Er du ein omsorgsperson som trivst med varierte oppgåver og tett kontakt med pasientar?

Er du under helsefagleg utdanning og ønskjer arbeidserfaring frå psykiatri?

Kompleks Rehabilitering Sandviken (KRS) har ledige faste helgestillingar, med arbeid p.t. kvar tredje helg.

KRS er organisert under Avdeling for spesialisert psykosebehandling (ASP) i Psykiatrisk klinikk, og er ein lukka seksjon med 8 døgnplassar som gir eit tilbod til to ulike pasientgrupper. Seks av plassane er for personar med psykoselidingar med kompliserande tilstandar, som til dømes ruslidingar eller personlegdomsforstyrringar, medan to plassar er for personar som har ein kombinasjon av psykose og psykisk utviklingshemming eller utviklingsforstyrring.

Seksjonen er ein del av det som i framtida skal inngå i Nye Sandviken, eit område under utvikling med mål om å tilby heilskaplege og langsiktige behandlingstilbod til pasientar med samansette behov.

Arbeidet i seksjonen er tverrfagleg, og teamet består mellom anna av psykiater, psykolog, sosionom, sjukepleiar, vernepleiar og helsefagarbeidar. Hovudfokuset er å byggje relasjonar som støttar ei trygg overgang til bustad, i samarbeid med innsøkjande instansar og kommunale tenester. Miljøterapien inkluderer systematisk kartlegging og utvikling av ADL-ferdigheiter (aktivitetar i dagleglivet), stimulering av interesser og bruk av sanserom for kjensleregulering. Som ein del av behandlingstilbodet tilbyr vi også musikkterapi, fysioterapeut og har treningsfasilitetar som gymsal, treningsrom og treningspoliklinikk. Dette gir eit heilskapleg rehabiliteringstilbod, der både psykisk og fysisk helse står sentralt i behandlinga.

Faste stillingar for assistentar inngår i ei ordning der ein kan bli utlånt til andre seksjonar i ASP, også til akuttpost.

Aktuelle kandidatar kan bli kalla inn til intervju fortløpande.

Arbeidsoppgåver

Miljøterapeutisk arbeid
Observere og dokumentere ut frå behandlingsplan
Bidra til å skape ei trygg postatmosfære med omsorg, støtte, struktur og gode grensar for kvar enkelt pasient
Praktiske oppgåver
Oppfølging av pasientar med fokus på aktivisering og daglege gjeremål

Kvalifikasjonar

Relevant erfaring er ein fordel
God munnleg og skriftleg norskkunnskap er avgjerande for god pasientbehandling
Fortrinnsvis studentar under utdanning som sjukepleiar, vernepleier, psykolog (profesjon) eller medisin
Sjukepleiar/vernepleiar/helsefagarbeidar må ha norsk autorisasjon
Ved tiltredning må gyldig politiattest leggast fram

Personlege eigenskapar

Løysingsorientert, sjølvstendig og målretta
Strukturert
Ha respekt for kvar enkelt pasient og pårørande
Ha evne til å arbeide tverrfagleg og i team
Trivst i eit aktivt og travelt miljø
Utfører oppgåver under rettleiing fra sjukepleiar/vernepleiar

Vi tilbyr

Vere ein del av eit spennande og variert fagmiljø
Lønn i samsvar med gjeldande overeinskomst
Gode pensjons- og forsikringsordningar
Barnehage i nærområdet
Opplæring og rettleiing

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Silje Madeleine Hop, Seksjonsleiar, 55958878
Lena Thomsen Bruåsdal, Ass. seksjonsleiar, 55958878

Arbeidsstad

Hatleveien 7D
5038 Bergen

Nøkkelinformasjon:

Arbeidsgivar: Helse Bergen HF

Referansenr.: 5064290786
Stillingsprosent: 18%
Fast
Startdato: 01.06.2026
Søknadsfrist: 29.04.2026

Rapporter annonse