Radiologisk avdeling i Førde tilbyr ein meiningsfull og interessant arbeidsdag i tett samarbeid med gode kollegaer. Hos oss vil du bli utfordra fagleg og få sjansen til å vere med å utvikle MR-tilbodet i Helse Førde. Samtidig bur du midt i det vi kallar livets leikeplass: Vestlandet!

No har vi ledig stilling til deg som ønsker meir fagleg utfordring:

100% fast stilling som Radiograf 1 MR

Radiograf 1 MR ei fagstilling der du i samarbeid med Fagradiograf MR vil jobbe med fagutvikling ved modaliteten. Stillinga er del av ei 3-delt turnusordning med arbeid kvar 3.-4.helg (35,5t veke). Vi er fleksible rundt kva som blir din første arbeidsdag.

Dette vil du jobbe med:

Radiograffagleg arbeid innan MR
Kvalitets- og utviklingsarbeid
Utforming av protokollar- og prosedyrar
Informasjon og undervisning

Kva kan vi tilby?

Ved Radiologisk avdeling ved Førde sentralsjukehus er vi opptatt av at du skal trivast saman med kollegaene dine, samtidig som du opplever fagleg utvikling og meistring i jobben. Vi har stort fokus på kvalitet, og jobbar aktivt for god pasientflyt og at pasienten kjenner seg ivaretatt.
Vi set trivsel høgt og er ein arbeidsplass med flotte kollegaer og mykje humor. Vi har eigen trivselskomité som fiksar julebord, sommarfest og andre sosiale samankomstar. Ikkje bli overraska om vaffellukta brer seg på personalrommet.
Du vil oppleve fagleg utfordring og sjansen til å utvikle kompetanse og ferdigheter innan MR. Samtidig får du påverke og utvikle MR-tilbodet i Helse Førde.
Om du ønsker å ta steget vidare, kan vi tilby både kurs og vidareutdanning

Her kan du bli betre kjent med oss, samt få 10 gode grunnar til å jobbe med oss!

Kven ser vi etter?

God kommunikasjon er kanskje ein av dine viktigaste styrkar, då det er avgjerande for å vere flink med pasientar, fungere med kollegaer og mot andre avdelingar og profesjonar. Du har utvida kompetanse og erfaring innan MR, men er også fagleg nysgjerrig, motivert og interessert i å bidra i utvikling innan MR ved FSS framover. Du viser engasjement og interesse, samt jobbar strukturert og sjølvstendig. Det er ein fordel om du har vidareutdanning i MR, men om du ikkje har det, kan vi legge til rette for at du skal kunne gjennomføre det hjå oss. Det er krav om norsk autorisasjon som radiograf.

Bu midt i livets leikeplass: Vestlandet!

I Sunnfjord bur du midt i eit friluftseldorado med kort veg til toppturar, klatring, stisykling, kajakkpadling og andre aktivitetar. I løpet av ei helg kan du oppleve både strender i verdsklasse og fjellturar du elles berre ser på instagram.

Her er også urbane tilbod som restaurantar, kjøpesenter, treningssenter, kaféliv, kulturliv, teater og konsertar. Vi har flyplass og eit godt utbygd kollektivtilbod, og Bergen ligg tre timar unna med bil. I Sunnfjord vil du oppleve ein enkel kvardagslogistikk med korte avstandar til det meste.

Seksjonen har omlag 50 tilsette, der 30 er radiografar. Vi har 2 CT-maskiner, 2 MR-maskiner (Philips Ingenia 1,5T og Philips Ingenia Elition X 3T), 3 konvensjonelle røntgen apparat, 2 digitale mobile apparat, 2 mammografiapparat (klinisk og screening), gjennomlysing/intervensjon/angio, samt 3 ultralyd apparat. Førde sentralsjukehus er eit middels stort sjukehus som har kliniske avdelingar innan dei fleste fagområda. Sjå www.helse-forde.no .

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Reidun Brekke, Seksjonsleiar FSS, (+47) 578 39 616

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 5026404716
Stillingsprosent: 100%
Fast
Startdato: 05.01.2026
Søknadsfrist: 30.11.2025

Cookies for en trygg og bedre tjeneste

Rapporter annonse