Om stillinga

Frekhaug legesenter søkjer no etter to engasjerte helsesekretærer i 70 % fast stilling frå 01.09.2025, og 100% fast stilling frå 01.10.2025, eller etter avtale. Du vil arbeide heile dagar pr. veke i ein turnus som er planlagt framover i tid av driftskoordinator.

Legekontoret er lokalisert på Frekhaug, og er veldrive og godt innreia. Vi har parkering i gåavstand frå bygget. Frekhaug legesenter er eit fastlegekontor med plass til 6 fastlegar og ein LIS lege. Legane er kommunalt tilsette, med fastlegelister.

På Frekhaug legesenter er det tilsett fagleg dyktig hjelpepersonell i form av både helsesekretærar, bioingeniør og sjukepleiar. Helsesekretæren arbeidar innan heile spekteret av oppgåver på legekontoret, i tett samarbeid og samhandling med legane og det andre helsepersonellet ved kontoret. Arbeidsdagane er travle, og god samhandling og kommunikasjon mellom legar og helsepersonell er sentralt. Den eine helsesekretæren fungerer som driftskoordinator på kontoret og har ansvar for daglege driftsoppgåver, medan ein av legane har funksjon som fagkoordinator med oppgåve å sørge for god fagleg praksis.

Arbeidsoppgåver

Laboratoriearbeid
Resepsjon
Skiftestove med mellom anna ekg, 24 timars blodtrykk, spirometri, og andre prosedyrar
Svare telefonen og handtere elektroniske meldingar
Assistere legen til dømes ved småkirurgi og smitterom når det er naudsynt
Økonomirutiner og driftsoppgåver etter avtale med driftskoordinator
Vi ønskjer også at du kan ta initiativ til, og bidra i kvalitetsarbeid, forbetrings og utviklingsarbeid

Kvalifikasjonskrav

Helsesekretær med autorisasjon
Grunnleggjande god digital kompetanse
Gode norskkunnskaper, både skriftleg og munnleg
Dersom du har erfaring frå arbeid på legekontor er dette eit føremon

Kven er du?

I stillinga som helsesekretær på legekontor må du utføre arbeidsoppgåver i tråd med kunnskapsbasert praksis. Du samarbeider godt med andre, og du trivs med å jobbe både sjølvstendig og tett saman med legar og anna helsepersonell. I tillegg tar du initiativ når det trengst, og bidreg aktivt i forbetringsarbeid for å utvikle og styrke rutinane rundt deg.

Du er systematisk, målretta og fleksibel - og du møter arbeidskvardagen med godt humør og eit positivt engasjement. Ditt bidrag til eit godt arbeidsmiljø er viktig for oss, og personlege eigenskapar som desse vil bli vektlagde i tilsettinga.

Me tilbyr

Løn ihht hovedtariffavtale
God pensjonsordning
Varierte arbeidsoppgåver
Mogelegheit for å vere med å vidareutvikle legekontoret, med fokus på kompetanseheving og kvalitetsforbedring

Politiattest

I tråd med helsepersonellova § 5-4 vert det stilt krav om tilfredsstillande politiattest ved tiltrede.

Informasjonskapsler på arbeidsplassen.no

Rapporter annonse