LIS Nevrologi - fast og vikariat

Avdeling for Nevrologi, Revmatologi og Rehabilitering (ANRR) ved Førde sentralsjukehus søkjer LIS3 Nevrologi: 

Fast stilling (100%)

• Oppstart: 10.08.2026 (eventuelt etter avtale)
• Aktuell for kandidatar med gjennomført LIS1
  

Vikariat (100% stilling) 

• Oppstart snarast, varigheit 6 mnd, med moglegheit for forlenging.  
• Aktuell også for LIS1-ventarar

Om seksjonen
Legane i nevrologi er organisert under Avdeling for Nevrologi, Revmatologi og Rehabilitering (ANRR).

Hovudoppgåva er å yte spesialisthelseteneste til pasientar med nevrologiske sjukdomar. Vi har sengepost, slageining, poliklinikk med laboratorium for klinisk nevrofysiologi, EEG-laboratorium og fagsjukepleiarar innan epilepsi, parkinson, slag, hjernekreft og MS.  

Nevrologisk avdeling i Helse Førde har fagavtale med nevrologisk- og nevrokirurgisk avdeling ved Haukeland Universitetssykehus for delar av spesialiseringsforløpet.

Utdanningsplan for LIS3 i Nevrologi i Helse Førde finn du her:
https://www.helse-forde.no/utdanning-og-kompetanse/lege-i-spesialisering-del-2-3/nevrologi/

Eit fagmiljø i utvikling
Helse Førde er inne i eit omfattande og spennande utviklingsarbeid. Vi har ny og moderne sengepost med einerom til alle våre pasientar og gode arbeidsforhold for våre  tilsette. Vi arbeider kontinuerleg med utvikling og forbetring av tenestene samt organiseringa av desse. 

Vi legg stor vekt på godt arbeidsmiljø og samarbeid på tvers av faggrupper og avdelingar. Alle LIS i Helse Førde har tilbud om gruppeveiledning på tvers av avdelingar. 

Vi ser fram til å motta søknaden din! 

Arbeidsoppgåver

• LIS3 følgjer i utgangspunktet 7-delt vaktplan, med friveke kvar 7. veke. Tilstadesvakt. Sjå gjerne utfyllande informasjon i utdanningsplan (lenke i teksten over).
• Diagnostisering og behandling av pasientar med nevrologiske tilstandar både i akutt- og elektiv verksemd
• Tverrfagleg samarbeid med andre einingar og faggrupper
• Bidra til fagleg utvikling og undervisning

Kvalifikasjonar

• Norsk autorisasjon som lege
• Fast stilling LIS3: fullført LIS1 er krav 
• Vikariat: fullført LIS1 er ønskeleg, men ikkje eit absolutt krav. LIS1-ventarar oppmodast til å søke.
• Relevant sjukehuserfaring og kjennskap til DIPS og MEONA er ønskjeleg
• Må beherske norsk godt, både munnleg og skriftleg 
• Søkjarar utanfor Skandinavia må dokumentere kunnskap i norsk skriftleg og munnleg.

Personlege eigenskapar

• Motivert, lærevillig og interessert i fagfeltet
  
• Bidreg positivt til eit godt fagleg og kollegialt arbeidsmiljø
  
• Har gode samarbeidsevner, er arbeidsvilleg og initiativrik
  

Vi tilbyr

• Ein spennande og utfordrande jobb
• Lønn i samsvar med gjeldande overeinskomst
• Rekrutteringstillegg kr 25.000,-
• Gode pensjons- og forsikringsordningar
• Eit aktivt og triveleg arbeidsmiljø

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Elin Seim, Seksjonsleiar, (+47) 476 20 880

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 5089804230
Stillingsprosent: 100%
Fast, Vikariat
Startdato: 10.08.2026
Søknadsfrist: 18.03.2026