Bli med å forme framtidas digitale tenester i Hallingdal!

Er du strukturert, engasjert og brenn for digital utvikling? Ønsker du å bidra til å styrke oppvekst- og kultursektoren gjennom smarte digitale løysingar? Då kan dette vere stillinga for deg!

Vi ser etter ein digitaliseringsrådgjevar som vil vere med på å utvikle og forbetre digitale tenester i Hallingdalskommunane. Du blir ein del av vårt regionale digitaliserings- og innovasjonsteam, som jobbar tett med leiarar, fagmiljø og samarbeidspartnarar for å sikre gode og framtidsretta løysingar. Som digitaliseringsrådgjevar for oppvekst- og kultursektoren vil du ha særskilt fokus på administrativ og pedagogisk programvare innanfor dette domenet. Har du erfaring og god forståing herfrå, er det deg vi ser etter.

Stillinga er 100 % fast med oppstart etter avtale.

Arbeidsoppgåver
Du vil mellom anna:

• Inngå i team med leiar for digitalisering og innovasjon og regionen sine digitaliseringsrådgjevarar
• Bidra i regionale faggrupper innanfor eigne ansvarsområde, og regionale prosjekt innanfor digitalisering
• Forvalte og prioritere eiga portefølje i samråd med leiar
• Følgje opp kontraktar og leverandørar innan eigne ansvarsområde
• Skaffe, tilpasse og følgje opp nye programmodular og funksjonar
• Utføre prosjekt- og dokumentasjonsarbeid
• Standardisere tenestetilbod og identifisere synergiar på tvers av regionen
• Hjelpe tenestene med å vidareutvikle digitale ferdigheiter ved bruk av systemporteføljen
• Sikre godt samspel mellom kommunar, leverandørar og IKT Hallingdal

Kvalifikasjonar
Formelle krav:

• Høgskule- eller universitetsutdanning innan pedagogikk er føretrekt
• Utdanning innan IKT, økonomi eller administrasjon kan vurderast
• Relevant arbeidserfaring kan kompensere for manglande formell utdanning
• Gode norskkunnskapar, både skriftleg og munnleg
• Førarkort klasse B

Ønskja kvalifikasjonar:

• Kjennskap til kommunal forvaltning, særleg innan oppvekstsektoren
• Erfaring med prosjektleiing og gjerne noko leiarerfaring
• Erfaring med digitale system innan oppvekst- og kultursektroen
• Teknisk forståing og innsikt i systemintegrasjonar

Personlege eigenskapar
Vi ser etter deg som:

• Jobbar strukturert og er løysingsorientert
• Har evne til å koordinere, ta ansvar og vere ein pådrivar – både sjølvstendig og i team
• Er operativ og har god oversikt over fleire samtidige oppgåver
• Forstår samspelet mellom teknologi, menneske og organisasjon

Det blir lagt vekt på personlege eigenskapar. 

• Eit uformelt og inkluderande arbeidsmiljø med gode utviklingsmoglegheiter
• Fagleg rettleiing og moglegheit for vidareutdanning
• Svært gode pensjons- og forsikringsordningar gjennom KLP
• Løn og tilsetjing i samsvar med gjeldande avtaleverk (arbeidsmiljølova, KS Hovudavtale og Hovudtariffavtale)
• Moglegheit for heimekontor etter avtale
• Reiseverksemd og fysisk tilstadevering i Hallingdalskommunane må påreknast

• Gol kommune er vertskommune for stillinga
• Den som vert tilsett må legge fram politiattest ikkje eldre enn tre månader
• Intervju og tilsetting kan skje fortløpande i søknadsperioden
• Kommunen følgjer offentleglova § 25 ved eventuell offentleggjering av søkjarlista
• Vitnemål og attestar legg du ved søknaden

Har du spørsmål? Ta gjerne kontakt med oss.

Velkommen som søkjar – vi gler oss til å høyre frå deg!