Sivilforsvaret søkjer ein engasjert og sjølvstendig medarbeidar til ei spanande stilling ved Sogn og Fjordane sivilforsvarsdistrikt. Du vil få varierte oppgåver, høve til fagleg utvikling og moglegheit til å påverke innhaldet i ei viktig rolle. Vi ser etter deg som brenn for å styrke tryggleiken til sivilbefolkninga – frå førebygging til innsats i krisesituasjonar.

I denne stillinga vil du ha varierte oppgåver innan øving, beredskap, og støttefunksjonar.

Du skal jobbe med:

Trening og øving - planlegge, sakshandsame og gjennomføre trening og øving for tjenestepliktige, inkludert samvirkeøvingar med andre beredskapsaktørar og samarbeidspartnerar
CBRN og beredskap - følgje opp og vidareutvikle distriktet sine CBRN-kapasitetar, og bidra i utarbeiding og revisjon av interne ROS-analysar og beredskapsplanverk
Innsats og hendingar– delta i stabs- og leiarfunksjonar ved innsatsar og hendingar, og inngå i distriktets vaktordning

I tillegg må du rekne med å bidra i andre oppgåver som høyrer til distriktet si samla portefølje, som tilsyn, fagleg rettleiing, materiellforvaltning og rekruttering.

Kvalifikasjonar

Du må ha:

relevant årsstudium frå høgskule, universitet eller fagskole. Særleg relevant erfaring kan kompensere for utdanningskravet. Utanlandsk utdanning må være godkjent av Direktoratet for høgare utdanning og kompetanse
erfaring med opplæring, undervisning eller føredrag
god digital kompetanse
god forståing for Sivilforsvaret sitt samfunnsoppdrag
god munnleg og skriftleg framstillingsevne på nynorsk
førarkort klasse B
følgande personlege eigenskapar:
- utviklingsorientert – held deg fagleg oppdatert og ser moglegheiter for forbetring
- sjølvstendig – følger opp planer og tildelte arbeidsoppgåver og tek ansvar og avgjerder innan eige fagfelt
- strukturert – planlegg og prioriterer arbeidet effektivt
- pedagogisk – formidlar bodskap klart og tilpassa målgruppa
- lagspelar – samarbeider godt, deler kunnskap og bidreg til felles mål. Hjelper til der det trengst og speler kvarandre gode, anerkjenner ulikskap og deler erfaringar og informasjon uoppfordra. Er påliteleg og truverdig. Har evne og interesse for å pleie god tovegs dialog med tenestepliktige mannskap

Vi ønsker at du har:

erfaring med, eller kjennskap til, Sivilforsvaret eller anna beredskapsarbeid
erfaring med, eller kjennskap til, CBRN-faget
kjennskap til offentleg forvaltning og sakshandsaming
erfaring med bruk og drift av operativt beredskapsmateriell
teknisk kompetanse innanfor bygg, anlegg eller anna relevant fagområde
utvida førarkort (BE og C1)

Vilkår

Fast stilling som Sivilforsvarsadjutant (stillingskode 0331) med årslønn frå kr 590 000 - 630 000. I tillegg tilkjem kompensasjon for vakt, øving og overtid.

Tryggleiksklarering Den som får tilbod om stillinga må kunne tryggleiksklarerast for HEMMELEG før tiltreding.

Oppmøte- og arbeidsstad er ved distriktskontoret på Granden i Sogndal.

Om Sivilforsvaret, distriktet og stillinga  

Sivilforsvaret er ein uniformert etat underlagt Direktoratet for samfunnstryggleik og beredskap (DSB) og leiast av Sjef Sivilforsvaret. Sivilforsvaret består i fredstid av 8000 tenestepliktige mannskap som er fordelt på 20 sivilforsvarsdistrikt, som kvar leiast av ein distriktssjef. Sentralt nivå er organisert gjennom Sivilforsvarsavdelinga som består av to seksjonar og eit økonomi- og styringssekretariat leia av assisterande sjef Sivilforsvaret.  

Sivilforsvarets hovudoppdrag er å beskytte befolkninga i krise og krig. Sivilforsvaret har mynde og ansvar for ei rekkje sivile beskyttelsestiltak. I fredstid skal Sivilforsvaret sørge for at det blir oppretthaldt god beredskap i heile landet og støtter som forsterkningsressurs når naudetatane og andre styremakter treng ekstra ressursar.  

