Postdoktor i fotokjemisk hydrogenproduksjon fra saltvatn

Postdoktor i fotokjemisk hydrogenproduksjon fra saltvatn

Høgskulen på Vestlandet (HVL), Fakultet for teknologi, miljø- og samfunnsvitskap, campus Bergen, lyser ut ei 3-årig postdoktorstilling retta mot utvikling av ein prototype for ein fotokjemisk reaktor for solenergidriven hydrogenproduksjon i saltvatn. Det er ein føresetnad at den som vert tilsett har arbeidsstad ved Institutt for maskin- og maritime studium på campus Bergen gjennom heile tilsetjingsperioden.

Stillinga er finansiert gjennom HVL si utlysing for utvikling av framifrå forskingsmiljø, som eit ledd i oppfølginga av den institusjonelle strategien for styrking av forskinga ved HVL.

Postdoktorstillinga er ei rekrutteringsstilling og skal bidra til eit aktivt og produktivt forskingsmiljø ved HVL.

Ønskt oppstart er 01.09.2026, eller etter nærare avtale.

Stillinga er knytt til eit forskingsprosjekt som har som mål å utvikle ein prototype for ein fotokjemisk reaktor for solenergidriven hydrogenproduksjon i saltvatn. Fotokjemisk spalting av vatn representerer ein lovande metode for direkte omforming av solenergi til kjemisk energi i form av hydrogen. Trass i at konvensjonell vass­elektrolyse er ein moden teknologi, er den avhengig av ultrareine vassressursar, som avgrensar bruk særleg i regionar med knapp tilgang på ferskvatn og i offshore-samanhengar. 

Sjøvatn er ein alternativ ressurs som er det er rikeleg tilgang på, men den komplekse kjemiske samansetjinga inneber store utfordringar knytte til blant anna korrosjon, redusert effektivitet og gassreinleik. Prosjektet tek sikte på å møte desse utfordringane gjennom utvikling av tilpassa fotoelektrodemateriale og eit innovativt reaktorkonsept som legg til rette for effektiv separasjon av hydrogen og oksygen. Den overordna ambisjonen er å etablere eit stabilt og effektivt prototyp­system for fotokjemisk hydrogenproduksjon i saltvatn.

Arbeidsoppgåver og ansvarsområde:

Den som vert tilsett skal gjennomføre forsking i grenseflata mellom materialvitskap, fotokatalyse og hydrogenteknologi. Postdoktoren skal bidra både til utvikling av materialar og til implementering av reaktorløysingar, med særleg vekt på eksperimentell validering og systemyting.

Sentrale forskingsoppgåver omfattar mellom anna:

• syntese og karakterisering av ulike elektro-/fotokatalysatorar for hydrogenproduksjon ved bruk av eigna metodar
• utvikling av nye metodar for separasjon av H₂- og O₂-gassar
• studiar av stabilitet og degradering
• oppskalering av prototype for fotoelektrokjemisk reaktor

Postdoktoren skal også publisere forskingsresultat i vitskaplege tidsskrift med fagfellevurdering, bidra til formidling av prosjektresultat og delta aktivt i det faglege miljøet i forskingsgruppa og ved institusjonen.

Den som vert tilsett vert ein del av forskingsgruppa Hydrogenteknologi ved Institutt for maskin- og maritime studium ved Høgskulen på Vestlandet (HVL). Forskinggruppa har ei rekkje pågåande prosjekt innan både forsking og utdanning innan hydrogenteknologi. Det vert forventa at kandidaten deltek aktivt og bidreg til forskingsgruppa sine aktivitetar. Kandidaten vil i tillegg vere tilknytt forskingsgruppa Advanced Nano Materials for Clean Energy and Health Applications (ANCEHA) ved Institutt for datateknologi, elektroteknologi og realfag.

Postdoktorstillinga er òg knytt til FME HyValue – Hydrogen Value Chain Research, som er eit forskingssenter for miljøvennleg energi. HyValue arbeider med å kartleggje rolla til hydrogen og hydrogenbaserte energiberarar i det grøne skiftet, og vidare med å støtte implementeringa av desse i samfunnet. HVL har ei sentral rolle i HyValue.

Prosjektleiar og hovudrettleiar er førsteamanuensis Velaug Myrseth Oltedal. Kandidaten vil i tillegg verte rettleidd av professor Dhayalan Velauthapillai.

