Om stillinga

Vi skal utvikle eit nytt og endå betre nødnett – framtidas nødnett. Nødnett er det viktigaste arbeidsreiskapet for blålysetatane og er heilt avgjerande for at politi, brann- og helsetenesta saman kan redde liv – kvar einaste dag. Til dette arbeidet treng vi dyktige og engasjerte medarbeidarar som ønskjer utfordrande, viktige og krevjande arbeidsoppgåver, i skjeringspunktet mellom teknologi, økonomi, jus og samfunnsfag.

Digitaliserings- og forvaltningsdepartementet er oppdragsgjevar for nytt nødnett og har det overordna ansvaret for dette megaprosjektet. Vi koordinerer arbeidet saman med fleire departement. I fellesskap forvaltar vi store ressursar og har ansvar for at desse blir nytta på ein forsvarleg og riktig måte.

Arbeidsoppgåver

Den som blir tilsett, skal bidra med:

arbeid i prosjektrådet, mellom anna å førebu og følgje opp møte i prosjektrådet
å sikre eit relevant, oppdatert og kvalitetssikra avgjerdsgrunnlag på ulike nivå
god dialog med berørte departement og Nkom
å leggje til rette for kvalitetssikring av prosjektet, i tråd med rundskriv R-108/25 frå Finansdepartementet
å sjå til at prosjektet blir gjennomført i samsvar med økonomiregelverket og utgreiingsinstruksen
å gi innspel til og kvalitetssikre det løpande arbeidet med statsbudsjettet
DFD sitt arbeid med å følgje opp nye store investeringsprosjekt
relatert arbeid med tryggleik og robustheit

Vi søkjer deg som har

Nødvendige kvalifikasjonar

Det er krav om:

mastergrad i økonomi, statsvitskap, jus eller tekniske fag
for tilsetjing som rådgjevar er det krav om minst tre års relevant erfaring etter fullført utdanning

Ønskjelege kvalifikasjonar

Det er ein fordel med:

kjennskap til prosjektet «Nytt nødnett»
kjennskap til store statlege investeringsprosjekt
god innsikt i korleis departementa fungerer, og erfaring med å leggje til rette for politiske avgjerdsprosessar

Personlege eigenskapar

Vi ser etter deg som har:

evne til å arbeide sjølvstendig og ta initiativ
fagleg engasjement og arbeider systematisk
god skriftleg og munnleg framstillingsevne
stor arbeidskapasitet
gode samarbeidsevner

Det vil bli lagt stor vekt på personleg eignaheit.

Vi tilbyr

store moglegheiter for påverknad i utforminga og gjennomføringa av digitaliseringspolitikken til regjeringa
ei rolle der du kan påverke samfunnsomstillinga, med digitalisering som verkemiddel
krevjande arbeidsoppgåver i eit stort og engasjerande fagmiljø
ei stor kontaktflate, både internt og eksternt
eit triveleg arbeidsmiljø med engasjerte og dyktige kollegaer
arbeidsplass i regjeringskvartalet
fleksibel arbeidstid
sosiale, kulturelle og idrettslege aktivitetar
ein time trening i arbeidstida per veke
gode forsikrings- og pensjonsordningar, med automatisk medlemskap i Statens pensjonskasse

Løn: Stillinga blir lønt som førstekonsulent i lønnsspennet 580 000–650 000 kroner, eller som rådgjevar i lønsspennet 650 000–800 000 kroner per år. Lønsplasseringa er avhengig av erfaring og kvalifikasjonar. Frå løna blir det trekt 2 prosent innskot til Statens pensjonskasse.

Vi er opptekne av mangfald

Mangfald er ein styrke og bidrar til endå betre oppgåveløysing. Derfor ønskjer vi medarbeidarar med ulike kompetansar, fagkombinasjonar, livserfaring og perspektiv. Har du funksjonsnedsetjing, hol i CV-en eller innvandrarbakgrunn, oppmodar vi deg som søkjar til å krysse av for dette i jobbsøkarportalen.

Dersom det er kvalifiserte søkjarar, kallar vi inn minst éin frå kvar gruppe til intervju. Dersom du får jobben, legg vi til rette for deg dersom du har behov for det. Avkryssingane i jobbsøkarportalen blir ikkje brukt til andre føremål enn anonymisert statistikk som statlege verksemder rapporterer i årsrapportane sine.

Informasjon til deg som søkjar

Søknad med CV skal sendast elektronisk via lenkje på denne sida. Fyll ut CV-felta i portalen (sjølv om du legg ved ein ferdig utfylt CV). Dette er nødvendig for mellom anna å oppfylle kravet om fullstendige søkarlister. Vi ber også om at du lastar opp vedlegg (vitnemål, kurs/sertifiseringar og arbeidsattestar). Utdanning frå utlandet må dokumenterast med godkjenning frå NOKUT eller HK-dir.
DFD samarbeider med Semac om bakgrunnssjekk av aktuelle kandidatar. Bakgrunnssjekken blir gjennomført etter samtykke frå deg som søkjar og inneber at vi verifiserer CV og annan søknadsdokumentasjon i samband med tilsetjinga.
Tryggleiksklarering: Tilsetjing føreset at kandidaten kan tryggleiksklarerast til nivå HEMMELEG (H) etter krava i tryggleikslova, på tiltredingstidspunktet.
Vi gjer merksam på at opplysninga om at du er søkjar, kan bli gjort offentleg sjølv om du har bede om å ikkje bli ført opp på søkjarlista, jf. offentleglova § 25. Du vil bli informert før offentleggjeringa og få høve til å trekkje søknaden.

Kontaktpersonar

For nærmare opplysningar om stillinga kan du ta kontakt med avdelingsdirektør Christina Christensen,
telefon +47 91 83 37 36 eller e-post christina.christensen@dfd.dep.no
For nærare opplysningar om rekrutteringsprosessen kan du ta kontakt med rekrutteringsrådgivar Marius Strandberg Aursand,
telefon +47 97 97 07 97 eller e-post Marius-Strandberg.Aursand@dss.dep.no

Rapporter annonse