Spesialingeniør/bioingeniør - laboratoriepersonell

Seksjon for cellebaserte medisinske produkt (CMP) ved Laboratorieklinikken på Haukeland universitetssjukehus (HUS) har som hovudformål å produsere avanserte celleterapiar (såkalla ATMPs) i den nye laboratorie/renromsfasiliteten på HUS. Celleterapiane skal nyttast i utprøvande behandling av pasientar gjennom kliniske studiar. Vi søker ein initativrik og motivert person til å bidra i det spennende arbeidet med produksjon og kvalitetskontroll analysar av avanserte terapiar, som har stor interesse og engasjement for regenerativ medisin.

Produksjon av ATMPs må følgje dei same strenge regulatoriske krav som for legemiddel, deriblant skal "Good manufacturing practice" (GMP) følgjast og produksjonsprosessar samt kvalitetskontroll analysar blir utført i kontrollerte reinrom. Seksjonen skal først starte med ein produksjonsprosess for å ekspandere opp Mesenkymale stromaceller, men produksjonsprosessen kan endre seg i åra framover alt etter kva nye kliniske studiar som blir initiert. Kvalitetskontroll analysane vil mellom anna inkludere automatisert celletelling, sterilitetstesting (BacT/Alert), endotoksin testing, miljøkontroll og tillaging av prøvar til flow cytometriske analysar og mykoplasma testing.

Den tilsette vil vere del av eit team som samarbeider tett, og vil også bidra med arbeidsoppgåver for å oppretthalde drift av reinromslaboratorium. Det vil også vere behov for prosedyre- og rapportskriving, og å sette seg inn i ulike programvarer. Den ideelle kandidaten vil ha ein sterk interesse og glede av å arbeide sjølvstendig og i team, med både laboratorie- og skrivearbeid. 

Vi tilbyr ein spennande arbeidsplass der det er mogleg for dei tilsette å utgjere ein forskjell og bidra direkte i produksjon og utviklinga av ATMPs for behandling av pasientar. Det er fleire faggrupper, både lokalt og nasjonalt, som har behov for å få tilverke avanserte medisinske produkt i samband med behandling av sjukdommar, mellom anna til regenerativ beindanning, immunterapi og kreftbehandling. Seksjonen er i sluttfasen med å etablere prosedyrar og utføre valideringsarbeid for kvalitetskontroll analysar, før lokale myndigheiter skal utføre tilsyn, og det vil derfor vere ein overgangsfase for den nytilsette før Seksjon for CMP har rutinedrift. Kandidaten vil bidra inn i dette arbeidet, og vil også bli gitt opplæring i denne perioden.

Meir om renromsfasiliteten ved HUS finn du her: GMP renrom - Helse Bergen HF.

Arbeidsoppgåver

• Utføre laboratorie- og analysearbeid av avanserte celleterapiar, mellom anna arbeid med cellekulturer etter aseptisk arbeidsteknikk og kvalitetskontroll analysar, i GMP-laboratorium (reinrom)
• Delta i drifta av reinromslaboratorium for å vareta samsvar med GMP og ISO standardar, mellom anna vedlikehald av laboratorieutstyr, bestillingar, vareinnslusing og varehandtering
  
• Ha kontakt med servicepersonell og leverandørar, delta på ev. anbodsprosessar
• Bidra til risikoanalysar, prosedyre- og rapportskriving
• Sette seg inn i ny kunnskap for produksjonsprotokollar og laboratorieanalysar, utfylle dokumentasjon og sjå til at prosedyrar blir etterfølgde
• Andre oppgåver ved avdelinga kan vere aktuelt

Kvalifikasjonar

• Bioingeniør og/eller mastergrad i relevant fagfelt (cellebiologi, farmasi eller liknande)
• Praktisk erfaring frå laboratoriearbeid med aseptisk arbeidsteknikk; det er ein fordel med erfaring frå cellekultur arbeid (fortrinnsvis adherente celler eller humane immun- eller stamceller) 
• Praktisk erfaring frå arbeid i eit reinrom som tilverkar legemiddel, og erfaring/kjennskap til arbeid med automatiserte og lukka instrument for produksjon er ein stor fordel, men opplæring blir gitt
• Det blir lagt vekt på gode datakunnskapar
• Erfaring innan GMP og frå relevant regulatorisk arbeid blir vektlagt
• Må meistre både norsk og engelsk, munnleg og skriftleg, svært godt

Personlege eigenskapar

Det blir lagt vekt på følgande personlege eigenskapar:

• Positiv og initiativrik
• Gode samarbeids- og kommunikasjonsevner
• Stort engasjement og interesse for fagfeltet innan regenerativ medisin og celleterapi behandling
• Kunne tileigne seg og anvende kunnskap og ferdigheiter for å sette seg inn i nye protokollar og analysar
• Vere fleksibel og tilpasse seg endring i oppgåver og prioriteringar
• Godt strukturert og detaljorientert
• Resultat, kvalitets- og løysingsorientert
• Vere ansvarsmedviten og ha forståing av å følgje lovverk
  

Vi tilbyr

• Delta i den spennande utviklinga av nye behandlingsmetodar innan avansert celleterapi og regenerativ medisin
• Gode kollegaer, godt og stimulerande arbeidsmiljø
• Fagleg og personleg utvikling
• Konkurransedyktig pensjonsordning og gode forsikringsordningar
• Lønn ut frå kompetanse og erfaring
  

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Kimberley Joanne Hatfield, Seksjonsleiar, 55973053, kimberley.joanne.hatfield@helse-bergen.no
Einar K. Kristoffersen, Avdelingssjef, 55974683, eikr@ihelse.net

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5035644008
Stillingsprosent: 100%
Fast
Søknadsfrist: 08.01.2026