Vi i Møre og Romsdal politidistrikt brukar kommunikasjon aktivt og strategisk. Har du lyst til å bli vår nye kommunikasjonsrådgjevar eller senior kommunikasjonsrådgjevar?

Vi som jobbar med kommunikasjon i politiet er tett på politikvardagen taktisk, operasjonelt og strategisk. Vi må vere gode på å sjå heilskapen, trygge, rettleie og byggje tillit. Vi må også vere modige og tenkje nytt for å kunne nå innbyggjarane våre på ein best mogleg måte.

Vil du bli ein del av eit større nettverk?
Vi samarbeider tett med kommunikasjonsnettverket i dei andre politidistrikta, dei andre særorgana i politiet og Politidirektoratet. Du får vere med på å utvikle kommunikasjonsarbeidet både regionalt og nasjonalt.

Har du lyst til å planlegge din eigen arbeidskvardag?
Du får kontorplass på politihuset i Ålesund, med fleksibel arbeidstid og moglegheit for trening i arbeidstida. Kommunikasjonsarbeidet vårt femner om heile politidistriktet, så litt reising mellom fjordar og fjell vert det naturlegvis, men det planlegg du oftast utifrå kva som passar best for deg og din kvardag.

Har du lyst til å samarbeide med mange ulike fagområde?
Du vil få ei viktig rolle knytt til kommunikasjonsarbeidet i politiet i den vesle kommunikasjonsstaben vår. Det er ei bratt læringskurve hos oss. Derfor treng vi deg som tek ansvar. Vi er flinke til å spele kvarandre gode for å løyse samfunnsoppdraget vårt på best mogleg måte.

Har du lyst til å løfte oss, slik at vi når ut enda betre til målgruppene våre?
Vi ser etter deg som er kreativ, tek initiativ og er idérik. Er du også god på å finne løysingar og har sansen for historieforteljing gjennom visuell kommunikasjon, anten det er grafisk, foto og/eller video, kan dette vere rette stillinga for deg.

Har du spørsmål om stillinga, vil vi gjerne høyre frå deg.

Arbeidsoppgåver

Bidra til å styrke kommunikasjonskompetansen i politidistriktet, både internt og eksternt, og gi strategiske og faglege råd til kollegaer og leiarar
Finne dei gode historiene frå politikvardagen og formidle dei gjennom tekst, bilete, grafikk og/eller video i dei kanalane politiet nyttar, både internt og eksternt
Samarbeide med Nettpatruljen knytt til innhaldsproduksjon og vere med å utvikle kanalane våre
Utarbeide og sørgje for at organisasjonen tek i bruk ulike kommunikasjonsplanar og strategiar
Handtere førespurnader frå media raskt og effektivt
Bruke kommunikasjon aktivt, raskt og strategisk ved kriser og andre hendingar
Planlegge og gjennomføre medietrening av tilsette i politidistriktet
Gjennomføre anna profilerings- og omdømearbeid
Andre oppgåver kan bli lagt til stillinga ved behov

Kvalifikasjonar

Nødvendig:

Høgare utdanning innan kommunikasjon, journalistikk, samfunnsvitskap eller andre relevante fagområde, på minimum bachelornivå. Har du utdanning frå utlandet må du legge ved dokumentasjon frå Nasjonalt organ for kvalitet i utdanning (NOKUT) eller Direktoratet for høyere utdanning og kompetanse på at utdanninga tilsvarar norsk grad.
For å verte vurdert som seniorrådgjevar er det krav til utdanning på masternivå innan kommunikasjonsrelevante fag. I tillegg minimum fem års erfaring frå kommunikasjonsfaget/journalistikk. Relevant og etterspurt erfaring kan kompensere for kravet til mastergrad.
God digital kompetanse og erfaring med innhaldsproduksjon til ulike kanalar
Erfaring med kommunikasjonsarbeid
God munnleg og skriftleg framstillingsevne på nynorsk, bokmål og engelsk.
Førarkort klasse B

Ønskjeleg:

God erfaring med intern-, ekstern- og krisekommunikasjon
Erfaring frå pressehandtering
Erfaring med strategisk kommunikasjonsarbeid
Dokumentere gode ferdigheiter knytt til videoredigering, bildebehandling og/eller grafisk utforming i Adobe Premiere, Photoshop og/eller Indesign

Andre krav:

Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
Vi må kunne klarere deg for inntil HEMMELIG jf. sikkerhetsloven. For å kunne sikkerheitsklarere deg, må kandidatar vere villige til å gi personlege opplysinger om seg sjølv og sine nærmaste. Meir informasjon om dette gir vi løpet av tilsettingsprosessen.

Personlege eigenskapar

Har evne til strategisk og heilskapleg tenking og kan jobbe saman med andre på tvers av fagområde for å nå politiet sine mål
Er ein lagspelar og vert motivert av å samhandle med andre
Er fleksibel og initiativrik
Er ansvarfull, sjølvstendig og strukturert
Kan trivast med ein hektisk og variert arbeidskvardag

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/

Vi tilbyr

Ein utfordrande og spanande arbeidsplass med eit viktig samfunnsoppdrag
Fast stilling i Møre og Romsdal politidistrikt. Stillinga er lønna som rådgjevar, SKO 1434, frå kroner kr. 575 000 til kroner 685 000 eller som seniorrådgjevar SKO 1364, frå kroner 670 000 til kroner 720 000. For særskilt kvalifiserte kan noko høgare lønnsplassering bli vurdert
Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på spk.no/medlemskap-i-spk. Det blir trekt to prosent frå løna til innskot i Statens pensjonskasse
Fleksibel arbeidstid og mogelegheit til trening i arbeidstida
Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politietaten. Prøvetida er seks månader.

Kontaktinformasjon

Iselin Nevstad Øvrelid, Leiar stab for kommunikasjon, 932 02 485

Arbeidsstad

Nedre Strandgate 50
6005 Ålesund

Nøkkelinformasjon:

Arbeidsgivar: Møre og Romsdal politidistrikt

Referansenr.: 4964643950
Stillingsprosent: 100%
Fast stilling
Søknadsfrist: 22.05.2025

Informasjonskapsler på arbeidsplassen.no

Rapporter annonse