Bli med og utvikla regelverk for førarkort hos Statens vegvesen

Om stillinga

Liker du å jobba i tverrfaglege team, og i tillegg kjenner deg trygg på å jobba sjølvstendig når det trengst? Me er på utkikk etter deg som er samfunnsengasjert og vil bidra til trygge førarar på norske vegar. 

Førarkortseksjonen har det overordna ansvaret for regelverk innanfor førarkortområdet, og me skal no styrkja laget to dyktige juristar. Den eine av stilingane er mellombels. Seksjonen har ansvaret for å forvalta og utvikla nasjonalt regelverk, og følgja opp internasjonalt regelverk innan trafikantområdet. Seksjonen utviklar og driftar fleire digitale tenester og system, mellom anna det nasjonale førarkortregisteret, digitalt førarkort og diverse sjølvbeteningsløysingar.

Arbeidskvardagen og -oppgåvene er varierte, noko som inneber omfattande kontakt med både andre juristar og andre med ulik fagbakgrunn i Statens vegvesen. Seksjonen samarbeider også tett med andre etatar og organisasjonar. 

Les meir om korleis det er å jobba som jurist i Statens vegvesen her: Bli jurist i Statens vegvesen | Statens vegvesen

Arbeidsstad er Bergen, Bodø eller Drammen

Arbeidsoppgåver

•          Regelverksutvikling av forskriftene som seksjonen har ansvar for

•          Implementering og oppfølging av EØS-regelverk

•          Utredninger for politiske styresmakter i tverrfaglege team

•          Juridiske vurderingar, under dette personvern, i samband med utvikling av IT-system.

•          Juridisk rådgiving og rettleiing både internt og eksternt. Også saksbehandling innanfor ansvarsområdet til seksjonen må ventast.

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Hos oss får du mange moglegheiter gjennom å bli ein del av ei landsdekkjande, solid og viktig verksemd. Samtidig er det også opp til deg å bidra til rørsle og kontinuerlig utvikling – både for deg sjølv og for oss. 

Vi jobbar for alle – for deg og meg – og har ein reell påveknad på folks kvardag. Du får ansvarsfulle oppgåver og høve til fagleg og personleg utvikling. Vi tek godt imot deg i eit godt arbeidsmiljø over heile landet.

Vi tilbyr deg også desse goda:

• Fleksitid og avspasering – vi veit at balansen mellom arbeid og fritid er viktig, og vi tilbyr fleksible arbeidstider.
• God pensjonsordning og lån – trygg fremtid med gode pensjonsordningar og gunstige lån.
• Trening i arbeidstida – moglegheiter for trening i arbeidstida eller støtte til treningsaktivitetar.
• Fagleg påfyll – mange moglegheiter for kurs og vidareutdanning.
• Meir om gode som tilsett på våre nettsidar: Ansattgoder | Statens vegvesen

Lønna di blir avtalt i samsvar med lønnspolitikken vår.

Kvalifikasjonskrav

Mastergrad i rettsvitskap/juridisk embetseksamen. Du må ha god skriftleg og munnleg formuleringsevne på norsk og engelsk.

Me vil vektleggja at du har kunnskap innan offentleg forvaltning og styresmaktsutøving, personvernregelverket og lov- og forskriftsarbeid.

Det er ein fordel med erfaring, men det ser ikkje bort frå at du som er nyutdanna er interessant for oss. 

Dersom du har teke heile eller delar av utdanninga di i utlandet, tilrår me ei autorisert omsetjing av papira dine og godkjenning frå HKDIR. 

Som tilsett i Statens vegvesen er det dessutan viktig at du er tryggingsmessig skikka og har god dømmekraft, pålitelegheit og lojalitet. 

Me ser etter deg som tek initiativ og er løysingsorientert, og me legg vekt på at du:

•          jobbar strukturert og sjølvstendig, men samtidig ser verdien av godt samarbeid, og trivst med å jobba tverrfagleg.

•          har ei praktisk tilnærming til arbeidet ditt og evner å sjå heilskapen

•          har evna til å formidla jussen på ein god og forståeleg måte, både munnleg og skriftleg

Om du i tillegg sørgjer for god kvalitet i leveransane dine, så er du akkurat den me er på utkikk etter!

Om søknadsprosessen

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Testane gir verdifull innsikt i eigenskapane og ferdigheitene dine, og bidreg til ei rettferdig og objektiv vurdering.

Som ein del av rekrutteringsprosessen gjennomfører vi bakgrunnssjekk i samarbeid med ein ekstern leverandør. Bakgrunnssjekk skjer alltid med samtykket på kandidaten, og tilsetjing føreset godkjend bakgrunnssjekk.

Vi i Statens vegvesen verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling. 

Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.