Interkommunale helsetenester er ein del av akuttberedskapen i Nordfjord. Stad kommune er vertskommune, og eininga omfattar legevakt, legevaktformidlinga og øyeblikkelig hjelp døgneining. Tenesta dekkjer kommunane Stryn, Stad og delar av Kinn, (tidlegare Vågsøy kommune).

Ein har eit breidt spekter av arbeidsoppgåver og utfordringar som skal løysast. Det er ein spennande arbeidsplass der ein kvar dag «kjenner pulsen på Nordfjord», og ein jobbar tett med lege, sjukepleiar og ambulansepersonell. Sjukepleiarane byter på å jobbe med legevaktformidlinga – gje råd og rettleiing på telefon, stell og pleie av pasientar ved ØHD, pasientbehandling ved legevakta og utrykking med legevaktsbil. Ein får dermed ein spennande arbeidsplass, og variert arbeid der ingen vakter er like. Det er derfor viktig at ein er løysningsorientert og stolar på eigne faglege vurderingar. Her er eit godt arbeidsmiljø, og stor takhøgde for å stille spørsmål.

Stillinga har tredelt turnus, og ein arbeidar to av sju helgar med langvakter.

Interkommunale helsetenester har ledig:

1 x 80 % fast stilling inkludert 10 % frie timar*

*Stad kommune ynskjer å tilby 100 % sjukepleiarstilling. Då vert den resterande stillingsprosenten i ei anna eining der vi treng sjukepleiarar. Turnusen vert samordna mellom einingane for å få best mogleg tilpasning for arbeid og fritid.

Er du på søken etter ei stilling med faglege utfordringar, allsidig arbeidskvardag og personlig utvikling? Då er dette stillinga for deg!

Arbeidsoppgåver

Svare legevakttelefonen, hastegradsvurdering og prioritering av pasientar, rådgjeving til pasientar og helsepersonell
Tilrettelegge og assistere ved skader, traume og akutt sjukdom
Medikamenthandtering
Observasjon, pleie og behandling av pasient
Samhandle med helseforetak og andre kommunale teneste for koordinering av helsehjelp for innbyggjarane
Fagleg oppdatering og øving ved ledig tid

Kvalifikasjonar

Sjukepleiar med interesse for akuttmedisin
Fordel med erfaring frå akuttmedisin
God munnleg og skriftleg framstillingsevne på norsk
God munnleg framstillingsevne på engelsk
Førarkort kl B for utrykning av legevaktbil saman med lege. Moglegheit for å ta "utrykningslappen".

Personlege eigenskapar

Du arbeider godt både sjølvstendig og i team
Du kommuniserer godt i akutte og krevjande pasientsituasjonar
Du er fleksibel, serviceinnstilt og imøtekomande
Du trivast i ein uforutsigbar og hektisk kvardag med høg aktivitet
Du har medansvar for eit godt arbeidsmiljø
Du er ryddig og held orden rundt deg

Vi tilbyr

God opplæring og oppfølging
Utfordrande og varierte arbeidsoppgåver
Øving i akuttmedisin
Godt fagleg arbeidsmiljø med høg trivsel
Tredelt turnus med langvakter helg. Tilrettelagt for kvile på langvakter.

Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.

Vi ber om at attestar og vitnemål vert lasta opp saman med søknaden. Vi ønskjer at du oppgir referanser av nyare dato.

Politiattest skal leggjast fram før start i stillinga. Stad kommune har 6 månader prøvetid.

Kontaktinformasjon

Grete Aud Totland, einingsleiar Interkommunale helsetenester, 95819005, grete.aud.totland@stad.kommune.no

Arbeidsstad

Sjukehusvegen 14
6770 Nordfjordeid

Nøkkelinformasjon:

Arbeidsgivar: Stad kommune

Referansenr.: 4947915546
Stillingsprosent: 80%
Fast
Søknadsfrist: 30.04.2025

Informasjonskapsler på arbeidsplassen.no

Rapporter annonse