Vi søkjer etter ein positiv, engasjert og dyktig leiar til mellombels stilling som leiar for Nasjonalt kompetansesenter for porfyrisjukdomar (NAPOS).

Nasjonalt kompetansesenter for porfyrisjukdomar (NAPOS) har spesialkompetanse innan diagnostikk, behandling og oppfølgjing av pasientar med desse sjeldne, arvelege sjukdomane.

NAPOS har som mål at personar med porfyrisjukdomar skal bli diagnostiserte, behandla og følgde opp på ein optimal måte og i samsvar med eigne behov. Breidda av symptom, komplikasjonar og følgetilstandar gjer at pasientar med porfyrisjukdom har behov for oppfølging frå ulike medisinske spesialitetar gjennom livet.

NAPOS rettleiar helsepersonell over heile landet knytt til utgreiing, behandling og oppfølging av denne pasientgruppa, i tillegg til å utarbeide og publisere behandlings- og oppfølgingsretningslinjer for dei ulike sjukdomane. Vi driv undervising og har et bredt spekter av andre læringsaktivitetar. Vi overvaker oppfølginga pasientar med porfyrisjukdom får, gjennom det nasjonale, medisinske kvalitetsregisteret Norsk porfyriregister. I tillegg driv vi utstrekt forsking og utvikling, er medlem i fl eire europeiske ekspertnettverk og arbeidsgrupper og har eit stort internasjonalt nettverk.

NAPOS har om lag 12 årsverk og er tverrfagleg samansett, mellom anna lege, farmasøyt, genetisk rettleiar, sjukepleiar og bioingeniør. Vi høyrer til Avdeling for medisinsk biokjemi og farmakologi ved Haukeland universitetssjukehus og er lokalisert i Laboratoriebygget på Haukeland universitetssjukehus. NAPOS er ein del av Nasjonalt senter for sjeldne diagnosar. For meir informasjon om NAPOS; sjå napos.no

Arbeidsoppgåver

Overordna fagleg, administrativt inkludert budsjett og personalmessig ansvar for NAPOS
Ansvar for heilskapleg og strategisk utvikling av verksemda, i tråd med vedtekne mål og strategiar
Delta i leiargruppa for Nasjonalt sjeldensenter
Leie og videreutvikle Norsk porfyriregister
Delta i og ev. leie tverrfaglege team ved NAPOS
Samarbeide med Seksjon for porfyrianalysar, seksjonsoverlege og legar ved MBF opp mot porfyridiagnostikk
Ansvarleg for å leggje til rette for forskningsaktivitetar, utviklingsprosjekt og kliniske studiar.
Avhengig av faglege kvalifikasjonar; bidra i klinisk verksemd retta mot helsepersonell og pasientar knytt til utgreiing, behandling og oppfølging av porfyrisjukdomar
Delta i nasjonale og internasjonale nettverk knytt til porfyrisjukdom og andre sjeldne diagnosar
Leiar rapporterer til avdelingssjef ved MBF

Kvalifikasjonar

Helsefagleg/laboratoriefagleg utdanning på høgskule/universitetsnivå. Det er ønskjeleg med minimum mastergrad, men relevant erfaring kan kompensere for manglende formell utdanning.
Kjennskap til porfyrisjukdomar og/eller sjeldenfeltet vil vere ein stor fordel
Forskingserfaring er ønskjeleg
Relevant leiarerfaring kan vere ein fordel
Evne til å uttrykkje seg klart skriftleg og munnleg på norsk og engelsk, samt ha god formidlingsevne
Personlege eigenskapar vert vektlagde

Personlege eigenskapar

God økonomi- og organisasjonsforståing
Ansvarsbevisst med evne til å arbeide strukturert, nøyaktig og målretta
Evne og vilje til å setje seg inn i nye saksområde
Evne til å motivere medarbeidarar og bidra til eit godt arbeidsmiljø
Trivst med å arbeide både sjølvstendig og tverrfagleg
Interesse for utvikling- og forbetringsarbeid

Vi tilbyr

Eit aktivt og triveleg arbeidsmiljø
Høgt fagleg nivå og spennande arbeidsoppgåver
Tverrfagleg samarbeid og engasjerte kollegaer
Lønn etter avtale
Gode pensjons- og forsikringsordningar
Fleksible arbeidsforhold

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Hege Hoff Skavøy, Avdelingssjef MBF, 55 97 43 97, hege.hoff.skavoy@helse-bergen.no

Arbeidsstad

Jonas Lies vei 91b
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4970495795
Stillingsprosent: 100%
Vikariat
Startdato: 01.09.2025
Sluttdato: 31.08.2026
Søknadsfrist: 05.06.2025

Informasjonskapsler på arbeidsplassen.no

Rapporter annonse