Kommunalsjef for helse og omsorg

Har du eit sterkt engasjement for å utvikle gode helsetenester? 

Tysnes kommune søker ein handlekraftig og tillitsbyggjande leiar til eit års vikariat som kommunalsjef helse og omsorg. Me ser etter deg som ønsker ei spennande toppleiarstilling i ein organisasjon i endring. 

Kommunalsjefen har eit breitt og heilskapleg ansvar for utvikling, drift og leiing av helse- og omsorgssektoren, som omfattar NAV, institusjon, open omsorg, legetenesta og førebyggjande eining. Rolla er sentral i å sikre gode og samanhengande tenester for innbyggarane.

Stillinga inngår i kommunedirektøren si strategiske leiing saman med kommunalsjef for oppvekst, kommunalsjef teknisk og økonomisjef.

I 2026 skal me gjennomføre ei større omstilling i sektoren, og staben blir styrka og kommunalsjefen får god støtte i gjennomføringa. Det er ønskjeleg med snarleg oppstart, og vikariatet varer til 31.05.2027.

Arbeidsoppgåver

• Overordna ansvar for økonomi og budsjett i helsesektoren
• Utvikle og vidareutvikle heilskapelege helsetenester
• Styre og følgje opp utviklingsprosjekt i sektoren
• Medansvar for heilskapleg styring og utvikling av Tysnes kommune på tvers av sektorar 
• Pådrivar for godt partssamarbeid
• Sakshandsaming og gjennomføring av politiske vedtak
• Følgje opp og støtte einingsleiarane i sektoren

Kvalifikasjonar

• Relevant høgare utdanning på bachelor- eller masternivå
• Leiarerfaring - gjerne frå helse og omsorgssektoren
• Kjennskap til relevant lov- og avtaleverk for sektoren
• God økonomiforståing og erfaring med budsjettarbeid og ressurs- og økonomistyring 
• God munnleg og skriftleg formidlingsevne på norsk, Tysnes kommune har nynorsk som tenestemål
• God digital kompetanse

Ønskjelege kvalifikasjonar: 

• Kjennskap til offentlege avgjerdsprosessar og samspelet med folkevalde 
• Erfaring med utviklings- og endringsarbeid 

Personlege eigenskapar

• Tydeleg, relasjonell og inkluderande leiarstil
• Analytisk, strategisk og med god gjennomføringsevne
• Evne til å tenkje heilskapleg og sjå samanhengar på tvers av fagområde og sektorar
• Gode samarbeidsevner og evne til å kommunisere klart og tillitsskapande
• God arbeidskapasitet, og evne til å delegere, prioritere og motivere

Personlege eigenskapar vert tillagt stor vekt. 

Me tilbyr

• Ei sentral rolle for deg som vil vera med å påverka og utvikla lokalsamfunnet 
• Ein variert arbeidskvardag med breitt ansvar og spennande oppgåver
• Gode moglegheiter for fagleg og personleg utvikling 
• Lønn etter avtale og gode forsikrings- og pensjonsordningar 

I Tysnes kan du frå 2026 få inntil kr 25 000 i årleg avskriving av studielånet ditt. Som arbeidstakar og busett i ein distriktskommune kan du ha rett til å få sletta delar av studielånet gjennom Lånekassen si nye ordning for distriktskommunar. 

Informasjon til søkar

Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar.

Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge.

Tysnes kommune ønsker å spegle mangfaldet i befolkninga i rekrutteringa vår. Me oppmodar alle kvalifiserte kandidatar til å søke ledige stillingar uavhengig av kjønn, alder, funksjonsnedsetting eller fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønsker å legge til rette for ei inkluderande rekruttering.