Kvalifikasjonskrav:

• Den som vert tilsett må ha doktorgrad (ph.d.) innan teknologi eller naturvitskap som er relevant for den utlyste stillinga. Doktorgraden må vere fullført og formelt godkjent innan søknadsfristen
• Solid eksperimentell bakgrunn innan syntese og karakterisering av nanomateriale
• Søkjarar må ha gode skriftlege og munnlege ferdigheiter i engelsk
• Gode IKT-ferdigheiter

• Relevant fagleg erfaring og kompetanse innan hydrogen- og elektrolyseteknologi vil verte vektlagt ved rangering av søkjarane
• Tidlegare kunnskap og erfaring med syntese av nanokatalysatorar for fotokatalytisk hydrogenproduksjon frå saltvatn er ein fordel
• Erfaring med arbeid på fotoreaktorar og med karakteriseringsinstrument som SEM, XRD, Raman m.m. tel positivt
• Evne til å bidra til utvikling av vitskaplege manuskript og patent
• Vitskaplege publikasjonar av høg kvalitet innan fagfeltet vil verte vektlagt
• Erfaring frå arbeid i eksternt finansierte prosjekt er ein fordel
• Erfaring med rettleiing eller opplæring av forskingsstudentar er ein fordel

• Gode samarbeidsevner og god formidlingsevne
• Sterkt fagleg engasjement
• Evne til å arbeide sjølvstendig, ta initiativ og vere fleksibel
• Evne til å arbeide nøyaktig, effektivt og systematisk
• Evne til å vere innovativ
• Gode gjennomføringsevner

Søkjarar må sende inn ei førebels prosjektskildring på maksimum éi side. Prosjektskildringa skal gjere greie for korleis søkjaren ser føre seg gjennomføringa av postdoktorprosjektet knytt til utvikling av ein fotokatalytisk prototypereaktor for solbasert hydrogenproduksjon. Skissa skal omfatte sentrale forskingsspørsmål, metodiske tilnærmingar og ein kort plan for gjennomføring av prosjektet.

Den førebelse prosjektskildringa vert nytta i vurderinga av søkjaren sine kvalifikasjonar og er ikkje å rekne som ei endeleg prosjektskildring. Endeleg prosjektskildring vil verte utarbeidd i samarbeid med prosjektgruppa

Stillingskategorien postdoktor er regulert av Forskrift om ansettelsesvilkår for stillinger som postdoktor, stipendiat, vitenskapelig assistent og spesialistkandidat, fastsatt av Kunnskapsdepartementet 31.1.2006 med heimel i Universitets- og høgskulelova. §1-4. 

Vi tilbyr: 

• Gode pensjons-, forsikrings-, og låneordninger i Statens pensjonskasse 
• Spennende fagmiljø med mulighet for kompetanseheving- og utvikling 

• Mulighet for trening i arbeidstiden.

   

Stillingen er lønnet etter Statens lønnsregulativ, i stillingskode 1352 - postdoktor. Fra lønn vil det bli trukket 2 % innskudd til Statens pensjonskasse.

Hvordan søke på stillingen?

Send søknad og CV ved å klikke på knappen merket ”Søk stillingen” på denne siden. 

Vi gjør oppmerksom på at søknader blir vurdert ut fra den informasjon som er lagt inn i www.jobbnorge.no ved søknadsfristens utløp. Det er søkers ansvar å sørge for at alle relevante vedlegg er lagt inn innen fristen, herunder attester og vitnemål. Dersom vitnemålene, karakterutskrifter eller annen dokumentasjon ikke er på et skandinavisk språk eller engelsk, må søker selv laste opp attesterte omsettinger. Hvis vedleggene overskrider 25 MB må de komprimeres før opplasting eller legges ved som lenke. 

Søkere med utenlandsk utdanning må i tillegg dokumentere at utdanningen samsvarer med norsk bachelor-, master- eller ph.d.-grad. Se www.hkdir.no for mer informasjon om vurdering av høyere utdanning. 

HK-dir tilbyr automatisk godkjenning for enkelte grader fra utvalgte land. Dersom utdanningen til søkeren er dekket av ordningen med automatisk godkjenning, vil det være tilstrekkelig å legge ved dokumentasjon på dette. Du kan lese mer om ordningen med automatisk godkjenning her. 

Vi gjør oppmerksom på at søknad om vurdering gjennom den ordinære godkjenningsordningen til HK-dir kan ta tid. Du bør derfor sende søknad om godkjenning så raskt som mulig når du vet at du vil søke på stillingen. Dersom du ikke har fått svar fra HK-dir innen søknadsfristen, legger du ved dokumentasjon fra HK-dir om at de har mottatt søknaden din. 

Søknader kan ikke sendes på e-post til enkeltpersoner ved høgskolen

Generell informasjon:

Vi gjør oppmerksom på at unntak fra den offentlige søkerlisten blir behandlet etter reglene i Offentlighetsloven. Søkere som har anmodet om å ikke bli ført opp på den offentlige søkerlisten, vil bli varslet dersom slik anmodning ikke tas til følge. 

Den statlige arbeidsstyrken skal i størst mulig grad gjenspeile mangfoldet i befolkningen. Det er derfor et personalpolitisk mål å oppnå en balansert alders- og kjønnssammensetning og rekruttere personer med minoritetsbakgrunn, nedsatt funksjonsevne og hull i CV. 

Arbeids- og oppholdstillatelse i Norge er en forutsetning for å tiltre stillingen. 

Høgskulen på Vestlandet er underlagt forskrift for eksportkontrollsystem. Forskriften kan komme til anvendelse i behandlingen av søknadene. 

Vi tar forbehold om at stillingens plassering i organisasjonen kan bli endret som følgje av ev. justeringer i HVL sin interne organisering.

Inkludere, utfordre og samhandle