Framtida.no/Magasinett søkjer etter ein nynorskskrivande journalist som kan bidra til at den gode veksten vår held fram. Ønskjer du å utvikla deg som journalist er dette ein god sjanse.

Hva vi ser etter

Me ser etter deg som:

er idérik med stor gjennomføringsevne
er framoverlent og har engasjement og lyst å bidra til at Framtida.no får fleire lesarar og set dagsorden på våre felt
er oppdatert på kva som engasjerer målgruppa både i sosiale medium og utanfor
er nyfiken, lærevillig og har lyst å utfordra deg sjølv
er god på å samarbeida, knyter kontaktar og kommuniserer godt
har gode allmennkunnskapar og følgjer med i nyheitsbiletet
har god bildeforståing, meistrar foto, video og grafikk
er god på innhaldsproduksjon til sosiale medium og følgjer med på kva som rører seg der
har god, nynorsk språkføring

Er dette deg, vil me gjerne at du søkjer. Om du ikkje har mykje erfaring på alle områda må du gjerne søkja likevel. Kanskje har du kompetanse, interesser og erfaringar me ikkje allereie har i redaksjonen, som me ikkje visste me trong?

Framtida.no/Magasinett er ein inkluderande arbeidsplass som ynskjer søkjarar med ulik erfaring og bakgrunn, både innan utdanning, kjønn, etnisitet, religion, funksjonsvariasjon og anna.

Arbeidsoppgaver

Finna og skriva relevante nyheitssaker for unge i alderen 15-25 år
Korrekturlesing av eigne og andre sine tekstar på nynorsk
Ta eigne foto, samt enkel biletredigering
Gjerne enkel video og redigering
Enkel grafikk og layout til sosiale medium
Desking av andre sine saker i ein rullerande deskturnus

Vi tilbyr

Me tilbyr ein utfordrande jobb med stor fridom, i eit lærerikt miljø der du får høve til å utforska nye måtar å formidla historier på. I jobben får du ansvar for å leita fram, skriva og formidla viktige nyheiter og reportasjar for unge i alderen 15 til 25 år. Du vil òg bidra med desking.

Framtida.no og Magasinett er ein felles redaksjon som har fire tilsette på kontoret i Glasmagasinet sentralt i Oslo. Me har òg eit lokalkontor på Stord, som er hovudsetet til vår søster- og samarbeidsavis Framtida Junior. Dei tilsette har ein time trening i veka i arbeidstida.

Løn etter avtale.

Cookies for en trygg og bedre tjeneste

Rapporter annonse