Psykologspesialist/ psykolog/ gruppepsykoterapeut

Kronstad Distriktspsykiatriske Senter (DPS) er sentralt plassert på Danmarksplass og har ansvar for bydelane Bergenhus, Årstad og Ytrebygda.

Seksjon for gruppebehandling søker etter psykologspesialist/psykolog/gruppepsykoterapeut med relevant kompetanse og erfaring med spesiell interesse for mentaliseringsbasert terapi (MBT) og gruppebehandling.

Dette er ein spennande arbeidsplass med 20 høgt kvalifiserte medarbeiarar, m.a. 5 psykologspesialistar. Vi har eit mangfoldig behandlingstilbod. Vi ynskjer å tilby behandling som samsvarer med klinikken og pasientane sine behov for differensierte tilbod.

Seksjonen tilbyr strukturert poliklinisk behandling i gruppe. Tilbodet har ei integrativ behandlingstilnærming. Pasientgruppa er samansett, med hovudvekt på personlegdomsforstyrringar, angst, depresjon og livskriser. Vi tilbyr korttidsgrupper (ca 16 veker) for pasientar med angst/depresjonsaproblematikk og relasjonelle vanskar. Vi tilbyr mentaliseringsbasert behandling av pasientar med emosjonelt ustabil personlegdomsforstyrring. Vi har og behandlingsprogram for pasientar med engstelig, unnvikande p.f. Det er alltid 2 terapeutar i gruppene. Eit tilbod vi nyleg har starta opp er HIT,- høyintensiv trening som terapi. Ei anna sentral oppgåve er utgreiing og individuell oppfølgjing av pasientar. 

Søkar sin kompetanse og interesseområde vil kunne påverke arbeidsoppgåvene.

Denne seksjonen utgjer eit sentralt fagmiljø i Bergen innan personlegdomsfokuserte og gruppeterapeutiske behandlingsmetodar. Seksjonen deltar i forskingssamarbeid med "Nettverk for personlighetsforstyrrelser i Norge".

Arbeidsoppgåver

• Utgreiing, vurdering og behandling av tilviste pasientar
• Deltaking i MBT-team som individual- og gruppeterapeut
• Undervise eller bidra i MBT psykopedagogisk kurs
• Deltaking i andre terapigrupper kan bli aktuelt
  
• Ha indirekte spesialistansvar (dersom ein er spesialist)
• Bidra til fagleg utvikling i seksjonen
  

Kvalifikasjonar

• Norsk autorisasjon som psykologspesialist eller psykolog
• Høgskuleutdanna psykoterapeut med relevant kompetanse og erfaring kan og søke og bli vurdert
• Erfaring med den aktuelle pasientgruppa
• Utdanning og/eller erfaring som MBT- terapeut eller gruppeterapeut
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggast ved søknad 
  

Personlege eigenskapar

• Gode samarbeidsevner og evne til å bidra positivt i eit tverrfagleg miljø
• Evne til å arbeide sjølvstendig og strukturert
• Evne til å ta i bruk nye metodar og ha ei open og nysgjerrig haldning til ulike terapeutiske retningar
• Engasjement for pasientgruppa og behandlingsforma
• Fleksibel, løysingsorientert og med gode samarbeidsevner
• God formidlingsevne, både munnleg og skriftleg
• Interesse for fagutvikling og kvalitetsforbetring
• Personleg eigna for å jobbe med pasientgruppa er ein føresetnad

Vi tilbyr

• Arbeid i eit høgt kvalifisert fagmiljø med fleire psykologspesialistar, psykolog, psykiatriske sjukepleiarar, spesialiserte fysioterapeutar og ergoterapeut, sosionom, erfaringskonsulent, IPS konsulent m.m.
• Tverrfagleg teamarbeid som i praksis fungerer veldig bra
• Eit miljø med høg kompetanse innan gruppeterapeutiske behandlingsmetodar
• Engasjerte og fagleg sterke medarbeidarar
• Eit godt arbeidsmiljø og utfordrande arbeidsoppgåver i ein spesiell og spanande seksjon
• Opplæring blir gitt etter behov

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Eirik Hjermann, Seksjonsleiar/Psykologspesialist, 920398205, eirik.hjermann@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5027215029
Stillingsprosent: 100%
Fast
Søknadsfrist: 02.11.2025