Er du oppteken av digitalisering og ønskjer bidra til effektiv informasjonsutveksling samstundes som du sjølv utviklar deg innan eit relevant fagområde i stor endring?

Dokumentsenteret i Vestland fylkeskommune samlar og styrkar fagmiljøet innan dokumentasjonsforvaltning på Leikanger, og me treng no ein engasjert medarbeidar som kan komplettere vår dyktige gjeng.

Dokumentsenteret har ansvaret for å leggje til rette for at fylkeskommunen dokumenterer sin forvaltning gjennom god journalførings- og arkiveringspraksis. Hjå oss vil du inngå i eit robust fagmiljø der du jobbar tett med erfarne kollegaer. Me ønskjer å styrke den totale kompetansen i eininga og søkjer no særleg etter deg med interesse for og kompetanse innan brukarstøtte, opplæring, kommunikasjon eller liknande.

Stillinga er fast og tiltreding skjer når riktig kandidat er tilgjengeleg.

Arbeidsoppgåver

Mottak og journalføring av elektronisk og digital post, samt innskanna fysisk post og anna saksdokumentasjon.
Brukarstøtte innan fagområdet generelt, og sak- og arkivsystemet spesielt.
Gjennomføre opplæring av sakshandsamarar og leiarar i fylkeskommunen innan einingas fag- og systemportefølgje.
Kontroll og utlegging av offentleg journal på eInnsyn.no.
Støtte sakshandsamarar, samt noko sakshandsaming, innan offentlegheitsvurdering og innsyn.
Andre administrative og utviklingsorienterte oppgåver innan einingas ansvarsområde.

Kvalifikasjonar

Utdanning på bachelornivå med relevant fag-/emnesamansetning. Relevant erfaring kan ved vurdering erstatte formalkrav til utdanning.
Ønskjeleg med utdanning og/eller erfaring innan brukarstøtte, undervisning, kommunikasjon mv.
Særs god munnleg og skriftleg framstillingsevne på norsk.
Gode IT-kunnskaper og systemforståing.
God læringskompetanse.

Personlege eigenskapar

Du har interesse for fagområde og positiv haldning til digitaliering.
Du trivst i miljø med fleksible oppgåver, høgt arbeidstempo og intensjonsbasert leiing.
Du identifiserer deg med verdiane våre; kompetent, open og modig.
Du er nytenkande og løysingsorientert.
Du er initiativrik og serviceinnstilt.
Du er fagleg nysgjerrig og likar å halde deg oppdatert, samstundes som du er oppteken av og dyktig til å dele kunnskap med kollegaer.

Vi tilbyr

Arbeid innan eit fagområde og med system i stor utvikling.
Ei sentral og viktig rolle knytt til det største fellessystemet i ein stor fylkeskommune.
Samarbeid med fagleg dyktige kollegaer i eit stort fagmiljø.
Løn etter avtale.
Gode forsikrings- og pensjonsordningar.
Fleksibel arbeidstid og moglegheit for heimekontor.

Kontaktinformasjon

Kenneth Stigen Fureli, leiar, 91130261

Arbeidsstad

Askedalen 2
6863 Leikanger

Nøkkelinformasjon:

Arbeidsgivar: Vestland fylkeskommune

Referansenr.: 4733662551
Stillingsprosent: 100%
Fast
Søknadsfrist: 03.12.2023

Informasjonskapsler på arbeidsplassen.no

Rapporter annonse