Målet er at barn og unge skal høyra til i eit inkluderande fellesskap, oppleva meistring og kunne stå trygt i møte med motgang. Som kommunalsjef får du eit heilskapleg ansvar for barnehage, skule og tenester knytt til barn og familie. Vi ønskjer oss ein leiar som evnar å sjå heilskapen i oppvekstfeltet og som er god til å samarbeida på tvers i ein liten, men engasjert organisasjon.

Som leiar vil du ha tett dialog med både tilsette, leiarar og politisk nivå, og du må trivast med å arbeida både strategisk og praktisk. Vi ser etter deg som har god gjennomføringsevne, og som inspirerer andre gjennom trygg og tillitsskapande leiing.

Arbeidsoppgåver:

Strategisk og operativ leiing og utvikling av tenesteområdet oppvekst
Pedagogisk leiar i skulen
Sikra god drift og tenestekvalitet innanfor gitte økonomiske rammer
Tett samarbeid med leiarar, medarbeidarar, tillitsvalde og politisk nivå
Bidra til heilskapleg utvikling og samhandling på tvers av fagområde

Kvalifikasjonar:

Du har leiarerfaring frå offentleg verksemd eller liknande rolle
Du har brei erfaring med leiing av pedagogisk utviklingsarbeid
Brei bakgrunn frå undervisning eller anna arbeid i grunnskule
Du har god kjennskap til eitt eller fleire av fagområda innan oppvekst
Du har erfaring med budsjett og økonomistyring
Du har relevant utdanning på bachelor- eller masternivå
Du er god på samarbeid og kommunikasjon, og trivst med å jobba tett på både folk og fag
Du har evne til å arbeida sjølvstendig og strukturert, og likar å få ting gjort

Vi tilbyr:

Ei spanande leiarstilling i ein liten kommune med korte beslutningsvegar
Moglegheit til å påverka og utvikla tenestene i tett samarbeid med dyktige og engasjerte kollegaer
Eit godt og inkluderande arbeidsmiljø med sterk lagånd
Konkurransedyktige løns- og arbeidsvilkår
Gode pensjons- og forsikringsordningar

Attestar og vitnemål:

Vi ber om at du lastar opp attestar og vitnemål i PDF-format saman med søknaden. Utenlandske vitnemål må vera godkjende av Direktoratet for høgare utdanning og kompetanse (https://hkdir.no), og utanlandske attestar må vera omsette til eit skandinavisk språk eller engelsk.

Tilsetjingsvilkår:

Tilsetjinga skjer på gjeldande vilkår etter lov- og avtaleverk.

Kvar skal du sende søknaden?

Søknaden skal sendast elektronisk via kommunen sitt rekrutteringssystem. www.bokn.kommune.no "ledige stillinger"

Det er krav om gyldig politiattest ved tilsetjing.

Link til søknadsskjema: Søk her

Informasjonskapsler på arbeidsplassen.no

Rapporter annonse