege AHLR-simuleringar, i tillegg til vekentlege simuleringar knytt til NEWS og akutte situasjonar.

Vi har også ein hjartepoliklinikk med høg aktivitet, om lag 8000 årlege konsultasjonar. På poliklinikken arbeider dedikerte sjukepleiarar, fleire spesialiserte innan fagområde som hjartesvikt, arytmi og pacemaker.

Vil du vere med og forme framtida til Hjartepost og MIO?

Avdelinga er i spennande utvikling – vi skal flytte inn i nyoppussa lokale og byggje opp eit sterkt og samkøyrt tilbod saman. No ser vi etter ein sjukepleiar som vil vere med å skape ein trygg, fagleg sterk og varm Hjartepost/MIO for pasientane våre.

👉 Er det deg vi leitar etter? Søk no – eller ta kontakt om du vil vite meir!

Kva går jobben ut på?

Utgreiing, behandling, overvaking og pleie av pasientar
Iverksetjing av sjukepleietiltak
Medikamenthandtering
Bruk av medisinsk teknisk utstyr
Samarbeid med kommunar
Oppfølging av pårørande
Veiledning av studentar og kollegaer
Tverrfagleg samarbeid

Kva kompetanse er viktig i denne rolla?

Norsk autorisasjon som sjukepleiar
Relevant sjukehuserfaring er ein fordel
Kjennskap til hjartepasientar og akutt kritisk sjuke
Fagleg engasjert og interessert
Gode norskkunnskapar er heilt avgjerande for forsvarleg pasientbehandling. Søkarar som har andre morsmål enn norsk, svensk eller dansk, og som ikkje har fullført norskspråklig vidaregåande skule, må minimum ha bestått Bergenstesten, eller annan norsktest på B2 nivå. Dokumentasjon må vedleggast søknaden. Ved tilsetjing av allereie fast tilsett i føretaket kan ein unntaksvis, i særlege tilfelle, fråvika kravet om bestådd norsktest på B2-nivå

Kva ser vi etter hos deg?

Vi ser etter deg som:

trivs med å arbeide med mennesker
bidrar til gode og trygge pasientforløp
har evne til å motivere og engasjere
kommuniserar og samarbeider godt med pasientar, pårørande og kollegaer
held deg roleg og objektiv i stressande eller krevande situasjoner
tek ansvar for eigne oppgåver
kan arbeide sjølvstendig og i team
ønskjer å bidra til eit godt arbeidsmiljø

Personlege eigenskapar blir vektlagt

Kvifor skal du velje oss?

Som nytilsett får du eit tilpassa opplæringsprogram slik at du skal føle deg trygg og ivaretatt
Vi har ein 12-månaders kalenderplan som gir deg høve til involvering og god forutsigbarheit
Hos oss er fagkompetanse viktig, og vi støttar relevante vidareutdanningar, mellom anna innan kardiologi, intensiv og palliasjon
Du får fordypningsdagar, fagdagar og simuleringstreninger kvart år
Vi har kombinasjonsstillingar mellom Hjertepost, MIO og poliklinikk for dei som ynsker
Du blir ein del av eit aktivt og positivt arbeidsmiljø med dyktige og hyggelege kollegaer
Du får ein spennande, meiningsfull og utfordrande jobb

Dersom ønske om førerett må dette oppførast i søknaden

Kontaktinformasjon

Trude Fjeld, Funksjonsleder, 52732501, trude.fjeld@helse-fonna.no

Arbeidsstad

Karmsundgaten 120
5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 4969568241
Stillingsprosent: 100%
Fast
Startdato: 18.08.2025
Søknadsfrist: 01.06.2025

Informasjonskapsler på arbeidsplassen.no

Rapporter annonse