Seksjonsoverlege ved fødeseksjon

Kvinneklinikken søker seksjonsoverlege ved fødeseksjon.

Kvinneklinikken ved Haukeland Universitetssjukehus er regionssjukehus for Helseregion Vest og sentralsjukehus for Vestland fylke. Vi har universitetsfunksjon og driv forsking innan fagområda gynekologi og fødselshjelp.

Klinikken er delt inn i fødeseksjon, seksjon for gynekologi (delt i avdeling for generell gynekologi og kreft), seksjon for fostermedisin og ultralyd og seksjon for assistert befruktning. Vi har årleg om lag 4500 fødslar og rundt 3000 operative inngrep. Fødeseksjon har 13 overlegar i i heil- og deltidsstillingar i tillegg til LIS i rotasjon. Seksjonen blir leia av to seksjonsoverlegar, der ein går ut i planlagd permisjon frå januar 2026. For å sikre godt leiarskap utlysast vikariat som seksjonsoverlege i eitt år. Seksjonsoverlegane høyrer til nivå 3 i organisasjonsstrukturen og rapporterer til Klinikkdirektør. Dei inngår i leiargruppa i legeseksjonen, samt i utvida leiargruppe i klinikken. Vaktsystemet er firedelt og det er forventa at seksjonsoverlegane kan delta i vakt.

Les meir om oss: Kvinneklinikken KK - Helse Bergen HF

Til stillinga som seksjonsoverlege ved Kvinneklinikken si fødeseksjon ligg eit overordna ansvar for fag, ansvar for økonomi og personalansvar for overlegane ved seksjonen. Vidare ligg det til stillinga å sikre kompetanseutvikling, god planlegging, godt tverrfagleg samarbeid og utvikling av det samla tilbodet til pasientane våre. Seksjonsoverlegane samarbeider, mellom anna, tett med jordmorleiarane i drift og utvikling av fødetilbodet, og gode samarbeidsevner er ein føresetnad for å lukkast i jobben. Jobben fordrar leiareigenskapar, stor fagleg interesse og engasjement. Vi har alltid fokus på kompetanse, pasientryggleik og brukarmedverknad. Kvinneklinikken si kjerneoppgåve er å gi gode helsetenester til kvinner på Vestlandet. Vi held til i nye, topp moderne lokale og arbeider med løysingar for framtida. Det er derfor viktig at du som seksjonsoverlege kan bidra positivt inn i utviklingsprosjekt og forbetringsarbeid. 

Ved Kvinneklinikken har vi fokus på godt arbeidsmiljø og vårt kollegium ønsker deg som seksjonsoverlege velkommen!

Arbeidsoppgåver

• Personalansvar for overlegane ved seksjonen
• Ansvar for økonomi, inkludert budsjett, aktivitet og drift
• Samarbeide tett med dei andre leiarane i fødeavdelingane for å planlegge drift, utvikle pasienttilbodet og sikre eit godt arbeidsmiljø
• Ta i bruk styringsdata i føretaket i utvikling av seksjonen
• Tilrettelegging for forsking og fagutvikling
• Tett samarbeid med utdanningsansvarleg seksjonsoverlege for LIS for å sikre kompetanseutvikling
• Medansvar for god samhandling på tvers av fagområde i og utanfor klinikken
• Delta i klinisk arbeid
• Delta i vakt
• Forbetrings- og kvalitetsarbeid
• Vere ein god rollemodell knytt til sjukehuset sin visjon, mål og verdiar

Kvalifikasjonar

• Norsk autorisasjon 
• Spesialistgodkjenning i Fødselshjelp og Kvinnesjukdommar
• Medisinsk embetseksamen
• Leiarerfaring eller utdanning
• Gode kunnskaper i norsk og engelsk både munnleg og skriftleg

Personlege eigenskapar

• Du har gode kommunikasjonsevner og evne til å samhandle med pasienter, pårørende og på tvers av profesjonar 
• Du er ein relasjonsbyggjar 
• Du er opptatt av å lytte til andre og å finne løysingar i fellesskap
• Du har gode tverrfaglege samarbeidsevner og god heilhetsforståing
• Du er strukturert og har evne til god planlegging 
• Du har evne og vilje til endring og å inspirere folk rundt deg
• Du er opptatt av forsking og utvikling
  

Vi tilbyr

• Spennande og utfordrande arbeidsoppgåver
• Eit godt arbeidsmiljø med høgt tempo
• Nye og moderne lokale
• Lønn i samsvar med gjeldande overeinskomst
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Lorentz Erland Linde, Direktør, 41456090

Arbeidsstad

Haukelandsbakken 11
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5031757149
Stillingsprosent: 100%
Vikariat
Startdato: 01.01.2026
Sluttdato: 31.12.2026
Søknadsfrist: 23.11.2025