Vil du vere ein del av eit fagmiljø i utvikling?

Voss Sjukehus, Kirurgisk Avdeling har ledig 80% fast stilling som helsesekretær/sekretær.

Me søkjer ein engasjert og strukturert helsesekretær/sekretær som ynskjer å bidra i eit spennande og variert arbeidsmiljø. Hjå oss får du mogelegheit til å utvikle deg fagleg, jobbe med eit breitt spekter av oppgåver og vere ein viktig del av pasientane si oppleving av trygg og god helsehjelp. Du vil arbeide tett saman med anna fagpersonell og vere ein sentral ressurs i kvardagen vår.

Om Kirurgisk Avdeling
Kirurgisk avdeling er ei samla eining for fagområda kirurgi og ortopedi, og tilbyr behandling til både døgn-, dag- og polikliniske pasientar. Me handterer planlagde inngrep, konsultasjonar og øyeblikkeleg hjelp, og har eit sterkt fokus på kvalitet og pasienttryggleik.

Hjå oss blir du ein del av eit engasjert og samarbeidande fagmiljø med brei kompetanse. Her jobbar helsesekretærar, sekretærar, sjukepleiarar, helsefagarbeidarar, fysioterapeutar, ergoterapeut, klinisk ernæringsfysiologar og sosionom tett saman for å sikre god pasientbehandling og effektiv drift.

Som sekretær ved Kirurgisk avdeling får du ein variert og meiningsfull arbeidskvardag, der du er ein viktig del av eit inkluderande fellesskap med høg fagleg standard og godt arbeidsmiljø.

Om Voss Sjukehus
Voss sjukehus er eit lokalsjukehus med akuttfunksjon innan indremedisin, kirurgi, ortopedi, føde- og gynekologi. Me har eit opptaksområde på omlag 30 000 innbyggjarar fordelt på seks kommunar. I tillegg kjem pasientar frå Bergen, Sogn og Hardanger.

Sjukehuset spelar ei sentral rolle i helsetilbodet i regionen og har høg aktivitet gjennom heile året.

Sjukehuset er ein del av Helse Bergen og har tett fagleg samarbeid med avdelingar på Haukeland universitetssjukehus. Me er om lag 400 tilsette med eit sterkt fagmiljø med fokus på kvalitet og utvikling.

Om Voss
Voss er ein god stad å bu med eit rikt tilbod både for familiar og enkeltpersonar. Her finn du eit godt oppvekstmiljø med godt utbygde barnehagar og eit solid skuletilbod – inkludert to moderne vidaregåande skular.
Kommunen er kjend for sitt mangfaldige kultur- og friluftsliv. Med kort avstand til både kulturarrangement, naturopplevingar og meir ekstreme aktivitetar, tilbyr Voss noko for alle – året rundt.

Arbeidsoppgåver

Betene luke som er kombinert poliklinikk resepsjon og legevakt
Ta imot pasientar og hjelpe andre som henvender seg

Pasientadministrative oppgåver, mellom anna:

Registrering av pasientar til legevakt og poliklinikk
Oppgjer av konsultasjonar og koding/kodekontroll
Tildeling av time og arbeid med ventelister
Bestilling av pasienttransport og tolketeneste
Betjene henvendelsar på telefon og elektronisk

Ynskjeleg med utvikling av arbeidsoppgåver etter behovet på sjukehuset. Moglegheit for å utføre anna pasientnært arbeid i samarbeid med anna fagpersonell

Kvalifikasjonar

Krav om:

Meistre norsk godt, både munnleg og skriftleg
Gode digitale ferdigheter og evne til å lære nye system raskt

Ynskje om:

Utdanning som helsesekretær, medisinsk sekretær, sekretær eller anna relevant utdanning. Helsesekretær må ha norsk autorisasjon
Relevant erfaring frå pasientadministrativt arbeid gjerne frå sjukehus eller spesialisthelseteneste
God kjenskap til våre elektroniske pasientsystem, fortrinnsvis DIPS Arena. Orbit og IMATIS.

Personlege eigenskapar

Me ser etter deg som

Møter mennesker med respekt , er imøtkommande og inkluderande
Er positiv og fleksibel, med evne til å ta utfordringar
Har gode kommunikasjons og samarbeidsevner, som kan bidra positivt i eit aktivt arbeidsmiljø
Arbeider sjølvstendig og strukturert, er nøyaktig og tar ansvar
Ynskjer utvikling

Personlege eigenskapar vil bli vektlagt.

Vi tilbyr

Eit inkluderande og godt arbeidsmiljø
Varierte og meiningsfulle arbeidsoppgåver i ein viktig del av pasientbehandlinga
Opplæring etter behov og moglegheit for fagleg utvikling
Gode pensjons- og forsikringsordningar gjennom offentleg sektor
Lønn etter gjeldande overeinskomstar og kvalifikasjonar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Ranveig Herheim Knapstad, Seksjonsleiar, 97711192

Arbeidsstad

Sjukehusvegen 16
5704 Voss

Nøkkelinformasjon:

Arbeidsgivar: Helse Bergen HF

Referansenr.: 4989354776
Stillingsprosent: 80%
Fast
Startdato: 01.09.2025
Søknadsfrist: 13.07.2025

Informasjonskapsler på arbeidsplassen.no

Rapporter annonse