Operasjonsavdelinga i Kirurgisk serviceklinikk søker ein engasjert leiar for Thoraxkirurgisk seksjon

Vil du leie eit av landets mest spesialiserte og erfarne fagmiljø innan thoraxkirurgi?

Thoraxkirurgisk seksjon ved Haukeland universitetssjukehus søker ein tydeleg og engasjert seksjonsleiar med hjarte for fag, kvalitet og menneske.

Om seksjonen
Thoraxkirurgisk seksjon (TKS) er ein del av Kirurgisk serviceklinikk (KSK) og held til i lyse, trivelege lokale i 2. etasje i Sentralblokka. Seksjonen består av fagleg dyktige operasjons- og anestesisjukepleiarar. Vi samarbeider tett i team med kirurgar, anestesilegar, perfusjonistar og reinhaldsassistentar.

Seksjonen har ansvar for:
Hjarte- og lungkirurgi
Thorakale aortaaneurismar
Akutt beredskap ved thoraxtraume
Innlegging av veneportar, Hickman- og dialysekateter for heile Haukeland universitetssjukehus

Seksjonen disponerer fire operasjonsstover, der éi er ein hybridstove som òg vert nytta av kardiologar og karkirurgar til avanserte prosedyrar som TAVI, MitraClip, pacemaker, ICD og EVAR.

Arbeidsoppgåver

Om stillinga

• Som seksjonsleiar har du det overordna ansvaret for personal, drift og økonomi. Du skal bidra til å sikre trygg og effektiv pasientbehandling, og samstundes legge til rette for trivsel og fagleg utvikling i teamet
• Du blir del av operasjonsavdelinga si leiargruppe (OPA) og samarbeider tett med dei andre leiarane i Kirurgisk serviceklinikk. Her møtest leiarar i eit godt arbeidsmiljø med høg kompetanse og open dialog
• Stillinga rapporterer til avdelingssjef for Operasjonsavdelinga (OPA)

Kvalifikasjonar

• Autorisasjon som sjukepleiar med vidareutdanning i anestesi- eller operasjonssjukepleie
• Fordel med leiarerfaring, helst frå spesialisthelsetenesta
• Erfaring frå operasjonsverksemd eller thoraxkirurgi er ein fordel
• Relevant leiarutdanning er ønskeleg

Personlege eigenskapar

• Har god forståing for drift, kvalitet og pasientsikkerheit 
• Trivst i eit høgteknologisk, tverrfagleg miljø med høgt tempo 
• Har gode kommunikasjons- og samarbeidsevner 
• Er strukturert, løysingsorientert og avgjerdsfør 

Vi tilbyr

• Eit sterkt og engasjert fagmiljø med stolte tradisjonar og høg kompetanse
• Spennande og varierte leiaroppgåver i ei seksjon med høg aktivitet
• Gode moglegheiter for fagleg og personleg utvikling
• Eit inkluderande arbeidsmiljø med fokus på samarbeid og trivsel
• Løn etter avtale

Ta gjerne kontakt for ein uforpliktande samtale – vi ser fram til å høyre frå deg!

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Solveig Tveit Songstad, Avdelingssjef, 99609824

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5033364838
Stillingsprosent: 100%
Fast
Søknadsfrist: 24.11.2025