Stad kommune har ledig 50 % fast stilling som medisinskfagleg rådgjevar frå 01.09.2025.
Stillinga er delt mellom to arbeidsområde: 40 % er knytt til Interkommunale helsetenester (IKHT), og 10 % til Stad legeteneste.

Interkommunale helsetenester (IKHT) er eit samarbeid mellom kommunane Kinn, Stryn og Stad, der Stad kommune er vertskommune. Tenesta omfattar tre avdelingar: legevakt, legevaktformidling og Øyeblikkeleg hjelp døgneining (ØHD). Tenesta er lokalisert ved Nordfjord sjukehus.

Legetenesta i Stad kommune består av Eid legekontor og Selje legekontor, med totalt 12 fastlegar. Hovudoppdraget til legetenesta er å sikre at innbyggjarane får tilgang til kvalifisert medisinsk diagnostikk, rådgjeving og behandling ved akutt sjukdom eller skade, eller ved forverring av eksisterande helsetilstand – situasjonar der medisinsk hjelp kan vere avgjerande for liv og helse.

Vi søkjer ein medisinskfagleg rådgjevar som er motivert for å utvikle tenestene i tråd med nasjonale krav og forskrifter. Rådgjevaren har, i samarbeid med leiarane, ansvar for at legetenestene oppfyller gjeldande lovverk og kvalitetskrav. Stillinga inneber tett samarbeid med fastlegane og kommuneoverlegane i dei tre samarbeidskommunane, samt med helseføretaka, med mål om å sikre gode og saumlause tenester for innbyggjarane.

Arbeidsoppgåver

Interkommunale helsetenester

Fortløpande medisisnsk fagleg og strategisk rådgjeving overfor einingsleiar og kommunalsjef
utvikling og kvalitetssikring av rutinar og prosedyrar i samarbeid med einingsleiar
Bidra til fagleg utvikling og organisering ved legevakt og ØHD
Bidra til stabil bemanning og rett kompetanse i legevakt
Bidra til informasjonsarbeid om legevakta overfor fastlegar og andre samarbeidspartar
Delta i styringsgruppemøte for dei Interkommunale helsetenestene og i samhandlingsmøter med helseføretak og andre samarbeidspartar
Delta i akuttmedisinsk samhandlingsforum
Følge opp klagesaker og avvik
Bidra til gjennomføring av legevaktseminar kvart halvår
Delta i legevaktberedskapen for Nordfjord legevakt

Stad legeteneste

Fortløpande medisinskfagleg og strategisk rådgjeving overfor avdelingsleiarar, einingsleiar og kommunalsjef
Utvikling og kvalitetssikring av rutinar og prosedyrar i samarbeid med avdelingsleiarar, einingsleiar og fastlegekollegiet
Bidra til fagleg utvikling og organisering i legetenesta
Bidra til stabil bemanning og rett kompetanse i legetenesta
Samarbeide med kommuneoverlege i vekslingsfeltet mellom legetenesta og samfunnsmedisinske fagområde
Varafunksjon for kommuneoverlege i beredskapsoppgåver som t.d. smittevern

Kvalifikasjonar

Norsk autorisasjon som lege
spesialistgodkjenning i allmennmedisin eller starta i spesialiseringsløpet i allmennmedisin
Erfaring som lege blir vektlagt
Erfaring frå prehospitale tenester og interesse for fagutvikling i akuttmedisin
Svært god norskkunnskap skriftleg og munnleg

Personlege eigenskapar

Du har gode kommunikasjonsevner og relasjonskompetanse
Du arbeider systematisk og strukturert
Du er fagleg engasjert og har fokus på framtidsretta utvikling av tenesta
Du er fleksibel og løysingsorientert

Vi tilbyr

Løn etter avtale
Godt arbeidsmiljø
Gode pensjons- og forsikringsordningar

Informasjon om pensjons- og forsikringsordningane til Stad kommune finn du her.

Stad kommune har seks månader prøvetid. Vi ber om at du lastar opp vitnemål og arbeidsattestar saman med søknaden.

Vi gjer merksame på at etter § 25 i offentleglova kan opplysningar om søkjaren bli offentleg sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.

Dersom du har spørsmål om stillinga kan du ta kontakt med einingsleiar Grete Aud Totland.

Kontaktinformasjon

Grete Aud Totland, einingsleiar Interkommunale helsetenester, +47 95819005, grete.aud.totland@stad.kommune.no
Barbro Longva, kommunalsjef helse og omsorg, +47 92855900, barbro.longva@stad.kommune.no

Arbeidsstad

Sjukehusvegen 14
6770 Nordfjordeid

Nøkkelinformasjon:

Arbeidsgivar: Stad kommune

Referansenr.: 4989229058
Stillingsprosent: 50%
Fast
Søknadsfrist: 10.08.2025

Informasjonskapsler på arbeidsplassen.no

Rapporter annonse