Sivilforsvaret er organisert med lokale, regionale og nasjonale innsatsstyrker beståande av tenestepliktige mannskap og befal. Eit eige kompetansesenter har ansvaret for utdanning og opplæring. Det er totalt ca. 230 tilsette i Sivilforsvaret, fordelt på distrikta og Sivilforsvarsavdelinga. Den viktigaste ressursen er dei tenestepliktige som blir kalla ut til innsats i ulike oppdrag frå nord til sør. Sivilforsvaret bidreg også internasjonalt med ulike kapasitetar. 

Sogn og Fjordane sivilforsvarsdistrikt har 357 tenestepliktige mannskap og 6 årsverk for fast tilsette. Vi er operativt og administrativt ansvarlege for Sivilforsvaret i Sogn og Fjordane. Våre tenestepliktige er fordelt på 14 innsatsavdelingar og 6 Radiac-lag som har ansvar for deteksjon av radiologisk forureining. Avdelingane er plassert over heile distriktet frå Aurland i sør til Stad i nord. Distriktskontoret ligg på Granden 25 i Sogndal. 

Stillinga som øvings- og beredskapsmedarbeidar inngår i distriktets stab, og du vil samarbeida tett med dei andre stabsfunksjonane. Først og fremst vil samarbeidet bestå av forvaltning og tilsyn av tilfluktsrom, men og andre oppgåver innanfor administrasjon, logistikk og personellforvaltning. Dette betyr at stillinga, på enkelte områder vil ha overlappande oppgåver med dei andre stabsfunksjonane.
Hovudarbeidsområdet til stillinga er å identifisera langsiktige øvings- og treningsbehov, og planlegge og gjennomføra øving og trening av distriktet sitt innsatspersonell. I dette inngår også sakshandsaming og forvaltning av regelverket knytt til teneste i Sivilforsvaret. Stillinga vil og ha eit overordna ansvar for oppfølging og utvikling av distriktet sine CBRN kapasitetar. Sivilforsvaret er en uniformert etat. Det må påreknast periodar med reiseaktivitet/reisedøgn.

For mer informasjon om Sivilforsvaret, se www.sivilforsvaret.no. 

Om DSB
Direktoratet for samfunnstryggleik og beredskap (DSB) skal ha oversikt over risiko og sårbarheit i samfunnet. Vi er pådrivar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 700 tilsette. DSB er underlagt Justis- og beredskapsdepartementet.

Om å jobbe i DSB
Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsprdningar. For å arbeida i DSB må du vera tryggleiksmessig skikka og medverke til ein god kultur for tryggleik. Les meir om tryggleik i DSB på www.dsb.no/om-dsb/jobb-i-dsb/rekrutteringsprosessen/sikkerhet-i-dsb

Hos oss får du

medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no/Medlemskap-i-SPK/
fleksibel arbeidstid
bedriftshelseteneste
høve til å trene i arbeidstida
tilrettelagt for mobilt kontor når det er føremålstenleg

I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise

Offentleg søkjarliste
Det vil bli utarbeidd offentleg søkjarliste ved søknadsfristens utløp, jf. Offentleglova §25. Du har høve til å be om unntak frå offentleg innsyn. Dersom du ikkje får innvilga dette, vil du bli varsla om det før søkjarlistene blir utarbeidde. Sjølv om du har fått innvilga unntak frå offentlegheit, vil du framkomme på ei utvida søkjarliste. Denne er berre tilgjengeleg på førespurnad frå andre søkjarar til stillinga.

Praktisk informasjon om søknadsprosessen
Det er viktig at du registrerer all relevant utdanning og erfaring i profilen du lagar i rekrutteringssystemet. Dette sikrar at vi har opplysningane vi treng. I tillegg er det naudsynt at du lastar opp både søknadsbrevet og CV-en som vedlegg i PDF-format. For alle stillingar som ikkje krev tryggleiksklarering, vil DSB gjennomføre bakgrunnssjekk. Interne søkjarar må sende inn søknaden i DFØ HR. Les meir om rekrutteringsprosessen i DSB på www.dsb.no/om-dsb/jobb-i-dsb/rekrutteringsprosessen

Ikkje nøl med å ta kontakt dersom du har spørsmål! Kontaktperson er
Distrikstssjef Sogn og Fjordane sivilforsvarsdistrikt Stein Morten Rønningen: |e-post stein.morten.ronningen@dsb.no |telefon 57 62 88 61

Du finn meir informasjon om å jobbe i DSB på www.dsb.no/om-dsb/jobb-i-dsb og ein oppdatert oversikt over utlyste stillingar finn du alltid på jobb.dsb.no/search

Søk no og bli ein del av eit viktig samfunnsoppdrag.

Informasjonskapsler på arbeidsplassen.no

Rapporter annonse