Lege i spesialisering i barne- og ungdomspsykiatri

Fast LIS stilling i Klinikk psykisk helsevern for barn og unge (PBU), Helse Bergen HF.

Å arbeide i barne- og ungdomspsykiatrien er å stå midt i samspelet mellom biologi, psykologi og liv – og bruke medisinsk kunnskap til å gjere ein reell forskjell. Klinikk psykisk helsevern for barn og unge (PBU) i Helse Bergen har ledig 100% fast stilling for lege i spesialisering (LIS 3) i barne- og ungdomspsykiatri. Etter fullført spesialisering vil stillinga bli omgjort til legespesialist.

Vi søker deg som er fagleg nysgjerrig, som ønsker å forstå kompleksitet og som vil bidra til at barn og unge i sårbare livssituasjonar blir ivaretatt på ein trygg, kunnskapsbasert og heilskapleg måte. 

Klinikk psykisk helsevern for barn og unge i Helse Bergen er eitt av dei mest omfattande og fagleg breitt samansette barne- og ungdomspsykiatriske fagmiljøa i Noreg.
Vi har sju generelle poliklinikkar i Bergen og omegn, i tillegg til ei rekkje spesialiserte team lokalisert i Glasblokkene ved Haukeland universitetssjukehus. Denne strukturen gjer at vi kan tilby både brei klinisk erfaring og spissa kompetanse innan ulike delar av barne- og ungdomspsykiatrien.

Det samla fagmiljøet omfattar om lag:

• 30 spesialistar i barne- og ungdomspsykiatri
• 20 legar i spesialisering,
• 120 psykologar
• 150 miljøteraputer

Vi har unik fagleg kompetanse innan barn og ungdomspsykiatri, forsking på høgt internasjonalt nivå og eit tett samarbeid med Universitetet i Bergen. Dette gjev gode moglegheiter for fagleg fordjuping, utvikling og deltaking i forskings- og kvalitetsarbeid for dei som ønsker det.

Hos oss blir du del av eit stort, engasjert og reflekterande fagmiljø som arbeider målretta for å gi barn, unge og familiar best mogleg hjelp. 👉 PBU dekker alle læringsmåla i spesialiseringa i barne- og ungdomspsykiatri, og LIS-løpet blir strukturert og tilrettelagt i tråd med gjeldane forskrift.

Arbeidsoppgåver

• Utgreiing, diagnostisering og behandling av barn og unge (0-18 år) med psykiske lidingar
• Klinisk arbeid der forståing av samspel mellom symptom, utvikling, arv og sosiale forhold står sentralt
• Tverrfagleg samarbeid med psykologar, miljøpersonell og andre faggrupper
• Samhandling og kommunikasjon med foreldre og barnet sitt nettverk
• Deltaking i LIS-utdanning i tråd med fastsette læringsmål
• Forvakt i tilstadevaktordning

Kvalifikasjonar

• Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggast til grunn for tilsetting i LIS 3-stilling i barne- og ungdomspsykiatri
• Søkar må meistre godt norsk, både munnleg og skriftleg

Personlege eigenskapar

• Vere fagleg engasjert og nysgjerrig på kompleksitet
• Gode kommunikasjonsferdigheiter og samarbeidsevner
• Trivst med klinisk arbeid med barn, unge og deira føresette
• Du må trivast i eit aktivt og tverrfagleg arbeidsmiljø
• Du må vere open for nye utfordringar og vere engasjert
• Du må ha evne til både å arbeide sjølvstendig og i tverrfagleg team
• Du må vere opptatt av og bidra til eit positivt arbeidsmiljø

Vi tilbyr

• Fast stilling som LIS i barne- og ungdomspsykiatri
• Full dekning av læringsmål i spesialiseringa
• Strukturert og føreseieleg LIS-løp
• Overlege som rettleiar
  
• Lønn i samsvar med gjeldande overeinskomst
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Bente Monstad, ass.klinikkdirektør, 55 97 44 51

Arbeidsstad

Haukelandsbakken 1
5021 BERGEN

Nøkkelinformasjon:

Arbeidsgivar: Helse Bergen HF

Referansenr.: 5072159871
Stillingsprosent: 100%
Fast
Søknadsfrist: 13.02.2026