Vi har ledig 75% vikariat 21.08.23-18.08.24 for sjukepleier ved slag/ generell medisinsk sengepost, Stord sjukehus.

Sengeposten har 8 senger. Det er hovudvekt på slagbehandling i tillegg til andre generelle indremedisinske diagnosar, som bla infeksjonssjukdommar, cancer, Covid mm.

Stord sjukehus er ein del av Helse Fonna HF. Sjukehuset har gode støttetenester innanfor anestesi, intensiv, radiologi med CT- og MR lab., fysioterapiavdeling og laboratorium med blodbank. Stord sjukehus har full akuttberedskap innan medisin, kirurgi, føde, gynekologi og anestesi. Opptaksområdet er på om lag 50.000
innbyggjarar, fordelt på fem kommunar.

Stord har flott natur som gir særs gode høve til naturopplevingar og aktivitetar for born og vaksne innan ei heil mengd ulike idrettar. Kulturlivet er rikt og variert, og det er eit godt utbygd skuletilbod med vidaregåande og høgskule. Det er god kommunikasjon nordover til Bergen/Flesland og sørover til Stavanger.
Det er òg flyplass på Stord med god kommunikasjon til Oslo.

Arbeidsoppgåver

Pasientoppfølging
Du vil delta i eit tverrfagleg samarbeid for å gi pasientar best mogleg opphald på sengeposten
Gi god omsorg for pasient og dei pårørande
Vere med på å utvikle og forbetre sengeposten sitt arbeid

Kvalifikasjonar

Norsk autorisasjon som sjukepleier
Må ha gode IKT-kunnskapar
Må kunne jobbe med smittepasientar
Erfaring med slagpasientar og smittevern vektlegges
Gode norsk-kunnskapar er heilt avgjerande for forsvarleg pasientbehandling. Søkjarar som har andre morsmål enn norsk, svensk eller dansk, og som ikkje har fullført norskspråklig vidaregåande skule, må minimum ha bestått Bergenstesten, eller annan norsktest på B2 nivå.

Utdanningsretning

Sjukepleie

Utdanningsnivå

Høgskule/universitet, årsstudie / grunnfag

Personlege eigenskapar

Pasientorientert
Sjølvstendig
Må ha høg arbeidsmoral
Bidra til eit godt arbeidsmiljø
Må trivast i eit aktivt og travelt miljø
Trivst med å jobbe i eit tverrfagleg team

Vi tilbyr

Lønn i samsvar med gjeldande overeinskomst
Høgt fagleg nivå. Tverrfagleg samarbeid
Ein arbeidsplass som er ei inkluderande arbeidsliv-bedrift (IA-bedrift)
Dersom intern søknad og tilsetjing kan det verte ledig andre stillingsstorleikar

Mangfaldserklæring

Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Trude Digernes, Funksjonsleiar, (+47) 53 49 10 66
Sunniva Austlid, Seksjonsleiar, (+47) 53 49 11 47

Arbeidsstad

Tysevegen 64
5416 Stord

Nøkkelinformasjon:

Arbeidsgivar: Helse Fonna HF

Referansenr.: 4672332674
Stillingsprosent: 75%
Vikariat
Startdato: 21.08.2023
Sluttdato: 18.08.2024
Søknadsfrist: 16.06.2023

Informasjonskapsler på arbeidsplassen.no

Rapporter annonse