I Lærdal bur me ikkje meir enn rundt 2 200 menneske, men jammen skjer det mykje her! Store marknadar, musikkfestival, matfestival, gytefestival (Du får berre googla), varierte konsertar, motbakkeløp, terrengløp, fotballcup med gamle stjerner, vårfest og mykje anna.

Me har majestetiske fjell med eit vel av fantastiske turalternativ både til fots og på ski, masse fiskevatn og gode jaktmoglegheiter. Og me har eit koseleg sentrum heilt ned til fjorden med gamle, søte trehus. På dei mange åkrane i dalen dyrkar dyktige bønder poteter, grønsaker, bær og frukt i rikt monn.

Kommunen vår er faktisk veldig sentralt plassert – tre timars køyring til Bergen ein veg, fire timars køyring til Oslo andre vegen. Dessutan ligg «bygdebyen» Sogndal og turistmagneten Aurland berre ein dryg halvtime unna. Og me har lokalsjukehus.

I desse stillingane vil du jobba under kommunalområdet oppvekst og utdanning og vere tilsett i Lærdal kommune. Som tilsett i Lærdal kommune, kan stillinga ved behov bli nytta ved begge skulane i kommune, Lærdalsøyri skule 1.-10.trinn 214 elevar og Borgund oppvekstsenter 1.-7.trinn 22 elevar.

Utdanning/kvalifikasjonar for alle stillingane

Godkjent lærarutdanning for undervisning på 1.-7.trinn eller 5.-10.trinn
Gyldig politiattest, skal leverast snarleg etter tilbod om ansetting og før tiltreding.
Gyldig arbeids- og opphaldsløyve
Gode norskkunnskapar, munnleg og skriftleg
Personlege eigenskapar og referansar vert vektlagt

Personlege eigenskapar

Du er god på relasjonsbygging og har gode samarbeidsevner
Du er oppteken av fag, og har fokus på elevane sitt læringsutbytte i tillegg til at tek omsyn til elevane sin livssituasjon
Du har god kjennskap til vurdering for læring
Du trivst med å jobbe tett på elevar og grupper
Du vert opplevd som ein trygg og tydelag vaksenperson i møte med elevane våre
Du er løysningsorientert og trivst i ein variert arbeidskvardag med høgt tempo
Du har ei positiv innstilling og god arbeidskapasitet

Arbeidsoppgåver:

Undervisning i klassar
Aktiv deltaking i eit profesjonsfagleg fellesskap
Samarbeid med kollegaer, føresette og andre samarbeidsaktørar
Vere bidragsytar til eit godt arbeidsmiljø

Me tilbyr:

Løn og arbeidsvilkår etter gjeldande lov -og avtaleverk
Pensjonsordning
Ein arbeidsplass med mykje hjartevarme eit spennande kollegium

Det kan nemast at Lærdal kommune mellom anna har:

Full barnehagedekning
Gratis fulltids-SFO for 1. og 2.klassingar, gratis deltids-SFO for 3.klassingar.
Gratis kommunale bustadtomter rett ved Borgund sentrum
Eit variert kommunalt kulturprogram i tillegg til alt det andre som skjer i bygda

Stillingane er utlyst som årsvikariat frå 01.08.2025 til 31.07.2026, men kan bli aktuelle som faste stillingar.

Les meir om Lærdal ved å klikka på denne lenkja

Link til søknadsskjema: Søk her

Informasjonskapsler på arbeidsplassen.no

Rapporter annonse