Vernepleiar/sjukepleiar/sosionom/ barnevernspedagog

Har du lyst å prøve deg i ein kjekk og utfordrande jobb innan rusfeltet i spesialisthelsetenesta? Vi har den perfekte jobben til deg!

Vi har ei ledig 100 % fast stilling for deg med 3-årig bachelor i helse og sosialfag. Stillinga er p.t turnus med arbeid kvar 6.helg. Tilsetting er ønskeleg så snart som mogleg.

TSB langtidsdøgn Molde er ein døgnseksjon i Avdeling for Tverrfaglig spesialisert rusbehandling i Helse Møre og Romsdal.
Seksjonen har 15 sengeplassar. Pasientgruppa består av pasientar som har utfordringar med avhengigheit til rusmidlar, vanedannande medikament, anabole steroidar og spel, ofte også med tilleggslidingar som utfordringar med psykisk helse, vanskar med kjensleregulering og traumelidingar. Pasientane er innlagd i 26 veker.

Fagmiljøet ved seksjonen er tverrfagleg samansett og inkluderar legar, psykologar og 3-årig helse- og sosialfaglege medarbeidarar, mange med vidareutdanning. Seksjonen tilbyr ei heilskapleg behandling innanfor TSB der vi ser og ivaretek heile pasienten. Det er stort fokus på familie og nettverksarbeid. Behandlinga ved seksjonen innheld gruppeterapi, miljøterapi, treningsterapi og individualterapi. Vi er opptekne av å samarbeide med kommunane og andre samarbeidspartnarar for å få til eit best mogleg behandlingsforløp for pasientane. 
Seksjonen har implementert traumebehandling (Narrativ eksponeringsterapi) og DBT (Dialaktisk atferdsterapi) i rusbehandlingsforløpet.

Arbeidsoppgåver

• Miljøterapi
  
• Individualsamtalar 
  
• Gruppeterapi
  
• Treningsterapi
  
• Ulike oppgåver i forbindelse med behandlingsforløpa 
  
• Deltaking i tverrfaglege møter
  
• Medikamenthandtering
  
• Delta på ulike aktivitetar saman med pasientane

Kvalifikasjonar

• Bachelor i 3-årig helse- eller sosialfag
• Vidareutdanning i rus og/eller psykiatri vil være ein fordel, men ikkje eit krav
• Erfaring frå og interesse for rusbehandling eller psykisk helsearbeid
• Må meistre norsk skriftleg og munnleg
  
• God skriftleg framstillingsevne
  
• Førarkort klasse B, med manuell gir

Personlege eigenskapar

• Du er fleksibel, positiv, ansvarsbevisst og endringsorientert
  
• Du må ha evne til å bidra til eit godt arbeidsmiljø
  
• Du jobbar sjølvstendig, men fungerer samstundes godt i tverrfagleg samarbeid
  
• Du har god arbeidskapasitet og trivast i eit aktivt arbeidsmiljø
  
• Ved tilsetjing vil ein leggje vekt på gode eigenskapar når det gjeld kommunikasjon med pasientar, pårørande og samarbeidspartnarar
• Å vere personleg eigna vert vektlagt ved tilsetjing

Vi tilbyr

• Eit godt og triveleg miljø av dyktige og erfarne medarbeidarar
• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.

Kontaktinformasjon

Arbeidssted

Nøkkelinformasjon: