Vi søkjer ein engasjert programkoordinator i 100 % stilling til arbeid i Vest-Sør/Sogn og Fjordane.

Brenn du for å skape gode aktivitetar for born og unge? Har du erfaring frå arbeid med opne og trygge møteplassar? Likar du å lage arrangement for born og unge og jobbe saman med frivillige? Då er dette ei mogelegheit for deg!

Arbeidsstad kan vere på Sandane, i Førde eller Stryn. Du vert del av eit større team i Område Vest-Sør, og samarbeidar tett med lokal krins og hovudforeining.
Du får ansvar for å planleggje og gjennomføre aktivitetar og arrangement som konfirmantfestivalar, leirar og treff, og for å utvikle nye tilbod – til dømes fritidstilbod på kveldstid. Arbeidet skjer i tett samarbeid med frivillige og lokale samarbeidspartnarar.

Arbeidsoppgåver:

Bidra til godt rekrutterings- og informasjonsarbeid mot målgruppa, kommunar, kyrkja, skulen og andre relevante partar.
Rekruttere og følgje opp frivillige.
Delta aktivt i samarbeidsprosjekt med offentlege, ideelle, private og trusbaserte aktørar på borne- og ungdomsfeltet.
Sjølvstendig leiing av prosjekt med budsjett- og resultatansvar i samråd med næraste leiar.
Du vil også vere med å utvikle teamet strategisk, og sikre god intern samhandling og forutsigbarheit i arbeidet vårt.

Kompetansekrav - kvalifikasjonar

Relevant bachelor- eller mastergrad og/eller dokumentert erfaring frå arbeid med born og unge.
Kompetanse og erfaring frå arbeid med medverknadsprosessar.
Erfaring og målgruppeforståing frå arbeid med born og unge.
Erfaring frå frivillig arbeid og leiing av frivillige er ein føremon.
Engasjement og kjennskap til borne- og ungdomskultur. Særleg kjennskap til borne- og ungdomsmiljøet i Nordfjord og Sunnfjord er ein føremon.
Gode norsk- og engelskkunnskapar, både skriftleg og munnleg.
Førarkort klasse B. Disponering av eigen bil er ein føremon.

Kompetansekrav - personlege eigenskapar

Inkluderande, løysningsorientert, ansvarsfull og strukturert.
Evne og kapasitet til å møte og kommunisere med born og unge på ein god måte.
Leie aktivitet sjølvstendig og/eller i samarbeid med andre tilsette eller samarbeidspartnarar.
God forståing for ulike perspektiv og god til å arbeide metodisk og strukturert.
Lagspelar som er oppteken av å gjere andre gode.
Sterk verdiforankring og personleg integritet.

Vi tilbyr:

Eit meiningsfullt arbeid i ein organisasjon med sterke verdiar.
Ein variert arbeidskvardag i eit engasjert fellesskap.
Mogelegheit til å forme og utvikle nye prosjekt.
Løn i høve til tariff og gode pensjons- og forsikringsordningar.
Fleksibel arbeidstid og utviklingsmogelegheiter:
Det må reknast med noko kvelds- og helgearbeid, og noko reiseverksemd. I gjennomsnitt kveldsarbeid 2 dagar i veka.

Personleg dugleik vil verte tillagt vekt. Gyldig politiattest må leggjast fram. Søkjarar må identifisere seg med KFUK-KFUM Noreg sitt føremål, kristne profil og verdiar.
Vi vil vurdere søknadar og kalle inn aktuelle kandidatar til intervju løpande. Det kan derfor vere ein føremon å sende inn søknad og CV snarast mogeleg.
Ved spørsmål er du velkomen til å ta kontakt med områdeleiar Kristin Edvardsen Engeberg. Vi gler oss til å høyre frå deg!

Informasjonskapsler på arbeidsplassen.no

Rapporter annonse