Psykolog

Ønskjer du å bli vår nye kollega? Vi søkjer deg som ønskjer å lære meir om barne- og ungdomspsykiatri og vere ein del av eit fagleg godt fellesskap. Vi kan tilby spennande og meningsfulle arbeidsoppgåver i eit triveleg arbeidsmiljø for deg som har lyst til å arbeide med barn og ungdom med ulike psykiske lidelsar. 

Psykisk helsevern for barn og unge er samansett av poliklinikkar i Kristiansund, Molde, Volda og Ålesund og ein døgnseksjon.

Døgnseksjonen har ledig 100% vikariat i 1 år for psykolog, med oppstart 1 september eller etter avtale med seksjonsleiar. 

Døgnseksjonen har 10 sengeplassar fordelt på 8 plassar for augeblikkeleg hjelp og 2 intermediære plassar og er eit tilbod for heile Møre og Romsdal. 
Vi tek imot pasientar med alvorleg psykiske lidelsar, både til frivilleg innlegging og til tvungen psykisk helsevern. Behandlinga blir individuelt tilrettelagt, der kvar pasient sitt behov er i fokus gjennom miljøterapeutisk tilnærming og individuell kontakt med behandlingsansvarleg (lege/psykolog).

Vi er samlokalisert med poliklinikken i Ålesund og arbeider for eit felles fagmiljø.

Arbeidsdagane på akutteininga er varierte både i forhold til arbeidsoppgåver og arbeidsmengde, og vi kan ha rolegare periodar der ein har rom for fagleg utvikling.
Teamarbeid er basisen i tilbodet på sengeposten og du vil jobbe tett saman med andre behandlarar og miljøterapeutar. I arbeidet med observasjon, utgreiing og behandling nyttar vi mellom anna miljøterapi, samtaleterapi, foreldrearbeid, informasjon, rettleiing og samarbeidsmøter.

Arbeidsoppgåver

• Utgreiing, diagnostisering og behandling/stabilisering innan fagfeltet psykisk helsevern for barn og unge
  
• Arbeide med barn og unge, og familiane deira, som er i akutte kriser
  
• Augeblikkeleg hjelp
  
• Fag- og kompetanseutvikling gjennom deltaking i behandlarmøter, miniteam-møter og undervisning
  
• Tverrfagleg samarbeid internt og eksternt med våre samarbeidsparter

Kvalifikasjonar

• Norsk autorisasjon eller lisens som psykolog
  
• For å kunne gjere ein god jobb må du mestre norsk språk, både munnleg og skriftleg

Personlege eigenskapar

• Gode evner til kommunikasjon, både med pasientar, pårørande og kollegaer
  
• Stor arbeidskapasitet og evne til å strukturere eigen arbeidskvardag innafor avtalt arbeidstid
  
• Ha evner som lagspelar, men vere sjølvstendig nok til å stå på eigne bein når det trengs
  
• Ha evne til å medvirke til eit godt arbeidsmiljø
  
• Interesse for fag- og organisasjonsutvikling, og for forbetringsarbeid
  
• Evne og vilje til samarbeid og omstilling
  

Å vere personleg eigna vert vektlagt ved tilsetting.

Vi tilbyr

• Dagarbeid mellom 08:00 - 15:30, og inga vaktordning for kveld og helg
• Sterkt tverrfagleg samarbeid
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV. 

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.

Kontaktinformasjon

Beate Olsbø Nilsen, Seksjonsleiar, 70106700, Beate.Olsbo.Nilsen@helse-mr.no

Arbeidsstad

Geilebergvegen 18
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5126249016
Stillingsprosent: 100%
Vikariat
Søknadsfrist: 07.06.2026