Bibliotek- og kulturmedarbeidar

Vindafjord bibliotek er eit moderne bibliotek med mykje spennande aktivitet. Me søkjer deg som har interesse for kultur- og bibliotekfagleg verksemd til ein 50% vikarstilling f.o.m. 10.08.2026 t.o.m 31.05.2027, med mogleg forlenging. Du vil jobba i team saman med dyktige kollegaer frå fleire ulike fagfelt. Biblioteket er ein del av Kultur og læring, ei innovativ og aktiv eining med mykje tverfagleg samarbeid som du vil bli ein del av. For oss er mangfald og inkludering viktige verdiar. Vaktordningar som inkluderar dag, kveld og helg må ein rekna med.

Dine hovudarbeidsoppgåver vil vera: 

• Aktiv formidling
• Digital formidling
• Samlingspleie
• Utlån, rettleiing og anna publikumsretta arbeid
• Planlegging og gjennomføring av ulike kulturrelle aktivitetar og arrangement retta mot alle aldrar

• Ein jobb med meining og faglege utfordringar som vil gi deg meistring
• Arbeid med engasjerte kollegaer som ønsker at du skal trivast og lykkast
• Støtte og opplæring for å hjelpa deg å komma godt i gong i den nye rolla di
• Ein av Norges sikraste pensjonsordningar: offentleg tenestepensjon
• Forsikringsordningar som gruppelivsforsikring, yrkesskadeforsikring og tenestereiseforsikring
• Lønn etter gjeldande tariff og avtaleverk

• Relevant høgare utdanning innan bibliotek, informasjonsvitskap og eller litteraturvitskap
• Annan relevant utdanning og eller erfaring kan også vera aktuelt 
• Erfaring frå bibliotek og eller skulebibliotek er ønskeleg 
• Erfaring og interesse innan bibliotekfaget 
• God digital kompetanse er ein førestenad
• Meistra norsk, både skriftleg og munnleg. Skriftspråket i kommunen er nynorsk

• Ein omsorgsfull og trygg vaksen
• God evne til å inspirera og motivera til leseglede  
• God evne til samarbeid og refleksjon
• Løysingsorientert og systematisk, både sjølvstendig og i team
• Serviceinstilt

Personlege eigenskapar vil bli lagt vekt på. 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.