Universitetslektor i klinisk nevropsykologi

Dette er NTNU

NTNU er et breddeuniversitet med en teknisk-naturvitenskapelig hovedprofil og et tyngdepunkt innen profesjonsutdanning. Universitetet er lokalisert i tre byer med hovedsete i Trondheim.

På NTNU jobber 9 000 ansatte og 43 000 studenter med å skape kunnskap for en bedre verden.

Du finner mer informasjon om NTNU som arbeidsplass og søkeprosessen her.

Video: https://youtu.be/Xt-yHCN5QS0

Om stillingane

Ved Institutt for psykologi er det ledig inntil fire faste 20 % stillingar som universitetslektor i klinisk nevropsykologi. 
Institutt for psykologi har omkring 1200 studentar og meir enn 180 tilsette. Instituttet har eit stort og variert fagmiljø med brei kompetanse innan psykologi. Me tilbyr psykologutdanning, og studiar på bachelor-, master- og ph.d.-nivå. Instituttet driv også tre psykologiske opplæringsklinikkar (poliklinikkar): voksen-, barne- og nevroklinikk (nevropsykologisk poliklinikk). Instituttet har omfattande forskingssamarbeid, både internt og med andre forskingsmiljø nasjonalt og internasjonalt. 

Me leitar etter ein universitetslektor med engasjement for utdanning av framtidas psykologar. 

Som universitetslektor ved Institutt for psykologi vil du jobba med opplæring av psykologstudentar i klinisk nevropsykologi. Ved instituttet vil du samarbeida med erfarne testteknikarar, vitskapleg tilsette, og spesialistar i klinisk nevropsykologi. Du vil også samarbeida med relevante eksterne miljø som ein naturleg del av våre undervisings- og fagutviklingsaktivitetar. Hovudvekta av arbeidet i stillinga vil omfatta opplæring og rettleiing av studentar i nevropsykologisk arbeid med pasientar, med vekt på nevropsykologisk utgreiing. Du vil få høve til å påverka undervisingsopplegget i nevropsykologi for framtidas psykologar. 

Din næraste leiar vil vera instituttleiar. 

Arbeidsoppgåver som kan inngå er:

• Planleggje og gjennomføre undervisning i klinisk nevropsykologi og relaterte tema, som evnekartlegging, nevropsykologisk utgreiing og behandling/rehabilitering/habilitering ved ulike skadar og sjukdomar. 
• Gi psykologstudentar opplæring i praktisk klinisk nevropsykologisk arbeid, inkludert testopplæring, ferdigheitstrening og rettleiing av studentgrupper under intern praksis i nevropsykologi. 
• Ivareta det faglege ansvaret i eininga i samarbeid med dei andre vitskapleg tilsette. 
• Delta i gjennomføringa av undervisingsopplegget etter gjeldande studieplan, samt bidra til vidareutvikling av fagområdet og undervisingsopplegget, inkludert etter- og vidareutdanning. 
• Medverke i eksamensarbeid. 
• Utføre relevante administrative oppgåver. 
• Bidra til rekruttering av pasientar til undervisning ved behov. 
• Bidra i annan undervisning og rettleiing ved instituttet ved behov. 

Hovudtyngda av stillinga ligg på undervisning og rettleiing, men det vil òg vere høve til forsking og utviklingsarbeid innanfor fagområdet, i den grad ei universitetslektorstilling opnar for dette. 

Kvalifikasjonskrav

• Du må kvalifisere for stilling som universitetslektor innenfor fagområdet klinisk nevropsykologi henhold til krav gjengitt i NTNUs retningslinje for vitenskapelige stillinger
• Norsk autorisasjon som psykolog
• Påbegynt spesialisering i klinisk nevropsykologi 
• Klinisk erfaring frå klinisk nevropsykologi, rehabilitering og/eller habilitering
• God munnleg og skriftleg framstillingsevne på norsk og engelsk 
   

Det er ein føresetnad for å vere i stillinga at den tilsette er busett i Trondheimsområdet og tilsett i klinisk stilling. 
I tråd med Personalreglementet for undervisings- og forskarstillingar ved NTNU må du dokumentere relevant grunnleggande kompetanse for undervisning og rettleiing på universitets- og høgskulenivå, jf. NTNUs retningslinjer for vitskaplege stillingar – Knowledge base – NTNU. Dersom du ikkje kan dokumentere dette, vert du pålagt å gjennomføre minst éin Uniped-modul frå eit godkjent kurs i universitetsdidaktikk innan to år etter tilsetjing. NTNU tilbyr kvalifiserande modular.

Ønska kvalifikasjonar

• Fullført spesialisering i nevropsykologi 
• Klinisk erfaring med både barn og vaksne 
• Erfaring og kompetanse innan evnetesting (t.d. WISC-V og WAIS-IV) 
• Vere i klinisk arbeid og kunne bidra til rekruttering av pasientar til intern nevropsykologisk praksis ved behov 
• Leiarerfaring eller kjennskap til klinikkdrift 

 Personlige egenskaper

• Sjølvstendig, initiativrik og løysingsorientert 
• Nøyaktig 
• Sosial og samarbeidsvillig 
• Motivert til å bidra til eit godt arbeidsmiljø 

Personlege og mellommenneskelege eigenskapar vil bli lagt vekt på. 

