Verv som fast bistandsadvokat

Om vervet

 Det er ledig verv som fast bistandsadvokat ved Haugaland og Sunnhordland tingrett og Gulating lagmannsrett.

Vervet er knytt til tingretten sin rettsstad på Leirvik, men det må likevel reknast med teneste i heile rettskretsen. Vervet omfattar oppdrag for begge rettsinstansane.

Oppnemning av fast bistandsadvokat skjer på åremål for ein periode på 6 år, med høve til gjenoppnemning. Gjenoppnemning ut over éin periode kan berre skje når særlege grunner talar for det. For vervet gjelder ein gjensidig oppseiingsfrist på 3 månader. Øvre aldersgrense for faste bistandsadvokatar er 72 år.

Vervet er personleg og inneber plikt til å inngå i eventuelle turnusordningar for faste bistandsadvokatar ved Haugaland og Sunnhordland tingrett, også i ferieperioder.

 Kvalifikasjonar og personlege eigenskapar

 Det blir lagt vekt på

• relevant praksis og faglege kvalifikasjonar
• personleg dugleik

Det blir òg lagt vekt på om søkjaren har kontorstad i rettskretsen.

Det vil også bli tatt omsyn til:

• Om søkjaren allereie har verv som fast forsvarer eller bistandsadvokat i rettskretsen eller ved andre domstolar.
• Om søkjaren har kontorfellesskap med faste forsvarar eller bistandsadvokatar.
• Forhold som kan føre til ugildskap,til dømes tilknytingtil andre aktørar i straffesakskjeda eller ved domstolen.

Som fast bistandsadvokat må du ha en tillitvekkande framferd i retten. Dette inneber at du må kunne kommunisere godt med andre aktørar og eigen klient. I tillegger det en føresetnadat du er strukturert og har evne til å gjere gode vurderingar og prioriteringar ved gjennomføringa av oppdraga.

Om oss

 Spørsmål som gjeld vervet kan rettast til Haugaland og Sunnhordland tingrett ved sorenskrivar Frank Schmidt, telefon 52 70 14 61. Du kan lese meir om prosessen ved oppnemning på Bistandsadvokat | Norges domstoler. Her finn du òg Domstoladministrasjonen sitt praksisnotat for oppnemning av faste forsvararar og bistandsadvokatar.

Søknad med CV, vitnemål og attestar sendast via JobbNorge.Alle attestar og vitnemål skal skannast samla og leggjast ved i eitt elektronisk vedlegg.