barne- og ungdomsarbeidar

Om stillinga

Me har ledig to 100% mellombelse stillingar frå dags dato  - 12.08.26. Mindre stillingar kan også vere aktuelt.  Begge dei to kommunale barnehagane, Flåm barnehage og Aurland barnehage, har ledige mellombelse stillingar. 

Aurland barnehage er ein funksjonell og moderne barnehage, som var ferdigstilt i mars 2022. Barnehagen ligg nær barne- og ungdomsskule, bibliotek, fleirbrukshall og fine turområde. Barnehagen har faste utedagar og eit godt miljø for store og små. Her er fire avdelingar med 16 tilsette og 51 barn.

Flåm barnehage ligg fint til på Lunden. Me er ein god og veldriven barnehage med gode moglegheiter for eit aktivt tilbod med skog, fjell og fjord som nærmiljø.  I denne barnehagen er det to avdelingar med 8 tilsette og 27 barn.

Me søkjer deg som er oppteken av å gjere ein forskjell og vere ein aktiv bidragsytar til å skape ein god kvardag for barnehageborna våre. Me ynskjer at du er engasjert, trygg og oppteken av å skapa meistring i kvardagen. Det er fint om du har erfaring frå arbeid med born, men det er ikkje noko krav.

Arbeids- og ansvarsområde

• delta aktivt i barna sin leik og aktivitetar
• skape trygge og gode relasjonar til barna
• observere og følge opp einskilde barn og barnegrupper
• bidra til barna sine sosiale, motoriske og språklege utvikling
• bidra til eit godt og inkluderande miljø for både barn og vaksne
• delta i møter, kurs og intern opplæring
• utføre praktiske oppgåver
• bidra i planlegging og gjennomføring av pedagogiske opplegg
• medverke til gode rutinar og struktur i kvardagen

 

Kvalifikasjonar

• Me ynskjer at du har fagbrev som barne- og ungdomsarbeidar, men relevant erfaring kan kompensere for manglande formell utdanning.
• Gode norsk­kunnskapar, både munnleg og skriftleg, er ein føresetnad for å utføre arbeidet godt.

Personlege eigenskapar

Barna skal møte engasjerte, kompetente og trygge vaksne. Me vil difor at du:

• vil bidra aktivt til eit godt arbeidsmiljø
• er fleksibel og endringsvillig
• er positiv og lærevillig
• er leiken og oppteken av å skape aktivitet og meistring

Verdiane våre er: L-Æ-R, som står for Likeverd, Ærlegdom og Respekt.

Me tilbyr

• ei utfordrande stilling med moglegheit for utvikling og fagleg påverknad 
• eit utviklingsorientert arbeidsmiljø 
• gode pensjons- og forsikringsordningar 
• løn etter tariff 
• tilbod om minimum 6 års tilleggsansiennitet for fagarbeidarar
• gratis inngang til treningsrom i Aurlandshallen (førebels til og med 2025)
• gratis inngang til symjehallen (førebels til og med 2025)
• å formidle kontakt med utleigar av ledige husvære 
• eventuell informasjon om ledige stillingar til partnar, samt moglegheit for utlån av kontorfasilitetar (kontorhub)

Sjå gjerne informasjonsbrosjyre om kommunen vår  her.

Video: https://youtu.be/aFXLAnqaUbI

Krav til språk

Du må kommunisere godt på norsk, både munnleg og skriftleg. Aurland kommune nyttar nynorsk som målform.

Løns- og tilsetjingsvilkår

• tilsetting, løn og arbeidsvilkår i samsvar med gjeldande lovverk, reglement og tariffavtale
• krav om politiattest etter barnehagelova av nyare dato

Generell informasjon

Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. 

Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. 

Me ynskjer deg velkomen som arbeidssøkar i Aurland kommune.

NB! Me overfører nytilsette direkte til lønsystemet vårt, det er difor veldig viktig at du skriv namnet ditt slik det er registrert i folkeregisteret når du søker stilling, samt at du skriv med stor forbokstav.