Avdelingssjukepleiar – for deg som vil kombinere fag og leiing

Vil du vere med å skape trygge, varme og fagleg sterke helsetenester for innbyggjarane våre? Me søkjer no ein tydeleg og engasjert avdelingssjukepleiar i 100 % fast stilling med ansvar for heimesjukepleia ved Årdal bu- og omsorgssenter (ÅBO) og korttidsavdelinga på ÅBO.

Dette er stillinga for deg som trivst med ansvar, likar å jobbe tett på både menneske og fag, og som ynskjer å utvikle både medarbeidarar og tenester vidare. Hjå oss får du ein variert arbeidskvardag der ingen dagar er heilt like – og der du verkeleg kan gjere ein forskjell.

Som avdelingssjukepleiar vil du ha både fagleg og administrativt ansvar for avdelingane innanfor vedtekne rammer og budsjett. Du vil ha personalansvar og vere ein viktig støttespelar for medarbeidarane dine i kvardagen. Arbeidet handlar også om å følgje opp tenestemottakarar og pårørande, sikre gode rutinar og bidra til trygge og heilskaplege tenester.

Du vil samarbeide tett med ulike faggrupper og vere med på å vidareutvikle tenestene våre gjennom god ressursutnytting, struktur og fagleg fokus. Arbeidstida er på dagtid.

Me ser etter deg som har norsk autorisasjon som sjukepleiar og som ynskjer ei leiarrolle med både ansvar og moglegheit til å påverke. Du må kunne kommunisere godt på norsk, både skriftleg og munnleg, og ha førarkort for bil.

Det er ein fordel om du har erfaring med turnusarbeid og gjerne også tidlegare leiarerfaring.

For å trivast hjå oss trur me du:

• held hovudet kaldt i ein travel kvardag
• er strukturert og god på planlegging
• har gode relasjonelle eigenskapar
• motiverer og samarbeider godt med andre
• likar ansvar og tek eigne initiativ
• kommuniserer tydeleg og skapar tillit
• ynskjer å bidra til eit godt arbeidsmiljø og fagleg utvikling

Hjå Årdal kommune blir du ein del av eit godt og stabilt arbeidsmiljø med høg fagkompetanse og engasjerte kollegaer. Me tilbyr ein meiningsfull jobb der du får vere med og påverke utviklinga av viktige helsetenester i kommunen.

Du får kommunale tilsetjingsvilkår, gode pensjons- og forsikringsordningar og tilgang til bedriftshytte på Skeikampen.

Dersom det vert intern tilsetjing, kan det også bli ledig anna sjukepleiarstilling. Skriv gjerne i søknaden dersom du ønskjer å bli vurdert for dette.

Hjå oss får du meir enn ein jobb – du får moglegheita til å vere med og utvikle tenester som betyr noko i menneske sine liv. Me ser etter ein leiar som ynskjer å skape tryggleik, engasjement og kvalitet saman med dyktige kollegaer.

Kjenner du deg igjen i dette? Då håpar me å høyre frå deg.

Velkomen som søkjar til Årdal kommune!