Vi tilbyr

• spenneande og utviklande oppgåver i eit sterkt og internasjonalt fagmiljø
• ope og inkluderande arbeidsmiljø med engasjerte kollegaer
• gunstige vilkår i Statens pensjonskasse
• Tilsettgoder og fordeler

Lønn og vilkår

I stillinga som universitetslektor kode 1009 vil du normalt lønnast frå brutto kr 770 000- 810 000 pr. år avhengig av kvalifikasjonar og ansiennitet. Frå lønna blir 2 % lovfesta innskot trekte til Statens pensjonskasse. 

Tilsetjinga blir gjennomført etter prinsippa i statstilsettelova, og lovverk som regulerer eksport av kunnskap, teknologi og tenester. Etter tilsetjinga må du rekna med at det kan skje endringar i arbeidsområdet. 

Det er ein føresetnad at du kan vera til stades ved og tilgjengeleg for institusjonen på dagleg basis. 

Om søknaden

Søknaden og beskrivinga av dei eventuelle vitskaplege arbeida som skal leggjast til grunn for vurderinga skal liggja føre på eit skandinavisk språk eller engelsk. 

Me gjer merksame på at søknaden berre blir vurdert ut frå den informasjonen som du har gitt oss innan søknadsfristen. Sørg derfor for at søknaden din tydeleg viser korleis ferdigheitene og erfaringane dine oppfyller kriteria som er beskrivne over. 
Om du har hatt permisjon eller anna avbrekk i karrieren din, er det viktig at dette kjem fram i søknaden din slik at utvalskomiteen kan ta omsyn til dette og at mengda av forskinga di kan vera redusert som eit resultat. 
 

Søknaden må innehalda:

• CV, attestar og vitnemål 
• pedagogisk mappe, der den utdanningsfaglege kompetansen din blir framstilt systematisk og samla, jamfør Dokumentasjon av pedagogiske kvalifikasjonar ved søknad og tilsetjing i vitskapleg stilling 
• publikasjonar eller anna relevant forskingsarbeid, dersom du har det (opp til 5 utvalde publikasjonar) 
• namn og kontaktinformasjon til tre relevante referansar 
   

Me tek omsyn til fellesarbeidar. Dersom det er vanskeleg å identifisera innsatsen din i fellesarbeida, må du leggja ved ei kort forklaring for medverknaden din. 

Ved vurdering av den best kvalifiserte legg me vekt på personlege eigenskapar, motivasjonen din for stillinga og dine pedagogiske evner og kvalifikasjonar. Vår vurdering vil byggja på dokumentert pedagogisk materiale, framstillingsformer i dei vitskaplege arbeidet, erfaring frå undervising og rettleiing, og dessutan pedagogisk bakgrunn av annan art. Kvalitet og breidde vil bli vurdert. 

Søknaden din vil bli vurdert av ein fagleg komité. Aktuelle kandidatar vil bli inviterte til prøveundervising og intervju. 
 

Generell informasjon

NTNU trur på at inkludering og mangfald er ein styrke. Me ønskjer at våre tilsette skal spegla befolkninga, og søkjer til kvar tid dei beste hovuda. Dette gir NTNU auka produktivitet, innovasjon, betre avgjerdsprosessar, auka medarbeidartilfredsheit og det konkurransefortrinnet me treng for å gjennomføra samfunnsoppdraget vårt innan forsking og utdanning. NTNU legg vekt på tilrettelegging og oppmodar deg som kvalifisert kandidat til å søkja uavhengig av kjønn, funksjonsevne, hol i CV eller kulturell bakgrunn. 
Som tilsett ved NTNU må du til kvar tid retta deg etter endringar som utviklinga i faget medfører, og dei organisatoriske endringane som blir vedtekne. 

Offentleg søkjarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønskjer å reservera deg frå oppføring på offentleg søkjarliste må dette grunngjevast. Vurdering vil bli gjord i samsvar med gjeldande lovverk. Du vil bli varsla om reservasjon ikkje blir teken til følgje. 

Om du har spørsmål om stillinga kan du ta kontakt med førsteamanuensis/klinikkleiar ved nevroklinikken, Institutt for psykologi, NTNU Ramune Grambaite, tlf. 73597427, e-post ramune.grambaite@ntnu.no. Om du har spørsmål om tilsetjingsprosessen kan du ta kontakt med Ina Grønbech Halvorsen, e-post Ina.g.halvorsen@ntnu.no 

Synes du dette ser interessant ut, og i samsvar med kvalifikasjonane dine, sender du oss søknaden din elektronisk via jobbnorge.no med CV, vitnemål og attestar vedlagt. Ved førespurnad må du kunna skaffa stadfesta kopiar av dokumentasjonen din

Søknadsfrist: 10.12.2025