Førstekonsulentar

Om stillinga

No søkjer vi inntil fem engasjerte førstekonsulentar til vikariat i avdeling for registerforvaltning for perioden 01.07.2026–31.12.2026.

Hos oss får du høve til å bli kjend med offentleg sektor gjennom saksbehandling og andre arbeidsoppgåver retta mot norsk næringsliv og frivillig sektor. Vi har ein travel arbeidskvardag der omstilling og utvikling gir varierte, spennande og meiningsfulle oppgåver.

Arbeidsoppgåver

• saksbehandling med sjølvstendige faglege vurderingar og bruk av skjøn
• rettleiing av interne og eksterne brukarar i ulike kanalar
• bidra til god kvalitet, effektiv saksgang og vidareutvikling av fagområdet

Kvalifikasjonar 

Du må ha:

• utdanning frå høgskule eller universitet på bachelornivå eller høgare
• god digital kompetanse
• gode kommunikasjonsevner på norsk og engelsk, både munnleg og skriftleg

Det er ein fordel om du òg har:

• erfaring frå bank/finans, revisjon/rekneskap, selskapsrett eller offentleg forvaltning
• utdanning innan økonomi, informasjonsteknologi eller juridiske fag

Personlege eigenskapar

Vi ser etter deg som:

• har gode samarbeidsevner og samstundes kan jobbe sjølvstendig
• er strukturert, nøyaktig og har god arbeidskapasitet
• er løysingsorientert og positiv til endringar og nye utfordringar
• er oppteken av kvalitet og resultat

Personlege eigenskapar vil bli lagde vekt på.

Dette får du hos oss

• vikariat som førstekonsulent med årsløn frå kr 483 800–670 000, avhengig av kvalifikasjonane dine. Prøvetida er tre månader.
• interessante og utfordrande oppgåver innan digitalisering og forenkling av Noreg
• eit godt arbeidsmiljø med uformell tone der me alle er på hels
• fleksibel arbeidstid med god balanse mellom arbeidsliv og privatliv
• medlemskap i Statens pensjonskasse som har ei av landet sine beste pensjonsordningar, med gunstig bustadlån og gode forsikringsordningar
• moderne kontorlokale med fantastisk utsikt over Helgelandskysten. Les meir om vår flotte arbeidsplass og byen vi bor i.
• hjelp til å skaffe bustad

Vi har eit rekrutteringssamarbeid med Brønnøy kommune og Digitaliseringsdirektoratet. Har du ein partnar som har behov for jobb i Brønnøysund, kan vi formidle kontakt med dei.

Inkludering og mangfald er viktig for oss

Vi ønsker å vere ein inkluderande arbeidsplass, der vi speglar mangfaldet i befolkninga. Vi treng medarbeidarar med ulik erfaring, bakgrunn, kompetanse og kvalifikasjonar for å løyse samfunnsoppdraget vårt. 

Har du hol i CV-en, nedsett funksjonsevne eller innvandrarbakgrunn oppfordrar vi deg til å krysse av for det når du søker stilling hos oss. Vi kallar inn minst ein kvalifisert søkar frå kvar av desse gruppene til intervju. Vi legg til rette for medarbeidarar som har behov for det.  

Bu i Brønnøysund

Brønnøysund er ein triveleg liten kystby sør på Helgeland. Vi har korte avstandar til det meste og masse vêr – uansett årstid! Er du glad i naturopplevingar har vi eit utal moglegheiter. Moglegheitene er mange også for deg som heller føretrekk ein tur på kafe eller restaurant, er opptatt av kultur eller ulike treningsmoglegheiter innandørs.

Har du studielån og bur i Brønnøy kommune kan du få nedskrive lånet kvart år til det er nedbetalt. Les meir om https://www.regjeringen.no/no/aktuelt/vil-innfore-ny-ordning-for-sletting-av-studielan/id3121673/

Verd å merke seg før du søker

Når du søker jobb hos oss, vil namnet ditt stå på ei offentleg søkarliste. Ønsker du å bli unntatt frå den offentlege søkarlista, må du grunngi kvifor. Vi tar kontakt med deg dersom vi ikkje tar ønsket ditt til følgje, og du får moglegheit til å trekke søknaden din. 

For å bli vurdert som søkar, må du legge ved relevante attestar og vitnemål. Vitnemål frå utdanning tatt i Noreg lastar du opp frå Vitnemålsportalen. Har du utdanning frå utlandet legg du ved godkjenning frå Direktoratet for høgare utdanning og kompetanse/NOKUT.