Sykepleier/ vernepleier/ sosionom/ barnevernpedagog

Om stillinga

Alver kommune, psykisk helse og rus teneste- avdeling heimebuande gjev tenester i heile kommunen. Avdelinga er delt i tre team – Tidleg innsats og livsmeistring, Oppfølgingsteam Psykisk helse og Oppfølgingsteam Rus og avhengigheit. Avdelinga gjev i hovudsak tilbod på dagtid, men ettermiddag/ kveld må påreknast. 

Vi har ledig ei stilling som miljøterapeut

 

 

Om oss

Hovudoppgåva for tenesta er psykisk helse og rusarbeid til personar over 18 år som har, eller er i ferd med å utvikle psykisk liding og/eller rusproblem. Tilbodet vert gitt som individuell oppfølging, gruppetilbod og arbeids- og aktivitetstilbod. 

Vi har ein recoveryorientert tankegang og tilnærminga vår er at menneske kan leve meiningsfulle og tilfredsstillande liv, på tross av psykiske helse og rusutfordringar.

Arbeidsoppgåver

• Individuell oppfølging av brukarar gjennom  kartlegging av ressursar og behov, støtte- og motivasjonssamtaler
• Strukturert og målretta oppfølgjing
• Leggje til rette for aktivitet og for at brukar skal kunne meistre eigen kvardag
• Medisinoppfølging
• Burettleiing
• Delta i gruppetilbod og aktivitetstilbod
• Delta i kvalitetsutviklinga av tenesta, og bidra til at målsettingar innan tenesta vert nådd
• Tverrfagleg samarbeid med interne og eksterne samarbeidspartar om eit heilskapleg tenestetilbod
• Bidra fagleg gjennom rettleiing, undervisning, utviklingsarbeid og teamarbeid
• Koordinere ansvarsgrupper og individuell plan

Kvalifikasjonskrav

• Minimum 3- årig sosialfaglig, pedagogisk eller helserelatert høgskuleutdanning
• Videreutdanning innen psykisk helsearbeid, psykisk helse og rusarbeid eller anna relevant vidare utd. Lang og relevant erfaring kan kompensere for manglande videreutdanning.
• 5 års erfaring fra fagfeltet er en fordel, men ikkje eit krav.
• Gode digitale ferdigheiter og kjennskap til digitale dokumentasjonsverktøy
• Førarkort klasse B
• Gode norskkunnskapar, munnleg og skriftleg

Kven er du?

• Personlege eigenskapar og evne til samarbeid vil bli vektlagt i stor grad
• Har gode relasjonelle ferdigheiter og evne til å skapa tillit over tid
• Er trygg i deg sjølv, handterer krevjande situasjonar med ro og tydelegheit, og tek kloke avgjerder under press
• Du har erfaring, interesse og engasjement for arbeid innan fagfeltet
• Du er god på kommunikasjon, samarbeid og samhandling
• Du har evne til å engasjere og inspirere menneske rundt deg 
• Du er glad i å jobbe i team, samt trivst med sjølvstendig arbeid
• Du er tolmodig og god til å motivere andre
• Du har evne til å sjå ressursar hjå den einskilde
• Du er opptatt av og legge til rette for brukarmedverknad
• Du er fleksibel og har evne til å sjå moglegheiter og tenkje løysingar, samt til å prioritere i daglege oppgåver
• Kan reflektera etisk og fagleg over komplekse problemstillingar 

Vi tilbyr

 

• Medverknad i utvikling av tenestene innan området psykisk helse og rus
• Teamarbeid i eit fagleg engasjerande, utfordrande og godt arbeidsmiljø.
• Oppfølging og rettleiing

• Moglegheit til å utvikla ferdigheitene dine i arbeid med relasjonar, sjølvstende og tilhøyrsel

   

• Vernepleiarar ligg 9000 over tariff og sjukepleiarar ligg 10 000 over tariff i Alver kommune
• God pensjonsordning i KLP
• Tilsetjing i samsvar med gjeldande lov- og avtaleverk

Vi er ein organisasjon i læring!

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. Bidrag til utvikling vert godt mottatt.

Vi er Alver

Vi får vere der frå aller fyrste stund, og vi får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.