Vil du arbeide med ungdom? Bjørgvin fengsel søkjer to miljøterapeutar i faste stillingar ved Ungdomseining Vest.

Om stillinga

Kriminalomsorgen region vest har etablert eit nasjonalt sonings- og varetektstilbod for mindreårige ved Bjørgvin fengsel.

Tilbodet byggjer på tett tverretatleg samarbeid med barnevern, psykisk helsevern, opplæringstenester og kommunale instansar. Målet er intensivt endringsarbeid slik at størst mogleg del av straffegjennomføringa kan skje utanfor fengsel.

Som miljøterapeut ved Ungdomseining Vest arbeider du tett med unge innsette under 18 år. Du skal bidra til tryggleik, struktur og målretta progresjon gjennom systematisk miljøterapeutisk arbeid. Rolla inneber både tryggleiksfaglege oppgåver og relasjonsarbeid.

Du vil vere samtalepartnar, kontaktbetjent, rollemodell og rettleiar. Arbeidet krev evne til tryggleikstenking, grensesetjing, konfliktløysing og motivasjonsarbeid.

Sidan dette er eit nasjonalt tilbod, kjem ungdommane frå heile landet. Det må difor påreknas noke reiseverksemd.

Arbeidsoppgåver

• Dagleg oppfølging av unge innsette
• Strukturert endringsarbeid etter miljøterapeutiske prinsipp
• Motivere og støtte ungdom i progresjonsarbeid
• Bidra aktivt i utvikling av fag- og tryggleiksarbeid ved avdelinga
• Rutinemessige driftsoppgåver

Den som blir tilsett, må rekne med endringar i ansvars- og arbeidsområde.

Kvalifikasjonar

Du må ha

• Bachelorutdanning frå høgskule/universitet (helse- og sosialfagleg retning er føretrekt)
• Minimum eitt års erfaring frå miljøterapeutisk arbeid og/eller arbeid i fengsel
• Erfaring frå institusjonsarbeid (vil bli vektlagt)
• God munnleg og skriftleg framstillingsevne
• God IKT-kompetanse
• Førarkort klasse B
• Gode norskkunnskapar

Du må oppfylle dei fysiske funksjonskrava som gjeld for opptak ved KRUS. Det vil bli gjennomført fysiske funksjonstestar som må beståast. https://www.krus.no/fysisk-funksjonstest.521471.no.html (https://www.krus.no/fysisk-funksjonstest.521471.no.html)

Det er ønskjeleg at du har

• Erfaring frå arbeid med barn og unge
• Fagleg interesse og engasjement for målgruppa

Personlege eigenskapar

Vi ser etter deg som:

• Har gode kommunikasjons- og samarbeidsevner
• Er tydeleg og trygg i grensesetjing
• Har evne og vilje til å drive påverknadsarbeid
• Er mål- og resultatorientert
• Arbeider sjølvstendig og systematisk
• Er uthaldande i krevjande og ustabile situasjonar
• Har vilje og evne til å delta i aktivitetar med ungdom utanfor fengselet

Personleg eignaheit vil bli tillagt stor vekt.

Vi tilbyr

• Meiningsfulle arbeidsoppgåver i ein etat med eit viktig samfunnsoppdrag
• Fagleg utfordrande og utviklande arbeid
• Gode pensjons-, forsikrings- og låneordningar i Statens pensjonskasse
• Trening i arbeidstida
• Gratis parkering og ladepunkt for el-bil

Stillinga er lønt som 1201 miljøterapeut med årslønn frå kr 525 000 til 670 000, avhengig av kvalifikasjonar.
Gode tillegg for ubekvem arbeidstid. Det blir trekt 2 % innskot til Statens pensjonskasse.

Generell informasjon

Tilsette sine haldningar og verdiar skal vere i tråd med kriminalomsorga sitt verdisyn.

Våre verdiar er: Openheit, tryggleik og nytenking.

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Eit godt arbeidsmiljø er prega av mangfald, og vi oppmodar kvalifiserte søkjarar med ulik arbeids- og livserfaring til å søkje jobb hos oss. Kriminalomsorga arbeider for å realisere regjeringas inkluderingsdugnad om at 5% av alle nytilsetjingar i staten skal vere personar med nedsett funksjonsevne eller hòl i CV-en.

Vi gjer merksam på at dersom søkjarane oppgjev at dei har nedsett funksjonsevne eller «hòl i CV-en» kan opplysinga nyttast til registreringføremål.

Prøvetida er 6 månader.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet. Det går for tida føre seg ein utgreiingsprosess i kriminalomsorga som kan medføre ei organisasjonsendring.

Nærare opplysningar om stillinga får du ved å vende deg til fengselsinspektør Arne M. Hægland tlf. 55251284

For spørsmål om elektronisk utfylling av CV kan Jobbnorge kontaktast på 75 54 22 20.