Lege i spesialisering (LIS3)

Førde BUP har ledig fast stilling som lege i spesialisering (LIS3), med oppstart snarast mogleg. 

Avdeling for psykisk helsevern for barn og unge er delt i fire seksjonar: ein sengepost og tre poliklinikkar. Ved seksjon Førde BUP er det no ledig fast stilling for lege i spesialisering (LIS 3).

Førde BUP held til i Dagabygget og er ein del av eit stort fagmiljø innan psykisk helsevern. 

Førde BUP dekker ei barnebefolkning på om lag 12 200 fordelt på åtte kommunar. Vi har spesialistar i alle profesjonar, og dei fleste fagstillingane er bemanna av erfarne medarbeidarar med lang fartstid. Vi held eit høgt fagleg nivå og har oppdatert kunnskap og behandlingskompetanse.

LIS3 vil få tilrettelagt heile utdanningsløpet med arbeidsstad i Førde gjennom heile perioden. 

Arbeidsoppgåver

• Utgreie, diagnostisere og behandle psykiske lidingar hos barn og unge
• Samarbeide med førstelinja og andre i spesialisthelsetenesta om eit heilskapleg helsetilbod
• Deltaking i interne og eksterne møter, undervisning, fagutvikling, rettleiing og anna organisatorisk arbeid
• LIS inngår i for tida 10-delt vaktordning i Psykisk helsevern 

Kvalifikasjonar

• Norsk autorisasjon som lege, med fullført LIS1
• God fagleg vurderingevne
• God norsk framstillingsevne både skriftleg og munnleg
• Erfaring med arbeid i barne- og ungdomspsykiatri vert vektlagt

Personlege eigenskapar

• Gode evner til å møte barn, unge og foreldre slik at dei opplever seg sett og forstått
• Gode evner til å samarbeide med andre på ein likeverdig og respektfull måte
• Fagleg interesse og tydeleg engasjement, med ønskje om å vere med og utvikle behandlingstilbodet vidare
• Gode evner til å arbeide strukturert og målretta, og har høg arbeidskapasitet
• Trivast i eit aktivt miljø og tverrfagleg team
  

Vi tilbyr

• Tilrettelagt spesialiseringsløp
• Heile spesialiseringa til barne-og ungdomspsykiater kan gjennomførast i Helse Førde
• Lønn i samsvar med gjeldande overeinskomst, og tillegg for LIS3 i spesialisering til barne og ungdomspsykiater 
• Gode pensjons- og forsikringsordningar
• Eit godt og ivaretakande arbeidsmiljø
• Varierte og utfordrande arbeidsoppgåver
• Det vert lagt til rette for fagleg og personleg utvikling

 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Hildegunn Knapstad Fauske, Seksjonsleiar, (+47) 578 39 207

Arbeidssted

Svanehaugvegen 2
6812 FØRDE

Nøkkelinformasjon:

Arbeidsgiver: Helse Førde

Referansenr.: 5070324865
Stillingsprosent: 100%
Fast
Søknadsfrist: 01.03.2026