Saksbehandlar 

Om stillinga

Vi søker saksbehandlar i 100% fast stilling til rettsstad Sogndal. Som saksbehandlar hos oss får du ansvar for eiga saksportefølje i samarbeid med dommarar og andre saksbehandlarar. Arbeidsoppgåvene dine vil omfatte mottak, førebuing, tilrettelegging og etterbehandling av saker, og du er med på å bidra til effektiv og profesjonell saksflyt i domstolen.

Du vil få varierte og utfordrande oppgåver, blant anna kontakt med partar, advokatar og andre profesjonelle aktørar. I tillegg vil stillinga innebere oppgåver knytt til ekspedisjon og sentralbord, samt rettleiing og dialog med publikum og brukarane våre.

Domstolen er i kontinuerleg utvikling, særleg med auka digitalisering. Du må difor vere tilpassingsdyktig og innstilt på endringar i arbeidsoppgåvene etter domstolen sine behov. Saksbehandlarar i tingretten må og vere budd på samarbeid og arbeidsoppgåver for jordskifteretten. 

Kvalifikasjonar

Vi søker deg som:

• har utdanning på bachelornivå 
• har relevant arbeidserfaring frå saksbehandlararbeid. Relevant erfaring kan kompensere for kravet om høgare utdanning
• har gode digitale ferdigheiter 
• kommuniserer godt muntleg og skriftleg på norsk
• det er ønskeleg med førarkort klasse B

Personlege eigenskapar

• Du arbeider sjølvstendig og strukturert
• Du yter service og opptrer på ein objektiv og tillitsskapande måte 
• Du kan delta i dialog med partar, private og offentlege instansar på ein god og forståeleg måte
• Du er kvalitetsbevisst, nøyaktig og løysingsorientert
• Du har gode samarbeidsevner og bidrar til eit godt arbeidsmiljø
• Du er fleksibel
• Du har evne til å sette deg raskt inn i nye system

Generelle vilkår

• Tilsettingsvilkår og løn på gjeldande vilkår  
• Krav om norsk statsborgarskap, jf. domstolloven § 53 
• Prøvetid på 6 månader       
• Personopplysningar i søknad og CV blir behandla i samsvar med lov om behandling av personopplysningar 
• Det blir utarbeidd offentleg søkarliste og vi viser til offentleglova §25 andre ledd vedrørande moglegheita for å bli unnateke frå søkarlista 
• Statstilsette blir medlem i Statens pensjonskasse og det blir trekt 2% pensjonsinnskot
• Stillinga blir lønna som førstekonsulent (stillingskode 1408) etter Hovedtariffavtalen, avhengig av din kompetanse

Vi tilbyr

• moglegheit til å utvikle både domstolen og deg sjølve
• lokal og nasjonal kompetanseutvikling
• varierte arbeidsoppgåver
• fleksibel arbeidskvardag med fleksitid og moglegheit for trening i arbeidstida

Søknad

Send din søknad elektronisk via denne sida. Søknaden blir vurdert på bakgrunn av informasjon som er tilgjengeleg innan fristen for å søke stillinga. Pass difor på å legge ved all nødvendig dokumentasjon saman med søknaden. 

Sogn og Fjordane tingrett legg vekt på breidde og mangfald i arbeidsmiljøet og oppmodar kvalifiserte kandidatar til å søke, uavhengig av alder, kjønn, etnisitet og nedsett funksjonsevne. 

Stillinga er ledig frå 1. september 2026, men tiltreding skjer etter nærare avtale.

Nærare opplysningar om stillinga får du ved å kontakte administrasjonssjef Vibeke Hafstad Wennevold.