Vi søker ein engasjert, kreativ og fagleg sterk vernepleiar/sjukepleiar med relevant vidareutdanning i rolla som primærkontakt til ei ledig 100% stilling i FACT ung Bergen – eit behandlingstilbod som tilbyr fleksibel, heilskapleg og integrert oppfølging av barn og unge mellom 12–18 år (opp til 25 år) med behov for langvarig og samansett innsats frå fleire tenester og nivå.

Teamet består av tilsette frå både kommunen og spesialisthelsetenesta. Teamsamansettinga inkluderer psykologspesialist, familieterapeut, sjukepleiar, russpesialist, barnevernspedagog, erfaringskonsulent, musikkterapeut, sosionom, individuell jobbspesialist, arbeids- og utdanningsspesialist og avdelingsleiar. Ungdomane har funksjonssvikt innanfor område som: psykisk helse, skule, nettverk, arbeid, familie, rus, kriminalitet, seksualitet, avhengnad m.m.

FACT ung Bergen er eit 4-årig samarbeidsprosjekt mellom Helse Bergen, Betanien sjukehus og Bergen kommune. Tiltaket er organisatorisk plassert i Eining for Barnevernvakta, Utekontakten, Fosterheimrettleiing og –tilsyn i Bergen kommune. Denne stillinga er knytt til Ambulante Tenester i Klinikk psykisk helsevern for barn og unge (PBU), Helse Bergen.

Vi ønsker oss medarbeidarar som er med på å ta ansvar for å bevare eit godt arbeidsmiljø og som bidrar i miljøet med engasjement, faglegheit, kreativitet og openheit for nye idéar.

Vedkommande som får tilbod om tilsetting må legge fram tilfredsstillande politiattest (vandel), jfr Lov om helsepersonell § 20a (gjeld arbeid med barn og personar med utviklingshemming).

Oppstart snarast eller etter nærare avtale.

Intervju vil bli gjennomført 19. og 21. august kl 0800-1200.

Arbeidsoppgåver

Primærkontakt for fleire ungdomar og familiane deira
Sikre at ungdomane får oppfølging og behandling i tråd med modellskildringa til FACT ung, recovery-orientert praksis og lover og forskrifter
Utarbeide, koordinere, sette i verk og evaluere heilskaplege behandlingsplanar
Psykoedukasjon individuelt og i grupper
Gruppetilbod til ungdom og/eller foreldre
Bidra med fagleg kompetanse og rettleiing knytt til arbeid med familiar og systemisk praksis i teamet
Tverrfagleg samarbeid og samarbeid med instansar i ulike sektorar og på ulike nivå
Samarbeid med og involvering av ungdom, familie og nettverk i oppfølginga. Sikre ungdom sin medverknad i eiga utvikling og behandling
Tilpassa fleksibel arbeidstidsordning med pasientoppfølging på inntil to kveldar i veka (frem til kl 2100 måndag - torsdag)

Kvalifikasjonar

Norsk autorisasjon som vernepleiar eller sjukepleiar og relevant vidareutdanning, fortrinnsvis klinisk retta
Søkarar med anna relevant utdanning og særleg relevant arbeidserfaring kan bli vurderte
Erfaring frå arbeid med målgruppa til FACT Ung er påkravd
Erfaring med individuell oppfølging av ungdom blir vektlagt
Relevant arbeidserfaring frå spesialisthelsetenesta blir vektlagt
Erfaring med systemisk praksis og familiearbeid er ein fordel
Erfaring frå ambulant/oppsøkande arbeid er ein fordel
Erfaring med utviklings- og prosjektarbeid er ønskeleg
God munnleg og skriftleg formidlingsevne, minimum B2 nivå
Førarkort klasse B er påkravd
Tilfredsstillande politiattest er påkravd og må leggast fram ved oppstart

Personlege eigenskapar

Vi søker deg som brenn for barn, ungdom, familie og deira nettverk, og som ønsker å yte gode tenester på høgt fagleg nivå
Du trivst med arenafleksibel behandling
Du er sjølvstendig, løysingsorientert og målretta
Du har god relasjonell kompetanse og gode samarbeidsevner
Du har høg arbeidskapasitet
Du er trygg på digitale kommunikasjonskanalar
Vilje og evne til fagleg oppdatering på beste praksis
Personleg eignaheit vil bli vektlagt

Vi tilbyr

Høgt fagleg nivå og varierte, interessante og krevande utfordringar i eit fagfelt i utvikling
Løn i samsvar med gjeldande avtalar
Deltaking på nasjonal opplæring for tilsette i FACT ung
Moglegheit til å påverke og utvikle FACT ung Bergen
Fagleg støtte frå nasjonale kompetansemiljø
Kompetanseheving i Basal eksponeringsterapi
Tilbakemeldingsbasert kollegarettleiing og prosessrettleiing
Fleksibel arbeidstidsordning
Fadderordning
Flotte lokale i sentrum
Gode tilbod til tilsette

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Sebastian Slotte, Avdelingsleiar FACT ung Bergen, 934 03 596
Marlin Haarstad, Seksjonsleiar Ambulante tenester, 920 63 466

Arbeidsstad

Strømgaten 10
5008 Bergen

Nøkkelinformasjon:

Arbeidsgivar: Helse Bergen HF

Referansenr.: 4995224123
Stillingsprosent: 100%
Fast
Søknadsfrist: 14.08.2025

Informasjonskapsler på arbeidsplassen.no

Rapporter annonse